رواية بقلم سهيلة سعيد
ولا اروح انحرف عشان الفين جنيه حق البيرسنج
شهاب روحي ي مريام
مريام انحرف
شهاب خدي ام المكافأة
مريام اه اشطااا شكراااااااااان
تمشي خطوة وترجع تاني مرة واحدة تقرب تسند ع المكتب قصاد شهاب قريبة اوي تخضة
شهاب ايه ي بنت الهبلة
مريام بالمناسبة السعيدة دي بقا هعزمك بالليل ع العشا ف مكان فشيخ لسة عرفاه امبارح
مريام ع حسابك هااا
شهاب وكدة عزومة !!!
مريام
ايوة انا اختار المكان وانت تدفع ليلا القاك
تمشي مريام يتنهد شهاب ب نفس طويل ويمسك الفون يفتح صور فاطمة ف بيت فاطمة فاطمة وهند واسراء قاعدين سوا
فاطمة طب هو قالك ايه يعني
هند بيلمحلي بس كلامه واضح اوي
اسراء طب وايه المشكلة مروان انسان كويس ومن عيلة كويسة
فاطمة وليه ي هند مدام بني ادم محترم !!
هند مش عارفة .. بس خاېفة ومش حابة يكون في بينا كدة
فاطمة طب جربي يمكن ترتاحي
اسراء ايوة ولو مرتحتيش ابعدي
هند بعد م اعلقوا بيا
فاطمة هو كدة كدة متعلق ف انتي مش هتذودي حاجة دة عشان نفسك مش عشانه
شهاب ايه
مريام تاك اوة يلا انا مستنياك تحت
شهاب اهدي عليا نازل اهو
مريام انجز ي عم انا ..........
يقفل ف وشها
شهاب رغاية
ينزل شهاب ل مريام
مريام بتقفل ف وشي ي قليل الزوق ي عديم الادب
شهاب ههههههه عديم الادب
شهاب اركبي يلا اركبي
يركبوا متوسيكلاتهم
مريام امشي ورايا
شهاب وهو بيمشي مبمشيش ورا الحريم
يطلع قدامها تبتسم مريام وتسابقه ويفضلوا يسابقوا بعض فاطمة ف المحل يدخل هيثم
هيثم فاطمة
تبصله
هيثم عاوز اتكلم معاكي
فاطمة نعم
هيثم انا عاوز اتجوزك
هيثم انتي عارفة اني بحبك وكنت من قبل م شهاب يتقدملك كنت هتقدملك والله بس ملحقتش .. ولما سيبتيه حاولت كتير اتكلم معاكي مدتنيش فرصة ف قلت سيبها تنسى .. اظن عدى وقت كافي انك تنسي فيه
فاطمة انسى ايه !
هيثم تنسي شهاب
فاطمة وانت فاكر ان النسيان بالوقت .. مين قال كدة .. عمر النسيان م كان بالوقت .. في ناس كتير اوي غالية علينا وفارقتنا وعدت وسنين ومنسينهاش .. ف متقوليش سيبتك تنسي .. هو اه بالنسبالي مېت بس عمري م هنساه .. انا مبعرفش انسى .. حتى النسيان ملهوش محاولة هو حاجة كدة ۏجع صغير جواك بيفضل موجود كل م تفتكر .. وانا مش هبطل افتكر ف ولا انفعك ولا انفع غيرك مهما عدى عليا وقت ومهما فاتت سنين انا هفضل كدة واقفة مكاني ي هيثم
فاطمة صدقني لما تقرب مني هتكرهني
هيثم انا مستحيل اكرهك
فاطمة لا هتكرهني .. لما اتعامل معاك ب برود وانعدام مشاعر هتكرهني ومش عشان انت هيثم دة عشان مبقاش في حاجة جوايا اديها لحد
هيثم وليه تعملي ف نفسك كدة مهو سافر واتغنى واكيد البنات حواليه بالهبل وصوره مالية النت وسابك وعايش .. ليه متعشيش انتي كمان بقا !!!!!
فاطمة لا متقارنش قلب ب قلب .. متقارنش الي اتكسر بالندمان ..
هيثم واخرتها
فاطمة متخافش لا هكون ليك ولا ل غيرك
هيثم انتي كدة بتدخلينا ف حيطة سد
فاطمة لا نهائي انا بوضحكلك كل حاجة عشان متتعشمش وعشان فعلا منوصلش ل حيطة سد
هيثم يعني دة اخر كلام عندك
فاطمة اه ي هيثم
هيثم ماشي ي فاطمة .. الي تشوفيه
يمشي هيثم تتنهد فاطمة يوصل شهاب ومريام قدام مطعم يركنوا وينزلوا
شهاب رايحة فين !
مريام داخلة المطعم
شهاب مطعم ايه هو فين !!!
مريام بنمشي الممر دة للاخر وبعدين تلاقيه
شهاب وهو ماشي جنبها اول مرة اعرف ان في مطعم هنا
مريام هو مستخبي شوية بس هيعجبك اوي
شهاب امممم
يدخلوا المطعم عبارة عن مخدات كبيرة ف الارض والناس قاعدين ف الارض والسيرڤس لابسين لبس البدو
مريام ايه رأيك ف الاستايل دة
شهاب حلو جدا
مريام هتعرف تقعد ع الارض ولا نقعد فوق
شهاب لا بحب قاعدة الارض
يقعدوا ع المخدات ف الارض يجيلهم براد شاي وكوبيات صغيرة تقرب مريام تصب ل شهاب وتديهوله وبعدين تصب ل نفسها
شهاب تقيل اوي !!!
