رواية فأعرضت نفسي بقلم اية شاكر
إدراكي إني بقيت عمتو الحرباية...
جه شادي لما عرف إن روعه بتولد وشوفته واقف يعطي عبيده فلوس وعبيده بيقوله
والله يا حبيب أخوك معايا... أنا لو عايز ما أنا هقولك مش هجيب من بره
طيب روح هات زغلول نعمله الفحوصات والذي منه أنا وشهد وخليك إنت مع مراتك
عارف لو روعه سمعتك بتقول زغلول هتنسى كل حاجه وتيجي تجري ورانا
شيلت المولود بين إيدي ومشيت جنب شادي وحسيت إني غيرانه ونفسي أكون أم حالا...
بصيت ل شادي إللي ماشي جنبي وأنا بتخيل لو كان ده ابننا ابتسملي وقال
مش ناويه تحني عليا ونقدم الفرح عشان أشوف عيال يا شهد
لقيتني بلمس بطانية المولود وأنا بقول بتلقائية
والله حاسه كده إني عايزه أكون أم دلوقتي
طيب ما يلا بقا... التأخير من عندك على فكره
ابتسمت وأنا بفكر أقدم فرحنا زي ما هو عايز!
لما انتهينا من الفحص رجعنا بالمولود تاني للغرفة دخلنا الأوضه اللي فيها روعه وشادي بص للأرض وهو بيقول
حمد الله على السلامه يا دكتوره
ردت روعه بوهن
الله يسلمك
وقف شادي جنبي مبتسم وجت حنين مع رحيم واتجمعت العيله كلها في المستشفى...
اللهم بارك قمر أوي شبهك يا روعه
روعه معترضة
لأ يا بنتي دا شبه عبيده
ما انتوا الاتنين أصلا فيكوا شبه من بعض صح
قالتها حنين وهي بتسأل رحيم فهز رأسه بالإيجاب ثم غمز لها وهو بيقول بهمس
عقبالنا بقا
قالت حنين بنفس الهمس
اتلم يا رحيم
ضحك رحيم وهو بيقول
يا بنتي ما كله بالأدب
أول ما شافتني ببص عليها مشيت بسرعه كنت هخرج وراها لكن التهيت مع عائلتي الجميله وفرحتهم بالمولود الجديد ونسيت أمرها تماما...
بقلم آيه شاكر
لا حول ولا قوة الا بالله العلي العظيم
جلست منه على المقعد الحجري كعادتها بعدما تنتهي من محاضراتها تختلي بنفسها لتفكر وتقارن بين حالها الآن وحالها في السابق...
كانت تتابعهم من بعيد وتطمئن عليهم وتحن إليهم وتتمنى أن تنقلب الموازين ويعودون أصدقائها لكنها عكرت صفو صداقتهم بجهلها وحقدها...
كم تخاف من قلبها وكثرة تقلبه فكانت في كل سجدة تدعو بدعائيناللهم ثبت قلبي على دينك... واللهم طهر قلبي اللهم اهدي قلبي
أخرجها من أفكارها صوت تألفه
إزيك يا دكتوره منه
رفعت رأسها لترى أبي تعجبت أنه عرفها وأنه هنا! فابتسمت أسفل نقابها وقالت
الحمد لله... ازي حضرتك
جلس جوارها وقال
الحمد لله... كنت جاي أخلص ورق من الكليه فشوفتك...
لم ترد عليه فصمت قليلا وقال
ليه بتحبي تقعدي في المكان ده ودايما لوحدك
شعرت أنه أتى في وقت تساؤلها ليجيبها فقالت
عشان أجاوب على سؤالك لازم احكيلك حاجات كتير بس قبلها تسمحلي أسألك سؤال
أسمحلك طبعا
قالت بدموع ونبرة متحشرجة
إزاي أتأكد إن أنا مش من الأخسرين أعمالا
ابتسم وقال
أولا ثقي في الله وثانيا اخلصي كل عملك لله حتى نومك خلي نيتك في كل حاجه بتعمليها إنها طاعه لله
اومأت رأسها بتفهم وسكتت فتره وبعدين قالت
أنا آذيت أصحابي كلهم... ومعتذرتش ليهم...
وكأنها ما صدقت لقيت حد تفضفض معاه شخص مش هتقابله تاني ولسه هتبدأ تحكيله قاطعها وهو يقول
بصي بقا مش أي حد رايح أو جاي تحكيله استري على نفسك حتى لو زي ما بتقولي الناس كلها عارفه أنا واحد من الناس معرفش... عن عائشة رضي الله عنها يانساء المؤمنين إذا أذنبت إحداكن ذنبا فلا تخبر به الناس ولتستغفر الله ولتتب إليه فإن العباد يعيرون ولا يغيرون وإن الله يغير ولا يعير... وكويس أوي إن إنت بتتصدقي عن أصحابك وأنا متأكد إنك لو روحت اعتذرتيلهم هيسامحوك
قالت پبكاء
مش قادره أبص في وشهم بعد كل اللي عملته..
سيبها للزمن... الزمن قادر يداوي ويصلح بينكم
سكتوا فتره وبعدين وقفت وقبل ما تمشي قالتله
شكرا لحضرتك وشكرا لوقتك
وقف أبي وقال بابتسامة
العفو... ممكن أخد رقمك
هزت راسها بالنفي وقالت
أنا آسفه بس مش عايزه أغلط تاني
تركته ومشيت وهو وقف يبص على فراغها ويبتسم وهو بيدعيلها بالهداية...
بقلم آيه شاكر
استغفروا
وبعد يومين من إلحاح شادي بتعجيل زواجنا وارتباكي وحيرتي رغم استخارتي دخلت إلي جمعية خيرية لأتصدق بنية أن يرزقني الله القرار الصائب بشأن هذا الموضوع وأن يبارك بحياتي القادمة...
ممكن اسم حضرتك
أعطتها اسمي بالكامل فنظرت لي البنت وقالت
إنت لسه متبرعه بمبلغ إنت وأصحابك!!
لأ أنا أول مره أجي أكيد ده تشابه أسماء...
رددت الفتاه أسماء شهد وروعه وحنين وسما وشموع بالكامل مما أثار تعجبي وتسائلت هل التشابه إلي هذا الحد!!! قلت
فعلا دي أسماء أصحابي... مين اللي بيتبرع بإسمنا
فعلا دي أسماء أصحابي... مين اللي بيتبرع بإسمنا!!
خرجت من الجمعية الخيريه وأنا مش فاهمه حاجه وبسأل نفسي مين اللي بيتبرع بأسمائنا!!!
٢٥ والأخيرة
فأعرضت_نفسي
بقلم آيه شاكر
ولما وصلت البيت حكيت ل
