قصة ابواب هاديس بقلم بيتر ديفيد

الأسماء على اسم عزيز فكري عبدالدايم فى كشف الاسماء بحرف العين لاقيت ٩ طلبة اسمهم عزيز ومن ضمنهم اسم عزيز فكري الطالب المقصود معنى كده انه طالب هنا فعلا والشكوك اللي جوايا ملهاش داعي  
لكن معرفش ليه قومت واتحركت باتجاه مكتب شؤون الطلبة واستاذنت من موظف انه يعرضلي بيانات عزيز فكري على الكمبيوتر وفعلا بعد البحث عنه ظهر بيانات وجنبها صورته اللي اصابتني بحالة من الصدمة والذهول دي مش صورة عزيز اللي اعرفه ! ومفيش غيره بنفس الاسم ع السيستم ! يعني ايه الكلام ده ! لما ده هو عزيز فكري عبد الدايم امال عزيز التاني ده يبقى مين 
بخرج من المكتب وانا مشتت ومش قادر اركز دماغي كان فيها زحمة افكار كل حاجه داخله في بعض ومش قادر اكون جملة مفيدة عن اللي بيحصل لكن كنت دونت عنوان عزيز اللي موجود على الكمبيوتر وساكن في شبرا مصر منطقة روض الڤرج و بعمل محاولة اخيرة للاتصال بعزيز المزيف اللي خدعني يمكن يرد ولكن برضو مفيش رد وباخد عربيتي وبتحرك بسرعة باتجاه بيت عزيز وانا مقتنع ان اكيد هلاقي حل عنده بوصل للعنوان مظبوط في حاره شعبيه وبقف قدام بيت قديم نفس رقم البيت اللي مكتوب عندي  
بدخل البيت وبطلع للدور التاني وبخبط على شقة رقم 3 وبتفتحلى وحده كبيره فى السن باين على ملامحها معالم الحزن والشقى وتعب السنين بعرفها على نفسي وبتسمحلى بالدخول وبعد مابدخل وبقعد معاها بقولها 
انا كنت جى مخصوص عشان اعرف عزيز مبيجيش ليه الكليه وتقريبا مظهرش من اول السنه 
وهو فين عزيز بس انا معرفش اذا كان عايش ولا مېت وقلبي واجعنى عليه اوى
لاقتها دخلت فى نوبة بكاء والم لفقدانها ابنها وكان واضح انه متغيب من فترة طويله انتظرت تهدا شويه مع محاولات منى عشان توقف دموعها وكملت كلامى وقولتها..
انا مقدر ان ده شئ مؤلم جدا وحاسس بيكي بس يمكن بمساعدتك ليا اقدر ارجعه ليكي 
يارب يسمع من بوقك ربنا
قوليلي حضرتك هو اختفي ازاي 
هو بعد ماظهرت نتيجة التنسيق كان فرحان ان جتله الكليه اللي عايزها في جامعة القاهره وصور بطاقة الترشيح وجهز اوراقه والصور الشخصية وراح قدم هناك عشان يتقيد ولكن بعدها كنت حساه مطفي وعلى غير العاده عزيز اللي بيحب الضحك والهزار مبقاش بيتكلم كتير وديما قافل على نفسه 
معرفتيش السبب 
غلبت معاه والله كنت بسأله كل شويه مالك ياعزيز يابني فيك ايه ومكانش يجاوب بغير مفيش ياماما انا كويس مكنتش فاهمه ايه مغيره كده 
بس انا لسه مفهتش هو اختفى ازاي 
جيالك في الكلام اهو جيت في يوم لاقيته طالع وبيحضني اوي وعينه فيها دموع قولتله انت كنت بټعيط ياعزيز مالك ياحبيبي فقالي خاېف تبعدي عني او حاجه تخدك مني قولتله هروح فين واسيبك يابني مش هيخدني منك الا المۏت متقلقش قالي بعد الشړ عليكي ياماما ان شاء الله مفيش حاجه هتحصل قولتله طب فهمني يابني في ايه قالي ولا حاجه ودخل اوضته وبقيت انا قلقانه كل شويه بشقر عليه وتاني يوم كان فص ملح وداب قولت يمكن يكون خرج مع صحابه يفك عن نفسه بس اتاخر ومسيبتش مكان بقى الا لما سألت فيه وبلغت الحكومه وعملت كل حاجه بس مرجعش برضو ..
