رواية بقلم سهيلة سعيد
مشوار ايه !!!
هدير بنت خالتك كارمن هتروحلها الشركة
شهاب اااه .. لا طبعا
هدير ليه ي بني !
شهاب انتي هبلة ي بت اروح ازاي بعد الي امك عملته دة !!!!
هدير هي يعني مش عارفة خالتها
شهاب ايا كان مش انا الي ادبس كدة وبعدين دي خلت منظري زي الخرة قدامها
هدير معلش عشان خاطري م يمكن ييجي منها خير ي شيبوووو
هدير يعني هتضيع فرصة زي دي !!!
شهاب تولع الفرصة كرامتي اهم
هدير وهي بتقوم طيب براحتكوا بقا
تمشي هدير يرن فون شهاب
شهاب الو
سو عامل ايه
شهاب فل الحمدلله .. وانتي
سو انا تمام .. انت وحشتني
تاني يوم شهاب نايم واقفة هدير بتصحيه
هدير ي بني قوووم
شهاب عاوزة اييييه
هدير تليفون علشانك
شهاب ب استغراب تليفون ايه !!!
هدير كارمن بنت خالتك اتصلت وعاوزة تكلمك
يقوم شهاب ياخد منها الفون تمشي هدير
شهاب الو
كارمن ازيك ي شهاب
شهاب الحمدلله انتي عاملة ايه
شهاب انا ............
كارمن عارفة انك اتضايقت م الطريقة بس بجد انا محتجالك ف الشغل انا مش بتجبى عليك ولا مساعدة لسمح الله دة شغل وانا عاوزة معايا ناس تسد وعارفة انك هتقدر تسد وجدع ف قلت ايه
شهاب ب حيرة والله مش عارف اقولك ايه
يبتسم شهاب
شهاب حاضر ماشي
كارمن انا عاطية عنوان الشركة ل هدير خدوا منها ومستنياك كمان ساعتين تكون قمت م النوم كدة وفوقت اتفقنا
شهاب تمام اوك
كارمن يلا باي متتأخرش
شهاب حاضر باي
يقفل شهاب ويفرح من جواه انه هيروح ب طلب منها وب كرامته يقوم ياخد دش ويلبس بنطلون جينز كحلي وقميص نبيتي وكوتشي ابيض ويطلع من اوضته
شهاب قلبي
الام رايح دلوقتي عشان ب مزاجك لكن انا اقول كخة
شهاب انا رايح عشان ب كرامتي مش ب مزاجي
الام ربنا يهديك ويصلحلك الحال
شهاب يارب
يمشي شهاب فاطمة وهند قدام المحل بتاعهم بيحاولوا يقفلوه
هند ي بنتي نزلي كويس
فاطمة م أهو بقا اخلصي ايدي وجعتني
الحلقة السادسة ٦
يشوفهم شهاب
فاطمة والله هسيبك خالص اهو
تسيب فاطمة الباب يترفع تاني
هند ي متخلفة انا مصدقت نزلته
يقرب شهاب يشد الباب يقفله ويمشي فاطمة واسراء يبصوا لبعض
فاطمة ب صوت عالي شكرا ي شهاااب
يبصلها ويبتسم ويكمل مشي
هند ب تريقة شكرا ي شيييهااااب
فاطمة اتلمي
هند كرمه بقا ذايد اوڤر يعني
فاطمة انا معرفش فتحتي ليه لما انتي هتقفلي
هند امك حضرت الفطار ناكل وبعدين ننزل يلا
يمشوا
فاطمة ليه مبتفطروش ف المحل !!
هند مبنسيبش امك لوحدها عشان حضرتك بتبقي ف شغلك السعادي
فاطمة اديني قعدتلكوا يختي
يوصل شهاب شركة كارمن يتفاجئ شركة ضخمة جدا والناس كتير يشوف كارمن واقفة مع ناس بتكلمهم يفضل باصصلها لابسة ميني چيب اسود مفتوح من ورا وبادي ازرق كت مفتوح من قدام وهيل عالي اسود ورافعة شعرها تلمحه واقف
كارمن التقارير دي تكون ع مكتب زوهير بيه الصبح بالكتير .. عن اذنكم
تقرب ع شهاب ياخد نفس طويل من جواه
كارمن وهي بتمدله ايدها نورت ي شهاب
شهاب دة نورك
كارمن تعالى هعرفك ع المكان واوريك مكانك فين
شهاب اوك
تاخده كارمن تعرفوا ع مكان مكان ف الشركة ويبقا مكتبه مع كذة مكتب وناس تانيين يبصوله الموظفين ان مين دة الي المديرة بنفسها جاية تعرفه مكانه !!!
