قصة ابواب هاديس بقلم بيتر ديفيد

اللي بشوفهم عباقرة في تخصصهم في مجال علوم الفلك والفضاء الخارجى معرفش ليه جه فى دماغى وكنت مصمم اخد رايه فى اللى حصل معايا برغم ان من الطبيعى اروح لطبيب نفسي لكن اختارته هو ..
لما وصلت الجامعة اتحركت بخطوات سريعه وافتكرت الموبايل بتاعى عشان اتصل بيه 
غريبه حتى الموبايل مش معايا 
لو كنت ناسي الموبايل بتاعي في البيت امال كلمت عزيز ازاي وقدرت اوصل لبيته  
ماعلينا ..
بسأل عن دكتور صبري مكانه فين وحد بيدلني انه في قاعة ٦ عنده محاضره ولما بتحرك لهناك بدخل القاعه وبشده من ايده عشان يتحرك معايا وكان مذهول من طريقتي اللي دخلت بيها سواء هو ولا الطلبه بتوعه وبقى يسألني هو في ايه يادكتور بتشدني كده ليه 
اعتذرت وقولتله انا محتاج رأيك في حاجه مهمه وياريت نكون لوحدنا وبالفعل هو وافق لفضوله الشديد انه يعرف مالي او فيا ايه و اتحركنا سوا بعربيته لكافيه بعيد عن الجامعه وهادي جدا ومناسب للجو اللي المحتاجه كل ده وصبري مستغرب تصرفاتي وبيبصلي بنظرات استعجاب واندهاش وبعد ماقعدنا قالي 
ممكن بفى تقولي ايه سبب الحاله اللي انت فيها دي 
هتجنن الحاله اللي فيها اني هتجنن ان ماكنتش اټجننت فعلا 
في ايه يا فايز قلقتني ليه كل ده
حكيتله كل اللي حصل معايا من اول زيارة عزيز ليا لحد ما نزلت من بيت عزيز قبل مااجي الجامعه وكان هو مستمع جيد وفي نفس الوقت علامات الحيرة والذهول ظاهره عليه وبعد ماخلصت كلامي قولتله ..
عندك تفسير لده غير اني اټجننت 
بصراحه مش عارف اقولك ايه ولا فاهم ده معناه ايه لكن اكيد وراه سبب علمي 
مرض نفسي قصدك فجأة كده من بعد زيارة عزيز بقيت مريض نفسي وحصل موضوع المرايه والمصاېب اللي حصلتلي من بعدها بحد مالاقيت نفسي عنده 
انا قولت سبب علمي مقولتش مرض نفسي خالص انا واثق انك مش غلطان او بتهيألك
جميل خالص طب ده ياسيدي ايه التفسير العلمي ليه 
هو مين عزيز ده 
منا قولتلك طالب عندي 
ومين ابراهيم 
يظهر انك مكنتش مركز معايا قولتلك ده الجار اللي في وشي اللي اخدت منه البدله والجزمة والفلوس 
اظن ان في حاجه غامضه ورا واحد من الاتنين دول الاتنين كانت تصرفاتهم غريبة 
بالعكس ابراهيم مكنش غامض وكان لطيف معايا غير بس حكاية انه استضافني في المطبخ دي 
ممكن من احراجه عشان الشقه مهرجله شويه زي ماقولت شاف ان المطبخ انسب مكان 
ايا كان مش فارق معايا خصوصا ان انا اللي اقټحمت بيته في وقت متاخر 
الموضوع محتاج تفكير قبل مانقول اي احكام ومفيش مانع اننا نكلم دكتور ياسر صديقنا 
انا لو محتاج دكتور نفسي كنت روحت لياسر من غير ماتقول ياصبري
مش قصدي كده خالص بس يمكن يساعدنا ولو بمعلومه او خيط ورا اللي بيحصل
واضح انك مش هتقدر تساعدني بحل للغز ده 
هقدر ان شاء الله خلينا الاول نروح لابراهيم نسأله على انك عديت عليه فعلا ولا لا المفروض انك مستلف منه لبس وفلوس ولازم يرجعوا
معقول يعني هروح اقوله لو سمحت انا جتلك ولا لا واستلفت منك هدوم وفلوس ولا لا
مش هنحتاج نسأله مش انت اول مره كنت تشوفه او تعرفه لما خبطت عليه 
فعلا مظبوط
يعني لو هو نفس الشخص اللي هيفتحلنا الباب يبقى انت اكيد روحتله قبل كده 
معاك حق يالا نقوم حالا ونروح لعنده ..
