قصة ابواب هاديس بقلم بيتر ديفيد

عكست افكاري وكانت هتقتلني انا عشت كل حاجه شوفتها جواها بجد مشاعري كلها كانت بجد حتي ايدي ...
اكيد المراية دي وراها سر واسمحلي ازورك في بيتك واسهر معاك شوية بكره 
تشرفني يادكتور واتمنى يكون النهارده مش بكره !
النهارده صعب بكره ياعزيز هكون عندك اكتبلي عنوانك بالتفصيل في الاجندة دي 
بيمشي عزيز من عندي وانا محتار اصدقه ولا لا العلامات اللي على ايده تأكد كلامه لكن برضو ممكن يكون ايد جدته مثلا او اي حد من حواليه ومن كتر ماهو عنده مخاۏف سابقه من المرايه اتهيأله كل ده في لحظات سرحان منه يعني اكيد حالة عقله وقت السرحان مش بكامل التركيز 
ومع ذلك كان عندي فضول اشوف المراية اللي عنده واشمعما المراية دي وفيها ايه مختلف لو صدق كلامه عشان يحصل منها كده 
بدخل غرفتي وبغير هدومي وبحضر نفسي للنوم 
وببص على مراية التسريحه اللي قدام السرير وببتسم وبقول انتي من سنين عامله للناس قلق بدون سبب واكيد بكره هيكون عزيز غلطان مفيش حاجه علمية تقول ان المراية فيها اي شئ يدعو للغموض او البحث حتى 
وبدأت اغمض عيني وخلال لحظات بسمع صوت ازاز بيتشرخ فتحت عيني وبصيت ع المراية واضطريت اقوم واۏلع النور وركزت فيها لاني كنت متاكد اني سمعت صوتها بيتكسر وقولت معقول عقلي انجر ورا هلاوس عزيز  
وفجأة المراية بتتحول للون الاسود واصوات جايه من جواها وبجري ناحيه باب الاوضه بلاقيه اتقفل والنور قطع ....
يتبع ...
الساعة 1 بعد منتصف الليل
قدرت افتح الباب برغم ان الاوضة كانت ضلمة وخرجت للريسبشن وكان الغريب انه منور وبمعنى اصح الشقة كلها كانت منورة ماعدا الاوضة اللي كنت فيها قعدت على اقرب كرسي ليا اخد نفسي من الخضة والهلع اللي حسيت بيهم لما المراية اتحولت بالشكل المخيف ده ومسكت الموبايل واتصلت بعزيز برغم ان التوقيت مش مناسب  
وكان جرس للاخر ومردش عليا  
يعني ايه 
هو اللي انا شوفته ده حقيقي ان المراية تتحول للمنظر ده ! والباب يتقفل لوحده والنور يقطع من الاوضه دي بس ! طول الوقت بنكر اي حاجه تخص الحكايات دي لكن المره دي انا بعيشها وفي اللحظة دي بيفزعني جرس التليفون وبيكون عزيز اللي بيكون مبسوط باني اتصلت عليه ظنا منه اني كنت بطمن اذا كان كويس ولا لا اتحرجت اقوله اني متصل عشان يحكيلي عن المرايه تاني وقفلت معاه بعد ما أكدت عليه اني هزوره في بيته اليوم التاني الساعه ٩ مساءا
وفي لحظة من سرحاني بنتبه لخيال جري من قدامي اتخيلت اني شوقت جسم انسان بديل كبير ودخل اوضة نومي اللي كانت لسه مضلمه وسمعت اسمي بيتنده من جوه
فايز ! 
الصوت بينده بنبره واطيه وضعيفه كأنها جايه من مكان بعيد جدا اضطريت اقوم واتحرك ناحية باب الشقة وبستعد للنزول من البيت لكن هدومي في الاوضة بمحفظتي بالفلوس حتى مفاتيح العريية اتخيلت بنفس الجسم تاني بيتحرك قدامي وبيجري وشوفت ديله اشبه بديل التمساح لكن ارفع شويه وبدأت اعلى صوتي واقول مين اللي هنا انا شوفتك بلاش الاساليب دي عايز مني ايه 
وفجأة النور كله ببقطع من الشقة وبتظهر عيون حمرا لون الدم بتبص نحيتي بفتح باب الشقة واجري ناحية شقة قدامي في نفس الدور وبخبط عليه بعد الحاح مني بالخبط ع الباب بيفتحلي شاب ومنظره بيدل انه لسه صاحي من النوم وكان مستغرب من بجاحتي اني اخبط عليه بالمنظر ده وفي التوقيت ده ! 