كارمن يارب تبسط معانا بقا والشغل يعجبك
شهاب هيعجبني ان شاء الله
كارمن في اي حاجة تانية عاوز تفهمها
شهاب لا فل كدة
كارمن تمام بعد م تخلص تنزل الادارة بقا تديهم كل البيانات عنك وصحيح اديني رقمك
تطلع فونها تديهوله يكتبلها الرقم ترن عليه
كارمن انت كدة معاك رقمي لو في اي حاجة كلمني اوك
شهاب تمام اوك
كارمن هسيبك بقا انا واروح اكمل شغلي
شهاب اوك
تمشي كارمن يقعد شهاب ع مكتبه
عليا مين دة !
حبيبة اكيد حد جديد
عليا بتوقع عليا بلاوي معرفش بتجيبها منين
حبيبة حرام عليكي بالزمة دة بلوة دة قمر دة
عليا اااه بدأنا الهطل
ييجي الليل عند فاطمة ف المحل واقفة بترتب الهدوم تفتكر موقف شهاب لما قفل المحل وابتسملها تبتسم شغالة اغنية
قلبي ي قلبي تركني ي قلبي مش وقته هلا ارجع حب هلا ما فيا ومانا ب ايديا ما بعرف شو صارله هالقلب
مندمجة فاطمة مع الاغنية وبتغني معاها يعدي شهاب بيتكلم ف الفون يشوفها
فاطمة ما بعرف شو قلك لو في ما اقلك عن قلبي وشو صاير فيه .. ومبين عليا في سر ب عنيا طمني حسيت بشي .. ااااااه قلبي ي قلبي تركني ي قلبييييي
عصام ع الفون ي بنييييي !!!
شهاب وهو باصص ل فاطمة طرشتني يخربيتك !!!!
تسمعه فاطمة تبصله
شهاب اقفل دلوقتي وهكلمك
يقفل شهاب
فاطمة ب استغراب في حاجة !!!
شهاب لا مفيش
يقرب شهاب يدخل المحل
شهاب معندكوش رجالي
فاطمة عندنا
شهاب طب م توريني
فاطمة اوريك ايه !
شهاب الهدوم الرجالي
فاطمة الاستاند الي وراك دة كلوا رجالي
يلف شهاب ب دماغه يشوفه
شهاب لا مش عاجبني .. مودلاتكم قديمة
اوي
هند وهي داخلة مش عاجبك اشتري من برة
شهاب وليه العڼف دة انتي بتطفشي الزباين !!
هند والله دة لما يبقا زبون اصلا مش واحد فاضي وداخل يتسلى
شهاب طب براحة ع نفسك انا داخل اشتري
هند وانا مش هبيعلك ي شهاب
شهاب ب عند وانا هشتري ي هند
هند هو بالعافية !!!
شهاب وهو بيقرب عليها لا مش بالعافية ب فلوسي
هند ب تريقة حوش الواد من اغنى اغنياء المنطقة
شهاب تؤ شكلك هتقضيها تريقة ومش عاوزة تشتغلي
يبص ل فاطمة
شهاب شوفيلي انتي ي فاطمة والنبي احسن محتار
يروح يبص ف الهدوم تسكت هند وتبصلها فاطمة تقرب فاطمة تقف جنبه
شهاب نقيلي ع زوقك .. شكل زوقك حلو
تربع هند ايدها ب غيظ
فاطمة لا زوقي مش هيعجبك
شهاب وهو بيبصلها من رجليها ل وشها ب اعجاب لا عاجبني اوي بصراحة
يستفز هند اكتر
هند ب انفعال م تنجزي وتشوفيلوا الي هو عاوزه خلينا نخلص من ام البيعة دي
شهاب اعصابك بس اهدي هتتجلطي .. انتي متعاملتيش مع زباين قبل كدة ولا ايه !!!!
هند استغفر الله العظيم يارب
فاطمة وهي بتحاول تنهي النقاش حلو دة
تمسك قميص تديهوله
شهاب وهو بيمسكه اممممم .. مش بطال .. بكام دة
فاطمة وهي بتمسك التكت ب .........
شهاب وهو بيمسك ايدها اوعي يكون غالي
تتخض فاطمة من لمسته وهند متاخدش بالها تشيل فاطمة ايدها بسرعة
فاطمة ب هدوء وغيظ امشي اطلع برة
شهاب تؤ تؤ ليه بس م كنتي حلوة
فاطمة اطلع ي شهاب احسنلك
هند وبعدين يعني هتبات هنا ولا ايه م تخلص
شهاب مش عاوز من وشكوا حاجة دة انتوا بياعين تسد النفس
يحدف القميص ف وش هند ويمشي
هند غور كتك الارف
فاطمة مالك مش طيقاه كدة !!
