قصة ابواب هاديس بقلم بيتر ديفيد

باب ودي مباني غالبا تحت الارض والفتحات دي مكتوب جنبها مراية وعلامات اكس واشكال تاني مش مفهومه ودي ... ايه ده ...
ايه 
الخريطه دي فيها عنوان بيتك 
فعلا ده عنوان بيتي وده رقم بيتي
طب يعني ايه الكلام ده 
انا لاقيته كاتب بايده في كشكول جملة ابواب هاديس واضح ان دي الابواب اللي بيقصدها 
وممكن تكون الفتحات دي هي الابواب المقصوده اللي مكتوب جنبها مرايه 
يبقى معنا كده ان ابواب هاديس مداخلها من المرايات اللي في بيوتنا بس اشمعنا بيتي انا اللي متحدد في الخريطه ..
جميل بس لو الغريب لو المقصود ان الابواب هي نفسها المرايات ايه تفسير الرسومات اللي مكتوب جنبها تحت الارض دي 
لسه مش قادر افسر ده ده مكتوب كمان 88 متر يقصد ايه بالارتفاع ده 
ركز كده يافايز مكتوب بخط خفيف 16 نوفمبر ياترى ده تاريخ قديم ولا لسه جي 
مخدتش بالي من التاريخ ده احنا النهارده كام في الشهر 
13 نوفمبر 
اظن ان التاريخ ده مقصود بيه حدث لسه هيحصل 
او يكون حصل من سنه وده اللي خلاه يختفي بعدها 
يوم 16 فاضل عليه يومين ابقى تعالي اسهر عندي وبات معايا ونفكر سوا ونشوف اذا كان حصل ولا لسه هيحصل
في خلال اليومين دول قررت اني انام في اوتيل وكنت طلبت من خدمة الغرف انهم يشيلوا اي مرايات من غرفتي وكنت بحاول اركز في تفسير كل الاحداث اللي مرت واربطهم ببعض لكن بيقف قدامي الغاز ملهاش علاقه بالاحداث زي مثلا هو ابراهيم جاري راح فين واذا كان موجود اصلا ولا لا 
لكن بعتبر ان ابراهيم مش خيط مهم سواء كان في ابراهيم او لا مش هيفرق كتير على مااعتقد وبعد يومين وتحديدا يوم 15 نوفمبر بكون سيبت الاوتيل ورجعت شقتي وفي الليل كنت منتظر صبري يجي لعندي زي ماتفقنا وبالفعل بعد فترة انتظار بيوصل عندي على حوالي الساعه ١١ ونص مساءا وبنتعشى سوا وبعمل القهوة وبقعد جنبه وبولع سيجارتي وبقوله ..
جاهز للړعب 
لا بلاش ړعب انا مش جاهز لاي حاجه 
المرايه بتحب كده الساعه 1 ميعادها المفضل هتكون ابتدت الاعيبها
طب مابقولك ايه مابدل مانحاول نكسرها وترجع سليمه تاني مانخلعها من التسريحة ونحط وشها في الحيطه ..
والله فكره برافو عليك قوم ساعدني نعمل ده ونجرب 
وبالفعل بنقوم نخلع المرايه من التسريحه وبنلف وشها باتجاه الحيطه بعد مابغطيها وبنسيبها ملزوق وشها في الحيطه لعل وعسى يكون ده حل يوقف الحاجات المرعبه اللي بتخرج منها ..
والساعة 1 بعد نص الليل بنكون في الاوضة ومركزين على المرايه وفجأة النور بيقطع وبنسمع صوت صړاخ عالي اصوات رجاله واطفال وستات لكن مكنش خارج من المرايه 
جرينا انا وصبري للشباك لان واضح ان الصوت جي من بره العماره وبنلاقي ان المنطقه بالكامل مضلمه واصوات الصړيخ والاستغاثات طالعه من البيوت اللي حوالينا ناس كتير من اماكن مختلفه بتصرخ ومش قادرين نفهم ايه بيحصل 
بصلي صبري وقالي
الناس دي بتصرخ ليه كده اكيد في حاجه بتحصل في المنطقه كلها 
التاريخ احنا في اول ساعات 16 نوفمبر ...
يتبع 
صړاخ واستغاثات مرعبة كنا بنبص من الشباك لكن مش شايفين حاجه توضح سبب كل الصړاخ ده كل الاصوات متداخله في بعض بدأت توضح قدامي الرؤية لكن بشكل ضعيف وشوفت بعض الاشخاص بتنط من البلكونات منتحره بترحب بالمۏت وكأنها بتهرب من ماهو العن واكثر ړعبا 
وبعد مرور اكتر من نص ساعه الاصوات كانت وقفت عن الصړاخ والانوار والكهربا رجعت للمنطقه والنور بقى في كل مكان حوالينا بما فيهم العمارة اللي ساكن فيها وقطع ذهولي وحالة اللافهم اللي انا فيها صوت صبري وهو بيكلمني ..
