رواية فأعرضت نفسي بقلم اية شاكر
لسه فايقه
كنت مزغلله لكن سمعاهم كويس لحد ما انطلقوا بالسياره...
من ناحية تانيه كانت روعه خارجه من القاعه لوحدها فشافت شموع وهي بتركب العربيه مع شهد وشاب تاني اللي ساق بسرعه وجنبه بنت تانيه مشافتش ملامحها!
حاولت توقف تاكسي عشان تلحقهم وهي مرتبكه وقلقانه عليها..
وقفت تاكسي وطلبت منه يلحقهم بس كانت عربيتهم بعدت مسافة قالت
سيبوني
كنت كل لحظه أردد الجمله دي وهما متجاهليني تماما..
وبعد فتره من دموعي ورجائي ليهم يسيبوني وقفوا قصاد عماره ونزلنا وأنا بدمع لكن سانده على شموع واحنا داخلين للعماره..
وفجأة ظهرلي طوق نجاة سمعت صوته اللي دق على طبلة أذني وملأ غرفات قلبي كان نازل على السلم وبيقول
والله يا شادي أنا نفسي توافق بس مش عارف هي مالها بعدت عني وواخده جنب أنا حقيقي خاېف عليها اوي
لازم وتحتويها يا عبيده
غمغمت بوهن
عبيده... عبيده
قالت منه پخوف
يالهوي إيه الحظ المنيل ده! دا صوت أخوها
شموع بقلق
وفجأه لقيتني لوحدي سالوني ومشيوا أو هربوا! حسيت بجسمي بيترنح مديت ايدي أبحث عن حاجه أستند عليها وأنا مش شايفه ملامح أي حاجه قدامي وفجأه سمعت صوت روعه اللي بتنادي
شهد
مبقتش عارفه دا واقع ولا أنا بهلوس ولا فيه إيه! اصطدام جسمي بالأرض بق وة وناديت بقلة حيلة وبصوت للهمس
روعه... عبيده
بقلم آيه شاكر
مالك يا شهد... هما عملوا فيك إيه!
قالتها روعه بنبرة قلقة وبلهفة وهي بتهز شهد وبتخبط على وجهها بخفه لكن شهد كانت استسلمت وقفلت عنيها..
في ايه!!! انتوا بتعملوا ايه هنا!
التفتت روعه لمصدر الصوت كان عبيده بيبص ناحيتهم بذهول وجنبه شادي..
مردتش روعه عليه هي أصلا مش عارفه هما بيعملوا إيه هنا!!
شعر بانقباضة في قلبه وحط إيده على صدره بړعب وقال موجها كلامه ل روعه
إيه اللي هي لبساه ده وإيه اللي عامل فيها كده!!
روعه بتلعثم
م.. معرفش والله ما أعرف!
حاول عبيده يفوق شهد وهو بيقول پحده
يعني ايه متعرفيش انتوا مش كنتوا مع بعض
هو ده وقته يا عبيده شيل أختك خلينا نروح بيها على أقرب مستشفى
عبيده وخرج بيها فشاورت روعه على التاكسي اللي كان لسه واقف مستنيها وقالت
تعالى فيه تاكسي أهوه
يصلها عبيده بشك وركب في المقعد الخلفي...
كانت شهد في المنتصف وعبيده على يمينها وروعه على شمالها وشادي ركب في المقعد الأمامي جوار السواق...
وانطلقوا بيها على المستشفى...
بقلم آيه شاكر
استغفروا
متقلقيش يا ماما أنا مع شهد أصل تعبت شويه
كانت روعه بتتكلم في الموبايل مع والدتها اللي قالت
عمك ومراته وابنه هنا وفرجوا أبوكي على المحادثات المتفبركه معرفش وصلتلهم إزاي وأبوكي حالف ما يرجعوا البلد إلا وهو كاتب كتابك على ابن عمك
إيه الجنان ده! بالله عليك حاولي تفهميه يا ماما إني معملتش حاجه! وبعدين أنا دكتوره هتجوز واحد كان بيعدي في الدبلوم بالعافيه ازاي!!
المهم دلوقتي باتي عند خالتك ولا روحي عند حد من أصحابك على ما أشوف إيه اللي هيحصل دا أبوكي متعصب جامد!
ماشي يا ماما نص ساعه وهكلمك أقولك هعمل ايه
أنهت روعه المكالمه والتفتت لصوت الدكتور اللي بيقول لعبيده وشادي
واضح إنها تحت تأثير مخدر!
عبيده پصدمه
مخدر!
الدكتور برتابه
متقلقوش هي هتفوق لما مفعوله يخلص
عبيده وشادي بصوا ناحية روعه اللي رجعت لورا وكأن سهام نظراتهم بتدفعها للخلف وكانت بتبص حوليها بنظرات حائرة ومرتبكه....
عبيده منها وقال
اشرحيلي بقا إيه اللي حصل بالظبط
بلعت ريقها وقالت بتلعثم
ب... بص يا بشمهندس أنا معرفش حاجه لما شهد تفوق ابقى اسألها
عبيده بحدة
وأنا هجيب صبر منين عشان أستناها لما تفوق!!
شادي برجاء
يا أنسه لو سمحتي قولي لنا إيه اللي حصل!
هزيت راسي بالنفي وأنا بقول بارتباك
أأا.. أنا معرفش حاجه عشان أقولها
رن موبايل روعه تاني برقم والدتها فردت بسرعه عشان تهرب منهم لفت ظهرها وقالت
أيوه يا ماما
ردت والدتها بهمس
أيوه يا قلب أمك اسمعيني...
سحب عبيده الموبايل من روعه فشهقت وكانت لسه هتزعق فحط صوباعه على بوقه كإشاره ليها إنها تسكت وبدأ يكلم والدتها
ازيك يا طنط... أنا عبيده اخو شهد
والدة روعه بخفوت للهمس
ازيك يا بشمهندس... عامل ايه
تمام الحمد لله... رحيم عامل ايه مش نازل أجازه قريب
بخير الحمد لله هينزل كمان يومين كده
يجي بالسلامه ان شاء الله
سمع عبيده صوت زعيق والد روعه
قولي لبنتك تيجي حالا بلاش شغل العيال ده
برن عليها أهوه بس موبايلها مغلق يا حج
عقد عبيده بين حاجبيه وقال مستفهما بهمس وكأنه خاېف والد روعه يسمع صوته
هو فيه حاجه ولا إيه!
بعدت والدة روعه عن زوجها وقالت بهمس
معلش يا عبيده قول لروعه تروح لخالتها ولا تبات عند شهد أصل أبوها عرف بموضوع الرسائل ومتعصب على الأخر
وقبل ما يسأل عبيده عن حاجه تاني قالت والدة روعه
معلش مضطره أقفل أمانه عليك تخلي بالك من روعه
