قصة ابواب هاديس بقلم بيتر ديفيد

شقة مفتوحه كنت عايز اخبط عليهم ومتردد لان اكيد الساعه عدت 2 بليل بس قولت لنفسي اكيد طالما باب الشقة مفتوح كده يعني الناس صاحيه ومفيهاش حاجه اني اطلب منهم شفرة الاسانسير عشان انزل بس اتشجعت فعلا وخبطت ع الباب وانتظرت حد يرد عليا او يطلعلي  
بعد دقيقتين
سمعت صوت من جوه بيقولي اتفضل فقولتله معلش من فضلك اخرجلي حضرتك لاقيت مفيش رد انتظرت تاني وبعدين خبطت ولاقيت نفس الصوت بيقولي اتفضل 
هو في ايه هو الراجل ده هيفضل يقول اتفضل بس فتحت الباب اكتر عشان ادخل بدل مافضل ع الباب وقولت
فين حضرتك انا دخلت 
نفس الصوت بيرد عليا للمره التالته وبيقولي اتفضل
قولتله حضرتك انا اتفضلت فعلا اعمل ايه تاني عشان اكلمك لو سمحت بستاذنك في شفرة الاسانسير اذا تكرمت !
بتقدم بخطوات بطيئة اشوف الشخص ده بيكلمني منين وعلى بعد خمس خطوات تقريبا من الباب لاقيت صوت بيقولي ادخل يافايز 
وفجأة باب الشقة اتقفل ...
يتبع 
كان في تحركات من حواليا غامضة خيالات كتير. مش واضحه يمكن بسبب ضعف الإضاءة في الشقة او بسبب الخۏف اللي جوايا اللي بدأ يسيطر على عقلى حاولت افتح الباب لكن معرفتش خۏفي كان بيزيد مع قبضة في القلب ورعشة في ايدي مش قادر اسيطر عليها مكانش قدامي غير اني اصړخ وانادي على ابراهيم جاري يمكن يسمعني وينزل لعندي لكن كل محاولاتي كانت فاشله ولا قدرت افتح الباب ولا قدرت الاقي المنقذ اللي يسمعني وسمعت اصوات بتهمس من ورايا وصوت خطوات بتجري مع صوت صراخات وحسيت ان الارض بتتهز من تحتي حاجه أشبه بالزلزال وريحة دخان لشئ بېحترق في المكان وتراب بينزل عليا من السقف مع استمرار الهزات الزلزالية اللي بتحصل صوتي مبقاش قادر يخرج بحاول اتكلم وانادي او اصړخ صوتي انحاش واعصابي بتسيب والدنيا بتلف من حواليا اكتر والاصوات اللي من ورايا بتزيد حطيت ايدي على صدري لان بدأت اتنفس بصعوبة كأني بتخنق وشعور مسيطر عليا اني خلاص بمۏت وبعد لحظات كنت وقعت على الارض فاقد للوعي ..
فوق يادكتور ! سامعني كويس فتح عينك طيب 
كان صوت حد بيحاول يسعفني ويفوقني وكان ملهوف عليا بدأت افتح عيني وانا بحاول استعيد وعيي مع صداع شديد ماسك في راسي وبصيت باتجاه مصدر الصوت لاقيته عزيز !
عزيز !
حمدالله على سلامتك خضتني عليك يادكتور 
انت ازاي جيت لعندي وقدرت تدخل الشقة 
اجي فين يادكتور حضرتك اللي عندي من امبارح 
انت بتقول ايه انا عندك فين وازاي 
حضرتك مش فاكر يادكتور معقول 
اتكلم بسرعه من فضلك ياعزيز انا عندك ازاي 
مش حضرتك امبارح اتصلت بيا وقولتلي موضوع مهم وضروري وانك جايلي 
محصلش ده ! انا مقولتلكش جي انا قولتلك بكره هاجيلك الساعه ٩ 
ازاي بس يادكتور امال حضرتك عندي ازاي طيب 
انا دلوقت عندك في بيتك 
مظبوط  
بصيت على هدومي بسرعه وانا بتأكد من البدله اللي استلفتها من جاري لكن ماكنتش لابسها ولا هي ولا الجزمة كنت لابس بدلة زرقا من بتوعي وفي جيبي فلوس ومعايا مفاتيح عربيتي بصيت لعزيز وانا بقول .. يعني ايه !
يعني ايه على ايه بس 
انا حصل معايا احداث وغالبا الاحداث دي كانت امبارح زي مابتقول واضطريت استلف بدله من جار ليه وغريبة اني مش لابسها ! 