هند والله .. دة ع اساس انه جديد عليا
تسكت فاطمة
هند انتي اصلا ايه الي خلاكي تدخليه المحل ويقعد يتكلم ويشتري وميشتريش
فاطمة زبون ودخل هطرده
هند اه دة بالذات تطرديه
فاطمة بقولك ايه انا غايرة وسيبهالك خالص عشان الصداع هيفرتك دماغي ومش ناقصة
تلم فاطمة حجاتها تلمح هند شهاب واقف مع صحابه ع اخر الشارع
هند اترزعي دلوقتي هنروح سوا
فاطمة انتي لسالك ساعتين ع الاقل وانا تعبانة
هند قلتلك اصبري مش هتروحي لوحدك
فاطمة ليه ان شاء الله هتخطف
هند الحيوان دة واقف مع صحابه
تبص فاطمة تشوف شهاب
فاطمة م يقف ولا يقعد انا مالي
هند هنروح سوا قلتلك عشان ميغلسش عليكي
فاطمة بقولك ايه ي هند اذا كنت اتكلمت معاه واستحملته من شوية ف عشان دة محل اكل عيش ومش عاوزة يتقال اختهم وقفت معاهم وجابتلهم المشاكل لكن انتى عارفة كويس جدا اني اقدر اوقف اي واحد عند حده
هند براحتك ي فاطمة
تاخد شنطتها وتمشي تعدي من جنب شهاب يبصلها
عصام ايه الكلام هتيجي ولا لأ
شهاب لا روحوا انتوا
عصام وهو بيحط ايده ع دماغ شهاب انت سخن ولا حاجة ي حبيبي !!!!!
شهاب وهو بيزق ايده ي عم رايح ل سو
خليل سو مين !
شهاب البت بتاعة ال night club
عصام يخربيتك من اول اسبوع كدة
شهاب وحياتك من اول يوم
خليل دي سهلة اوي
شهاب لا بالعكس دة انا اول حد ف حياتها
خليل ايه دة ازاي !!!!
يعدي هيثم من جنبهم بيمد يشوفه شهاب
شهاب يلا تصبحوا ع خير
عصام مش لسة قايل رايح للبت !!
خليل يابا احكيلي
شهاب وهو ماشي هطلع اغير الاول لما ارجع ابقا اكلمكوا
عصام والعة ي عمممم
تدخل فاطمة عمارتهم يدخل وراها هيثم
هيثم فاطمة
تتخض فاطمة تلف تشوفه
فاطمة عاوز ايه !
هيثم كنت عاوز اتأسفلك
فاطمة ب استغراب دة ايه اللأدب دة !!!
هيثم انا بتكلم جد
فاطمة وانا مش عاوزة منك اسف غور بقا بعيد عني
هيثم انتي في ايه مترفعنة ع ايه ولا هو لو شهاب كنتي وقفتي
فاطمة هو شهاب دة كان جوز امي كل اما هتتكلم معايا تقولي شهاب شهاب في ايه !!!
تلف فاطمة لسة هتطلع يطلع وراها ويزقها ع الحيطة تتخض ولسة هتصرخ يكتم بؤها
هيثم وربي ي فاطمة ل اخليكي تيجي راكعة تحت رجلي
فاطمة وهي بتزق ايده دة بعينك ي بن ال ..........
يبوسها ڠصب عنها ويسيبها ويمشي يطلع م العمارة يشوفه شهاب وهو بيمسح بؤه ب منديل ويقف مع صحابه يدخل شهاب العمارة يلاقي فاطمة قاعدة ع السلم بټعيط وبتمسح ف بؤها
شهاب في ايه !!!
تتخض فاطمة وتبصله
فاطمة ب عياط كل دة بسببك منك لله
شهاب ب استغراب هو ايه دة الي بسببي !!!!
فاطمة انا مكانش حد يقدر يمس مني شعرة ولا حتى يبصلي وانا معدية .. اخرتها يحصل فيا كدة
شهاب طب ممكن تهدي وتفهميني حصل ايه
فاطمة قول ل صاحبك يبعد عني وفهمه ان مفيش بينا حاجة
شهاب هيثم !
فاطمة وهي بتقوم ايوة زفت هيثم
شهاب عملك ايه
فاطمة ب عياط يعني مش باين عملي ايه .. م الاخر ورحمة ابويا لو لمسني تاني ل اكون مموتاه
تطلع فاطمة الشقة يتضايق شهاب ويفهم يطلع م العمارة يلاقي هيثم واقف مع صحابه بيضحكوا ويهزروا يقرب عليهم
شهاب يعني انت بردوا مصمم تدخلني ف ام حواراتك الۏسخة دي
هيثم ب برود انا جيت جنبك
شهاب دة اخر حوار ليك معايا ي هيثم ومع فاطمة كمان .. لو اتعرضتلها تاني هخلي ايامك كلها لون شعر راسك دة
هيثم والله انا مجتش جنبك وفاطمة تخصني ف ملكش دعوة اتعرضلها ولا متعرضلهاش هي اصلا لسة مشافتش مني حاجة دي قرصة ودن كدة ومحدش داسلك ع ديل ي عم
شهاب ديل
يغلي الډم ف عروق شهاب خلاص مش قادر يبقا هادي اكتر من كدة وفجأة يضرب هيثم بوكس ورا التاني ورا التالت يوقعه ف الارض يهجم صحاب هيثم ع شهاب ويضربهم وېتعاركوا والشارع كلوا يتقلب والستات
