قصة ابواب هاديس بقلم بيتر ديفيد
ناحية المراية بحاول اكلمه مبيردش عليا لحد مابحركه وبقعده وببص انا كمان ناحية المرايه لكن كانت طبيعية وبتحرك بسرعه اجيبله كوباية ماية وبشربه وبفضل جنبه لحد مايقدر يتكلم وبعد حوالي نص ساعه قالي
انا شوفت كائن شكله شيطاني وبشع بيخرج من المرايه
متأكد
جدا متاكد جدا يافايز ومش هقدر انسي الشكل اللي شوفته ده ولا هقدر اوصفه من شدة بشاعته كأنه كان بيخرج من الچحيم مش من المراية
هو ايه ده ومين ده
معرفش انا لحد دلوقت مشوفتش الكائن ده بشكل كامل لكن شوفته ديله بس
لازم نكسر المرايه دي
تفتكر ده الحل
ع الاقل تبقى محاوله نوقف بيها الشئ ده
قومت اتحركت ناحية المراية وضړبتها بازازة برفيوم من على التسريحه وفعلا اتكسرت ووقع منها قطع على الارض وقولت لصبري وبعدين !
وخرجنا وقعدنا بره الاوضه وقالي
ايه تفسير خروج كائن من المرايه بالاضافة للاحداث اللي انت شوفتها
معرفش ومش فاهم بس لو ده كائن شيطاني اشمعنا المراية تحديدا ونفس اللي بيحصل عندي حصل عند عزيز من المرايه برضو
انا لازم اشوف عزيز احنا نروحله الصبح
بدور على الاجندة ومش بلاقيها كأن ايد خفية اخدتها من عندي بقيت في حيرة من الحاجات اللي بتظهر والحاجات اللي بتختفي دي الاجندة دي مبتتحركش من هنا وديما بسيبها في مكانها
وانا بدور النور قطع فانا ابتسمت وقولت لصبري
واضح ان حلقة الړعب هتبدأ
وفجأة بنسمع اصوات حركة سريعه في المكان واصوات تكسير واصوات صړيخ وكمان اصوات اشخاص پتبكي بشدة كأنها بتتألم صبري نور موبايله وشغل الكشاف وقالي بهلع في ايه بيحصل فهمني
الحركة واصوات البكا والصړاخ والانين بتزيد وصبري مسك فيا پخوف وقالي متتحركش من جنبي لكن انا كنت في حالة غريبة كأن اتزرع جوايا تحدي لكل اللي بيحصل عشان افهم سبب كل ده ايه نورت كشاف موبايلي وقولت لصبري تعالي ورايا هندخل الاوضة ولكن هو رفض وكان مصمم اننا ننزل قولتله هتشوف الاسوأ لو خرجت من هنا وفضلت اشجعه انه يتحرك معايا باتجاه الاوضة ولما دخلنا كان في ريحة دخان شديد ولاقينا المراية سليمه رجعت زي ماكانت ولونها احمر بلون الدم وصوت الصړاخ جي من جواها كأنها صورة من الچحيم وكأن دي اصوات ارواح پتتعذب فيه مسكت ازازة البرفيوم تاني وضړبت المراية بيها وفجأة
في تفسير علمي اكيد للي بيحصل حتى لو كانت دي افعال شيطانيه
غريبة اوي كل حاجه وقفت بمجرد ماضربت المرايه
حاول بقى تفكر في اسباب ده ايه
مش قادر افكر في حاجه تقنعني بالسبب
واثناء منا بكلم صبري لاقيته بيبص ع الارض باتجاه المرايه وبيتحرك وبيوطي وبيمسك شئ في ايده
بمسك الشئ اللي لاقاه بايدي وبركز فيه وبقوله
ده زجاج بركاني ولا انا غلطان
من شكله وملمسه ده زجاج بركاني فعلا
بس ده بيتكون نتيجة البراكين ومش معقوله يكون في بركان بالقرب من هنا
المراية كانت اشبه بالچحيم ويخرج منها زجاج بركاني اظن ده خيط يفهمنا حل اللغز
اعتقد ان عزيز ليه دور في حل اللغز ده !