اكيد ده حلم 
يعني انا جتلك من امبارح عشان بس انام عندك 
لا حضرتك مكنتش نايم ده كان فقدان وعي اغم عليك والحمدلله انك فوقت 
اغم عليا ليه ايه السبب  
لما كنا مركزين في المرايه واتحولت للون الاسود وظهر فيها اشكال مرعبة حضرتك فقدت الوعي ..
مراية ايه ياعزيز انا مش موافق على كل اللي بتقوله ده انا مش مچنون عشان يكون .....
اهدأ بس يادكتور انا هعملك فنجان قهوة يفوقك اكتر لحظات وهرجع لحضرتك ..
يعني ايه هفضل اقول يعني ايه ومش هبطل ابحث عن اجابه تقنعني انا فاكر بالتفاصيل كل اللي حصل معايا لحد مافقدت الوعي. انا كنت في شقتي وبعدين شقة ابراهيم وبعدين شقة الدور التامن اخر محطه ليا قبل مااقع من طولي انا فكر كويس الاحداث انا مجتش هنا ابدا. 
عزيز كداب وفي حاجه غلط بتحصل!
بس ازاي انا في بيته فعلا ..!
فضلت استجمع في افكاري واعصر في دماغي وابص للبدله اللي لابسها ومستغرب ان الادلة بتقول ان كلام عزيز هو الصح طالما مفيش بدلة مستلفها ولابس بدلتي بشكل طبيعي ومادمت في بيته في اللحظه دي يبقى عزيز صح وانا اللي فيا حاجه غلط ولازم افسرها هل ممكن اكون اختلقت قصة وهميه وعشتها عكس الواقع  
بيرجع عزيز وفي ايده صينية عليها القهوه بتاعتنا وبيحط قهوتي قدامي وبيقولي 
ها يادكتور بدأت تفتكر وبقيت احسن 
اه تمام ياعزيز تمام انت صح معلش كنت مشتت شويه بسبب فقدان الوعي 
طب هنعمل ايه 
في ايه 
في جدتي اللي دخلت جوه المرايه واختفت 
ايوه مش قبل ماحضرتك تفقد الوعي جدتي كانت واقفه معانا ولاقينا ايد سحبتها جوه المرايه وبعدها بقت سوده وظهرت الاشكال المرعبه دي 
اه
مالك يادكتور 
بسمعك 
ملامحك بتقول انك مش فاكر 
فاكر طبعا بس بحاول افكر هنعمل ايه 
تفتكر المرايه دي بتوصل لفين معقول تكون بوابه لعالم خفي منعرفوش 
.........
سرحان في ايه يادكتور 
انا محتاج امشي لاني مرهق شويه 
يعني مش هتساعدني في اني ارجع جدتي 
اه اكيد هساعدك بس مش دلوقت 
طب اجي انا معاك عشان هخاف افضل هنا لوحدي
انت مش زعلان ياعزيز 
على ايه 
على جدتك اللي دخلت جوه المرايه 
وده سؤال يادكتور انا بمۏت من جوايا ومش عارف اعمل ايه !
انت مقولتليش وانت بتحكيلي اول مره ان جدتك دخلت جوه المرايه 
لاني كنت معتقد انك فاكر اكيد
بس ع الاقل كان يبان عليك حالة الحزن لفقدانها اكتر ماتكون مهتم اني افوق وافتكر 
قصدك ايه يادكتور 
انا ملخبط بس فهتلاقي كلامي مش متزن انا مش هينفع اخدك معايا خليك هنا 
طب حضرتك مش هتروح الجامعة النهارده
لاء ورايا حاجات اهم ياعزيز ومتقلقش اكيد هنلاقي حل في موضوع جدتك اطمن 
بنزل من عند عزيز وانا مستغرب كل حاجه من حواليا الشارع والبيت اللي كنت فيه وبقيت مش فاهم انا ازاي جيت هنا امبارح بس كأني اول مره اشوف المكان النهارده منطقه ناميه زي منطقتي بالظبط الفرق بينه وبيني انه هو ساكن في مدينة بدر وانا في 6 اكتوبر ومشيت شارع طويل عقبال ماوصلت لحد طريق سريع فيه عربيات قبل ماوقف تاكسي سالت نفسي سؤال خطړ في بالي هي فين عربيتي طالما معايا المفاتيح ليه ماجتش بالعريية 
كنت ناوي اروح للبيت لكن غيرت قراري ووقفت تاكسي يوصلني الجامعة وكان تفكيري مركز في دكتور وزميل ليا اسمه صبري وهو من الناس