قصة ابواب هاديس بقلم بيتر ديفيد

الشيطان موجود في بيتك 
من صغري وانا بسمع عن ان المرايه ممكن تجنني وكتر الوقفه قدامها بيأذي مكنتش بشوف ان ده كلام يتصدق يعني ايه مجرد مراية ممكن تجنن شخص او تكون سبب انه يتلبس من روح شريرة وبرضو مكنتش بقتنع بحكاية الشياطين اللي في الحمام وان لازم نمارس اسلوب منضبط طول ماحنا في الحمام تجنبا لغضبهم وشرهم 

اسمي فايز ومن وانا عندي 17 سنة كان عندي شغف وحب للدراسة والتعليم وديما كنت من الاوائل في الثانوية العامة مكنتش مهتم بكتب المدرسة وبس انا كنت بحب اقرأ في كل حاجه واي حاجه العلوم والتكنولوجيا والتاريخ والأدب بكل انواعه وغالبا كل مابتقرأ اكتر وتتوسع في المعرفة بتتحول لشخص متمرد ومعترض ومشكك يعني مش سهل حد يقولك حاجه وتصدقها لازم تشكك وبعدين تبحث ومن ثم تتاكد او لاء  
بتبدأ حكايتي وانا عندي 18 سنه لما امي وابويا زعقوا فيا پغضب وخوف عليا عشان كنت بغني في الحمام قدام المراية وامي قالتلي انت عايز تتلبس  
وابويا كان معاها على نفس الوتيرة وعشان احرم اعمل كده تاني بقوا يحكولي عن الشياطين اللي بتسكن الحمامات وازاي انها بتنتظر الفريسة يقع في ايديهم باي حركة تغضبهم وعن المراية اللي جننت ناس ودخلوا مستشفى المجانين عشان كانوا بيقفوا قدامها كتير طبعا كنت ببحث ورا كلامهم ده من جهة العلم ولاقيت مفيش حاجة اكيده تقول ان ده بيحصل وان الناس ديما بتصنع لنفسها البعبع الخاص بيها اللي هو يالا بينا نصنع حاجه مرعبة نفضل خايفين منها بدل الملل ده ! 
بعد فترة بحث اتاكدت ان ابويا وامي ضحايا الجهل والسمع بدون مصادر والمشي ورا اي كلام دجل وتخاريف لدرجة ان كانوا بيتفزعوا لو شافوا شبشب او جزمة مقلوبه او ان مقص يتفتح ويتقفل بليل وكل حاجه عندهم وراها أسطورة من الف ليلة وليله عن سبب خوفهم الغير مبرر ده زي برضو في يوم كانت اختى ولدت اول طفل وانا كنت رايح اباركلها في بيتها لكن مانعوني ادخل عندها وفهمت ان ده عشان كنت لسه حالق شعري ودقني وان دي مصېبة لاتغتفر وچريمة يعاقب عليها القانون 
باختصار الخۏف من كل حاجه احنا السبب فيه احنا اللي بنخلي الضلمة مرعبة والمراية بتجنن والحمام فيه شيطان والمقص غلط والشبشب حرام واوعى تخش ع الوالده وانت حالق احنا بنخترع خوفنا وكأن الانسان بيبحث عن الخۏف كمصدر اساسي للحياة زي الاكل والشرب والهوا وميقدرش يعيش من غيره  
من حبي في الفضاء التحقت بكلية العلوم جامعة القاهرة قسم علوم الفلك والارصاد الجوية وبعد التخرج سافرت امريكا في كامبريدج ودرست في جامعة هارفارد الفيزياء الفلكية وبعد حوالي ١٠ سنين في امريكا رجعت مصر بدرجة الدكتوراة وكنت اصغر دكتور انضم لجامعة القاهرة بدرس لطلبة علوم الفضاء وكنت بالنسبالهم مصنف كعالم ومحبوب منهم برغم اني شخص منطوي نوعا ما 
كان والدي انتقل الى رحمة ربنا وتوفى وامي راحت قعدت عند اختي وانا خدت شقة جديدة في مدينة ٦ اكتوبر في مربع هادي وبعيد عن الصداع وصخب الحياة واغلب الشقق كانت فاضيه وفي عماير كامله فاضيه لانها منطقة قيد الاعمار والتطوير لكن حبيت الحياة هناك لاني بطبعي بحب الهدوء لحد ماجه في يوم وبيتصل بيا طالب مجتهد عندي في القسم اسمه عزيز وبيطلب انه يقابلني بصفة شخصية بعيد عن الجامعة ولاول مرة كنت اعرض على شخص اني استضيفه في بيتي وبعد مرور ساعتين وشويه كان وصل عندي وهو مضطرب وفي حالة مريبة طلبت منه يدخل ويتفضل في الصالون عندي وقدمتله مشروب منعش عشان يهدي من اعصابه ويقدر يحكيلي الشئ اللي عايزني فيه بالاصرار ده وعلى انفراد وقالي 