غريبه يعني محكاش حاجه توضح سبب اختفائه او خوفه او كان متغير ليه 
هو زي ماحكتلك كده وانا هتجنن ومش عارفه اختفى فين ده كان بيحب الكواكب والشمس والحاجات دي وديما بيقرا عنها وماصدق انه اتقبل في الكليه 
تسمحيلي ادخل اوضته  
ماهو الحكومه لما جت هنا دخلت اوضته وموصلوش لحاجه 
معلش يمكن انا الاقي لو سمحتيلي طبعا 
وماله اتفضل يادكتور طبعا ده بيتك
بدخل غرفة عزيز وبتحرك بعيني على كل مكان في الاوضه لحد ماعيني بتقف قدام مرايه كبيره محطوطه فوق ترابيزه ومسنوده على الحيطه  
بقرب من المرايه وبلاحظ فيها شروخات بسيطه جدا وبفكر اذا كان اختفائه ده ليه علاقه بالمرايه او لا لكن بعدها بلتفت ناحية المكتب وبتحرك لعنده وبقعد على كرسي المكتب ومن الواضح ان عزيز مكنش عايز يبقى مجرد خريج من الكلية واضح انه كان بيسعى يكون عالم الابحاث والاوراق والكتب والمراجع الكتير سواء اللي على المكتب او اللي موجودة في مكتبة صغيره مخصصه لكتبه بتوضح انه كان هيبقى طالب مميز جدا  
مبلاقيش حاجه ممكن تفيدني في كل ده او انها حتى تكون مجرد خيط لاختفائه او يكون تفسير لكل اللي بيحصل عموما وبحس ساعتها بشئ من اليأس وكنت بفكر اقوم امشي لحد ماايدي مسكت كشكول مكتوب بخط ايده بفتحه وبلاقي في الصفحة الاولى مكتوب بخط كبير ابواب هاديس  
ومن بعدها ورق ابيض مفيش حاجه تاني في الكشكول  
يعني ايه ابواب هاديس قصده ايه 
وبدور وسط الكتب تاني على اي حاجه تخص ابواب هاديس اللي كاتبها بايده لكن مبلاقيش حاجه شئ محير جدا انك كل ماتفتكر انك وصلت لخيط يحل اللغز بتلاقي وراه سراب في النهايه  
استسلمت لليأس وقومت من مكتبه واتحركت ناحية باب الاوضه عشان اخرج لكن بيلفت نظري كتابات ورسومات على الحيطه ومن ضمنهم مكتوب 1000 مليون باب مليار 
ورسومات بشكل هندسي لمباني وبوابات وفتحات تشبه التهوية واشكال مش مفهومه وعلامات اكس في اماكن من الرسمه وكلمة المراية متكرره كتير ومكتوب عبارة تحت الارض 
بطلع موبايلي وببدأ اصور الرسومات والارقام والكتابة وبلاحظ على الباب رسمة تانيه شبه خريطه في منطقه في ٦ اكتوبر وبتصاب بحاله من الذهول والدهشة لما بلاقي انه موضح الشارع بتاعي ورقم عمارتي و مكتوب البوابة 1250
يعني ايه قصدك ايه ياعزيز بكل ده ياريتك موجود كنت اسمع منك  
طلعت من الاوضه وانا ملخبط وتايه ومش متزن بس اكيد اللي كتبه عزيز ورسمه ليه علاقه بحل وتفسير اللي بيحصل بسلم على والدته وبقولها أن باذن الله عزيز هيرجع تاني قريب وبسألها هو انتي معندكيش ولاد غيره لكن قالتلي انها مش امه وان عزيز يبقى حفيدها وملوش غيرها ومش بيقولها غير ياماما ..
بعتذر عن ازعاجي ليها وبنزل وبركب عربيتي وبفتكر كلام عزيز المزيف لما قالي جدتي دخلت جوه المرايه واختفت اكيد في معنى من ده لكن الالغاز بتزيد مبتقلش 
بتصل بدكتور صبري وبطلب اقابله ضروري وبرح على نفس الكافيه اللي قعدنا فيه قبل كده بالقرب من الجامعة وبلاقيه منتظرني هناك بقعد قدامه وانا مش عارف ابدأ كلامي منين لكن هو سبقني وسألني ..
قابلت عزيز 
لا عزيز مختفي ومجاش الكليه ولا مره غير وقت التقييد بس 
ازاي يعني امال عزيز اللي عندك ده ايه 
منتحل شخصيته ومعرفش ليه واكيد هو ورا كل اللي بيحصل ده او على الاقل ليه يد فيه 
طب وبعدين ناوي تعمل ايه 
بص الاول كده في الخريطة والرسومات دي وقولي فهمت ايه ..
مكتوب مليار