فبطلب منه يدخلني شقته مؤقتا البس اي هدوم من عنده اذا سمح لان باب شقتي اتقفل عليا بسبب الهوا وانا برمي الزباله وبعرفه بيا اني جاره في الشقة اللي في وشه ودكتور جامعي مش حرامي او حاجه تقلقه بتردد منه وبعد نظرات ليا طويله بيفتحلي الباب وبيأذنلي بالدخول لعنده!
كانت شقته بتدل انه شخص عازب ووحيد من الهرجله اللي فيها وانا عندي خبره طويلة في شكل الشقق اللي مفيهاش وحده ست 
بيدخلني للمطبخ وساعتها كنت مندهش ان حد بيستقبل ضيوفه في المطبخ وقعدني على كرسي سفرة صغيره ولاقيته بيفتح التلاجه بدون كلام ولا سؤال وبيخرج شفشق ازاز وبيصب منه عصير وبيقدمهولي وبعدها سحب كرسي وقعد قدامي وقالي 
قولتلي مين انت 
انا دكتور فايز جار حضرتك في الشقة اللي قدامك
اه اهلا وسهلا خير 
منا قولتلك بره ان الباب قفل ڠصب عني عليا وانا برمي الزباله واني محتاج استعير هدوم من عندك البسها غير البيجامه دي لحد ماشوف حل للباب وعشان اقدر انزل الشارع ..
وماخبطش ليه على اللي عندك جوه يفتحولك 
انا عايش لوحدي يااستاذ ..
ابراهيم ابراهيم شرف المحامي 
اتشرفت بحضرتك جدا واسف لازعاجك يااستاذ ابراهيم 
عايش لوحدك يعني مفيش حد خالص جوه 
بالظبط والا مكنتش هقلقك في التوقيت ده وكان زماني قدرت ادخل شقتي
مع ان شقتك مصدر ازعاج ليا ديما غريبة انك لوحدك فيها 
مصدر ازعاج ازاي انا بعشق الهدوء ويا اما بقرأ كتب او بحضر محاضرات او نايم لكن ميمنعش اني بسمع موسيقي ولكن بصوت هادي جدا
انا بسمع اصوات تكسير وجري كأن في ناس كتير جوه وبصراحه كنت قربت اقدم فيك محضر
بقول لحضرتك اني عايش لوحدي تماما اكيد تقصد شقة تانيه 
انا متأكد ان الازعاج مصدره شقتك الموضوع ده بقاله شهر 
مكنتش عارف ارد اقول ايه يعني ايه عندي ازعاج واصوات حركة مستمره وتكسير ولما هو بيسمع ده من عندي انا ببقى فين هل معنى كده اللي حصل عندي النهارده مكنش اول مره ولا الراجل ده مختلط عليه الامر  
والازعاج ده من شقة تانيه في العمارة لحظات من الصمت سيطرت علينا ببصله من وقت للتاني ولما عينه تيجي في عيني بابتسم عايز اكلمه ومش عارف افتح موضوع او حتى اسأله الاسئلة اللي بتدور في عقلي لحد ماهو استأذن وقام عشان يجبلي بدلة من عنده وبالفعل بعد دقايق دخلي ببدلة كامله وجزمة كانوا واسعين عليا بعض الشئ لكن ميضرش في النهايه منظري كده افضل من البيجامة والشبشب 
بعتذرله عن ازعاجي ليه وبتسأذن عشان انزل بعد ماوعدته اني هرجعله البدله والجزمة في اسرع وقت ولاقيته بيقدملي 500 جنيه على سبيل السلف لحد مافتح شقتي عشان هو كان متأكد اني هنزل من غير اي فلوس في الحقيقة اتحرجت اخدهم لكن مقدرتش اقاوم العرض بتاعه وخصوصا اني بالفعل مفلس ..
قفل الباب بتاعه وانا طلبت الاسانسير ولما وصل الدور عندي افتكرت اني مش معايا الشفرة عشان اشغل لوحة الارقام ويتحرك بيا وكان مستحيل اخبط على استاذ ابراهيم تاني اضطريت انزل ع السلم من الدور ال 11 
الادوار اللي تحتي مكانتش منوره وغالبا مفيهاش سكان مكنتش سامع اي حركه في الشقق كان نزولي شئ صعب جدا وخصوصا اني مش شايف كويس وثانيا مش معايا الموبايل بتاعي كان الكشاف بتاعه اكيد هيساعدني  
في الدور التامن تقريبا لاحظت