هي الناس دي ماټت كده هو اللي حصل ده بجد وشوفته زي مانا شوفت
شوفت كان في ناس بتنط وبتنتحر من بلكوناتها واكيد في ناس تانيه ماټت بطرق اپشع اعتقد ان دي كانت مجزرة جماعية 
احنا لازم نتصل بالشرطة احنا هنفضل واقفين كده 
بيمسك صبري تليفونه وبيتصل بالنجدة وبيبلغهم بكل اللي شوفناه وسمعناه وبالفعل بعد وقت بسيط كانت عربيات الشرطة في المنطقه وكاميرات مصورين وصحافيين وكلهم بيحاولوا يفهموا ايه اللي حصل !
بدخل اوضتي وبقعد ع السرير وانا براقب المرايه بصمت وحيرة وبسألها ياترى ايه سرك 
معقول تكوني ورا كل اللي بيحصل ده 
معقول انا بقيت مؤمن بان في عالم خفي موجود بقوة حوالينا في كل مكان وقادر يتحكم في حياتنا بالشكل ده  
وبيدخل صبري الاوضه عندي وبيقولي 
انت بتعمل ايه يافايز انت سايب الدنيا والمصاېب اللي بره وقاعد هنا 
وهعمل ايه 
تعالى ننزل نشوف مع الناس اللي تحت ايه بيحصل 
تفتكر لما عكسنا اتجاه المرايه وغطيناها وبقى وشها للحيطه ده كان سبب اننا نترحم من اللي شافوه الناس حوالينا 
ماحنا لسه منعرفش ايه حصل للناس
مش كل معلومه لازم نستناها عشان نفهمها ساعات الاستنتاج بيكون واضح 
وايه استنتاجك 
بحاول اربط الاحداث ببعض ومعاهم المرايات والتاريخ اللي مكتوب في الرسومات
لو قولنا ان دي ارواح شيطانيه اظن انها مش محتاجه المرايات عشان تنفذ جرايمها
ده اللي مش قادر افهمه اشمعنا المرايات الشياطين قادره تخرج وتعمل مابدالها من اي مكان ف ليه المرايات بالذات
اكيد كل حاجه هتوضح مع الوقت انا بقى جوايا اصرار اني افهم اللي بيحصل 
انا اكتر منك لا يمكن هقبل اني اكون جاهل باللي بيحصل مهما كانت قدرات الشئ الغريب اللي بيحاربنا ده 
بس ليه عمارتك تحديدا اللي اترسمت في الخريطه بتمييز وكان عليها رقم 
وكمان مفيش اي اصوات من العماره هنا  
غالبا انا الساكن الوحيد للعماره دي 
طب ممكن ننزل ونشوف الحكايه ايه 
لاء كده كده محدش لسه هيفهم من اللي موجودين تحت ايه اللي حصل هيكون مجرد محاولات لفهم الاسباب 
امال هنعمل ايه 
هندخل شقة ابراهبم 
ابراهيم مين  
الساكن اللي في وشي اللي حكتلك عنه
طب ماهو مش موجوده جوه هندخل ازاي وهندخل ليه اصلا 
مهما احاول ابعده عن تفكيري لكن برضو حاجه بتشدني اني ادخل شقته حتى لو مش جوه
دي چريمه اننا ندخل اي بيت بدون علم صاحبه چريمه كبيره
مفيش جرايم اپشع من اللي بتحصل حاليا وانا اعتقد ان ابراهيم ده وراه سر هيبان لما ادخل شقته 
بعد محاولات اقناع لصبري باننا ندخل شقة ابراهيم باي طريقة بيستسلم اخيرا وبيقتنع من شدة الحاحي وبنقف عند الطريقة اللي هندخل بيها الشقة وبنلبس جوانتيات وبنعمل احتياطتنا عشان نحاول مانخليش ورانا اي اثر وبعد ساعتين كنا قدرنا ندخل الشقة من خلال المنور ومن بعدها شباك الحمام لان شباك المطبخ كان عليه حديد يمنعنا من الدخول وبخطوات بطيئة وحريصة وبعد التأكد بان فعلا الشقة مفيهاش حد وصلنا للريسبشن كان المكان مهرجل وغير منظم هدوم واوراق مرميه ع