هو يعني ايه الفضاء الخارجي يادكتور 
معقول ياعزيز ! طالب مجتهد زيك في قسم هندسة الطيران والفضاء لسه ميعرفش يعني ايه فضاء 
عارف وحضرتك تعلم اني بحب دراستي جدا وعندي طموح وهدف اكون رائد فضاء في وكالة ناسا بس هل ممكن يكون الفضاء اللي بنسافرله خارج الارض موجود في الارض 
عدلت من قعدتي وبصتله باستغراب وحيرة ومفهمتش يقصد ايه ولعت سېجارة وانتظرت دقايق قبل مارد عليه بفكر في القصد اولا من اللي بيقوله وبعد وقت بسيط قولتله
اسمه فضاء خارجي وهو شئ اعظم من يحتويه مكان والارض مجرد نقطه لا تذكر في مساحته الغير محدودة ضمن ملايين المجرات والكواكب 
انا شوفت الفضاء بس مش من سفينه فضائية شوفته من مراية كبيرة في بيتنا 
وضحلي اكتر ياعزيز يعني ايه شوفت الفضاء في مراية
من حوالي شهرين كنت بسمع صوت من جوه المراية بيكلمني لما بقف قدامها كنت بعتبر ان دي هلاوس او تهيأت وساعات كنت بلاحظ ان المراية مش بتعكس صورتي بسرعه على وضعي الحالي منها يعني ممكن اكون بسرح شعري واكتشف اني واقف مبتحركش وايدي جنبي في المرايه مع ان ايدي فعليا على راسي بالمشط 
وبعدين 
سألت جدتي اللي عايشه معايا هي المراية دي وراها سر معرفوش قالتلي ولا سر ولا حاجه مراية عاديه اشتراها جدك الله يرحمه 
وطبعا انت شاكك انها زي مابيتقال هتجننك ومسكونة وكلام غريب من ده ..
يادكتور من فضلك سبني اكمل كلامي 
كمل ياعزيز سامعك 
قريت عن المرايات ولاقيت ان اي حكايات اتقالت عنها مجرد تخاريف وانها في الاول والاخر مراية لحد امبارح بليل 
قبل ماتكمل عايز نبرتك اهدى وانا هسمعك زي مانت عايز احكي براحة وبهدوء 
حاضر يادكتور 
تمام كمل 
كنت قاعد بذاكر وسرحت في ايه يحصل لو رائد فضاء دخل ثقب اسود وخصوصا ان مفيش حد قدر يشرح بالظبط اللي ممكن يحصله لان ببساطه محدش دخل ثقب اسود قبل كده وكلها مجرد نظريات 
هرد عليك فيها بعدين بس كمل 
ولقيت المراية قدامي بقت سودة فضلت افرك في عيني اعتقدت ان عيني فيها حاجه مخليه الرؤية بالشكل ده وبعدين شوفت نفسي جوه المراية ببعد عن كوكب الارض وبدخل جوه حاجه تشبه الثقب الاسود كانت الرحله فيها سريعه جدا الوان كتير بتمر من جنبي بسرعه سخونية شديدة حسيتها في جسمي وحسيت ان جسمي بيتفكك من بعضه ونفسي بيتكتم وقلبي هينفجر وفجأة ..
ها 
بلاقي نفسي قدام فواهة بركان ضخم او مكان شبه البركان جواه مخلوقات مرعبة تكوينهم الجسماني يشبه الانسان لكن فى اپشع صور كنت بحاول ابعد عن المكان ده ومش عارف اروح فين وخاېف حد منهم يشوفني لكن بتكعبل وبقع وبلاقي ايد هيكل عظمي بتمسك فيا وبتحاول تجرني للفوهة المشټعلة وپصرخ وبعافر لحد ماجدتي بتجري عليا وتقولي بتصرخ ليه وبتحضني ..
والمراية 
بقت طبيعيه لكن انا اللي مبقتش فاهم هو انا دخلتها بجد وكنت جواها ولا لا لحد مابصيت علي ايدي ولاقيت اثار الايد اللي كانت مسكاني اهيه يادكتور شوف ايدي !
اثار ايد فعلا معلمه في ايدك غريبة 
المراية