يتبع ...
ركبت عربية صبري وكنا في اتجاهنا للبيت عندي عشان نزور ابراهيم الجار اللي ساكن قدامي  
كنت في قمة توتري وعلى اعصابي وقلقان من ان يطلع مفيش حاجه اسمها ابراهيم واتفاجئ بان اللي بيفتحلنا الباب شخص مختلف ..
بعد ماوصلنا حطيت ايدي في جيبي ولاقيت مفاتيح شقتي ومعاها شفرة الاسانسير وطلعنا سوا للدور ال ١١ واتقدمت بخطوتين عن صبري عشان اخبط على باب الجار خبطت في الاول خبطتين وانتظرت اي اجابه او رد لكن محدش فتح ومن بعدها رنيت جرس الباب وفضلت ارن ولكن محدش فتح ولاقيت صبري مسك ايدي وقالي 
خلاص كفايه واضح ان مفيش حد هنا
انا متاكد ياصبري انا هنا في شخص اسمه ابراهيم وعازب ووحيد زي حالاتي
تعالى طيب ندخل شقتك ونتكلم ونبقى نجرب نخبط عليه تاني كمان شويه
لاقيت انها فكره كويسه بدل وقفتنا ع السلم اننا ندخل شقتي ونصبر شويه فتحت باب شقتي ودخلنا وطلبت من صبري يستريح على كرسي في الصالون وانا كان الفضول بيجرني للاوضة بتاعتي دخلت اوضتي بسرعه وبصيت على التسريحة وتحديدا على المرايه وفضلت اتأمل فيها شوية ومنتظر ان يتغير شكلها او يظهر عليها اي علامات غريبة لكن محصلش حاجه !
ولاقيت بيجامتي اللي المفروض قلعتها عند ابراهيم جاري موجودة ع السرير بتاعي غريبة ! جت هنا ازاي  
خرجت لصبري وانا ماسك البيحامه في ايدي وقولتله 
البيجامه دي انا قالعتها عند ابراهيم لاني غيرت هدوني عنده بس لاقتها ع السرير جوه
ممممم يعني مفيش حد في الشقة اللي قدامك ومفاتيحك معاك ولابس بدله من بتوعك والبيجامه كمان هنا في مكانها .. انت شايف ايه طيب 
شايف اني واثق جدا ان في حاجه غلط لكن مش فيا وده بيخليني مصر اكتر اني اعرف حل اللغز ده
طب ايه رايك ناخد يومين اجازة ونسافر اي مكان نغير جو وتنسى مؤقتا كل اللي حصلك
صبري من فضلك بلاش الاسلوب ده انا مش مريض ولا فيا اي مشكله تستدعى اني اسافر يومين
مش هاين عليا اقولك أن مفيش تفسير غير ان كان بتهيألك مش معقول كل حاجه حواليك هي اللي غلط 
طالما هنوصل انك تشكك فيا فانا بشكرك لحد كده وانا هقدر اتصرف لوحدي واعرف اللي بيحصل 
انا مش قصدي ازعلك بس حط نفسك مكاني ساعتها كنت هتفكر ازاي 
مفهوم وعندك حق طبعا 
طب تحب امشي و اسيبك شوية لوحدك
لا لو ممكن تبات هنا النهارده 
ايوه بس انا مش عامل حسابي على اني ابات عندك 
خليك ياصبري وبكره الصبح ننزل سوا يمكن وجودك معايا يساعدني اكتر
حاضر انا معاك النهاردة
بعد حوالي ساعتين فتحت الباب وروحت خبطت على الجار اللي قصادي اشوف اذا كان حد جوه ولا لا بس للاسف محدش بيفتحلي واتصلت بعزيز عشان يجي يقعد معايا شوية انا وصبري وبرضو كان جرس ومبيردش كنت بتعمد اعمل الحاجات دي قدام عين صبري عشان يكون شاهد ومعايا خطوة بخطوة وبعد مرور وقت كبير كان صبري تعب ومحتاج ينام عرضت عليه يدخل ينام في اوضتي لاني هسهر شوية وبالفعل دخل اوضتي وقفل الباب بعد مااخد حمامه وجهزتله هدوم ينام بيها وبعد نص الليل حوالي الساعه 1 بسمع صوت صړخة من اوضتي اللي نايم فيها صبري بدخل بسرعه وبلاقيه واقف قدام المرايه وعينه مبرقه نتيجة صدمة ومركز