انت متأكد انه طالب عندك
هو ده سؤال اكيد متاكد
بس غالبا ان الزجاج ده مصدره من خارج كوكب الارض
ليه يادكتور ماهو في براكين في كوكبنا
صحيح بس الحجر ده من انواع حجارة السج والنوع ده نادر جدا حاليا ثانيا بقى ..
بينتج من خلال قذفه من داخل البركان للخارج ولما بيتعرض لتبريد مفاجئ بيتحول للشكل الزجاجي ده
جميل مظبوط يادكتور او ان الحالة المنصهرة للبركان نفسه تبرد لدرجة منخفضة جدا
بس ده معناه ايه برضو او يفسرلنا ايه
البركان ده كان مشتعل وجواه ثوران في اللحظة اللي كنا فيها قدام المرايه ولما خرج منه الحجر ده لعندنا مع التبريد المفاجئ هنا اتحول للحاله الزجاجيه دي واظن مفيش بركان ع الارض في نفس اللحظة دي بينفجر او على وشك الانفجار
البراكين حاليا غير نشطة ماعدا بركان بوبوكاتيبتل اللي في المكسيك هو اللي محتمل يثور لكن اغلب الخبراء قالوا انه مش هيثور وهيستقر برغم زيادة نشاطه
حلو معنى كده ان المراية دي عباره عن بوابه زي ماقال عزيز ومش المراية دي بس واضح ان في مرايات تانيه عبارة عن بوابات
هتكون بوابات لايه
لازم اقدر اوصل لبيت عزيز
اكيد الصبح هيجي الجامعه طالما طالب عندك
من هنا للصبح محتاج اقرا شوية واجمع افكاري اكتر ادخل نام انت
انت بتهزر يافايز انام ايه هو انا هعرف انام
لو قادر تواصل معايا خليك او نام هنا ع الكنبة
اه ممكن هرتاح جنبك هنا لحد مالنهار يشقشق
بفتح كتب من عندي وببحث فيها عن معلومات تخص البراكين الناشطة في العصر الحالي وعن علاقة مادة السيليكا اللي بتتكون منها المرايات والزجاج البركاني وخصوصا حجر السج وبسرح في ان لو دي بوابه فهي بوابة لايه وايه الكائنات اللي بتخرج منها دي سواء اللي شافها صبري او عزيز او انا هل ممكن يكون كائنات فضائية على تواصل بينا وبتحاول توصل رسالة او هل ده شئ
يشبه الغزو الفضائي ودي البوابات اللي هيدخلوا منها للارض بشكل مضاد لمفهومنا عن السفن الفضائية والاطباق الطايرة ولا دي ارواح شيطانية بتثبت صحة الاساطير والحكايات اللي اتقالت عن المراية الحاجه الوحيدة الصادقه في الاساطير دي ان المرايه بالشكل ده ممكن فعلا تجننك ...
بيعدي الوقت من غير ماحس والنهار بيطلع وبيكون صبري رايح في النوم بقوم احضر فطار عصير والشاي وبصحيه عشان نفطر وبعدها بننزل سوا وبنتجه للجامعة ..
في جامعة القاهره كنت على ڼار منتظر عزيز يظهر بفارغ الصبر وبفكر في ان ازاي عزيز بعد ماجالي زيارة حصل اللي حصل من المراية عندي لكن في نفس الوقت بفتكر كلام ابراهيم عن الازعاج اللي بيخرج من شقتي من حوالي شهر برغم اني عايش لوحدي وده معناه ان من قبل عزيز مايجي عندي وكان عندي المشكله دي
بزهق من الانتظار وبدخل لقاعة فاضية استريح فيها وطلبت فنجان قهوه من البوفيه يساعدني افوق واستعيد نشاطي وبعد مرور حوالي ساعه تانيه من السرحان والتفكير بيقطعهم صوت خبط على باب القاعة ...
اللي كان بيخبط عليا استاذ منير من مكتب شؤون الطلبة كنت نسيت اني طلبت من دكتور صبري انه لو قابل اي حد من شؤون الطلبة يبلغه اني محتاج كشف باسماء طلبة الفرقه الاولى وبالفعل دخل استاذ منير وهو شايل ملف باسماء الطلبة مرتب حسب الأبجدية شكرته وبعدها خرج وفضلت انا ادور في