مريام عشان شاي عرباوي دة المشروب الضيافي بتاع المكان
شهاب امممم حلو
مريام اومال لو دوقت الاكل بقا هنا يجنن
شهاب اشطااا نتعشى هنا
مريام دة انت داخل ع طمع بقا
شهاب انا مازالت معزوم مش دافع مكافأة
مريام خليك عارف مش هدفع اكتر من حق الشاي
شهاب الي هو بيتوزع ببلاش اصلا
مريام هههههه بالظبط كدة ي شبح
شهاب خلاص هعزمك انا ع العشا .. شكلك غلبان
مريام باين عليا اوي كدة
شهاب باين ع بنطلونك
مريام لابسة بنطلون كاتينج
مريام هههههه
يسكت شهاب دقيقة
شهاب مريام
مريام ايه
شهاب عاوز انزل مصر
مريام وحشتك
شهاب اوي
مريام ب زعل بس انت لو نزلت مصر انا هكون هنا لوحدي .. وانا مصدقت بقالي حد هنا اقرفه
شهاب تعالي معايا واهو اعتبريها فسحة
مريام اكيد اهلي مش هيرضوا طبعا
شهاب قوللهم سفر تبع الشغل كام يوم وراجعة
مريام وانت هترجع كمان كام يوم !
شهاب انا بس نفسي اشوفها هي واهلي
مريام طيب هحاول اكلمهم مع اني متأكدة انهم هيرفضوا
شهاب لا هيوافقه ان شاء الله
مريام يارب
يسكت شهاب
مريام حنيت
يبصلها ويضير وشه يبص ف الارض
شهاب ب تنهيدة انا مقستش عشان احن
مريام بس فاتت فترة كان ممكن قلبك يقسى وينسى
شهاب معرفتش .. يمكن عشان انا الي جارحها
مريام حتى رغم المسافات الي بينكم !!
شهاب عمر المسافات م قست حد .. الي ف القلب ف القلب
مريام انت بتحبها اوى
شهاب اوي
ف الطيارة قاعد شهاب وجنبه مريام
شهاب اهلك بيعشقوكي
مريام احم اه .. اوي
شهاب انا خاېف
مريام من ايه
شهاب انتي عارفة ان عصام بيعرفني اخبارها دايما بس انا خاېف م المقابلة
مريام بص هي كدة كدة مش هترضى تقابلك بسبب الي فات ف سيبها تيجي بالصدفة احسن
شهاب ماشي
يبص من شباك الطيارة جنبه يعدي الوقت هند ف البيت بتتكلم ف الفون
مروان حكيت ل ماما عنك متشوقة تشوفك اوي
هند ب نفس طويل بص ي مروان
مروان نعم
هند انا فاهمة كلامك دة وفاهمة قصدك
مروان يعني عارفة اني بحبك
تتفاجئ هند وقلبها يدق بسرعة
هند لا بس كنت حاسة انك بتلمح ل كدة
مروان وانتي رأيك ايه
هند انا مش عوزاك تتعشم فيا
يتضايق مروان
مروان ليه ي هند !!!
هند عشان .. عشان انا شيلت من بالي حوارات الحب دي من زمان اوي
مروان يعني مش عشان انا متحبش او انسان مش كويس
هند لا طبعا انت انسان كويس ومحترم وتتحب
مروان يبقا مفيش حاجة اسمها شيلت من بالي حوارات الحب
هند لا في .. انت مش فاهم
مروان فهميني طيب !!!
تسكت
مروان بتحبي حد تاني
هند كنت ومحصلش نصيب
مروان ودة مأثر فيكي لحد دلوقتي ومش عارفة تنسيه
هند لا والله هو بقا زي اخويا خلاص وشيلت الموضوع من بالي
مروان اومال ايه طيب
هند كل الحكاية اني خاېفة اظلمك .. انا معرفش هقدر احب تاني او لأ .. منكرش اني معجبة بيك جدا وبشخصيتك بس بردوا خاېفة وعليك مش عليا
مروان طب ممكن تديني فرصة .. لو مرتحتيش مش هغصبك وابعدي وقتها
هند ب حيرة مش عارفة .. انا بردوا مش عاوزة اجرحك مش عاوزة اقول اجرب ولو منفعش ابقا أذيتك
مروان ي ستي انا قابل مهو الحب مش بالعافية وانا حبيتك مش يمكن انتي كمان تحبيني .. بس ع الاقل افتحي قلبك بس
هند حاضر
يوصل شهاب ومريام مصر يحجزوا ف اوتيل يستقبلهم شخص
تميم حمدلله ع السلامة ي شهاب باشا
شهاب وهو داخل الفندق الله يسلمك .. جهزتلي الي قلتلك عليه
تميم اه ي باشا الڤيلتين جاهزين
شهاب معلش بقا زنقتك ف الوقت
تميم انت عارفني بتاع المهمات الصعبة
شهاب وهو بيقف قدام الاسنسير المهم زي م قلتلك ف الفرش
تميم اه ڤيلا فيهم ل اربع افراد وڤيلا حضرتك وبعتلك العنوان ع الواتس تقدر تروح ف اي وقت تشوفهم
شهاب ماشي ي تيمو .. اشوفك بكرة
تميم تؤمر ي باشا عن اذنك
يمشي تميم ويطلع شهاب هو ومريام يعدي الوقت وييجي الليل مريام ف اوضتها يخبط الباب تقوم تفتح
مريام انت لسة ممشيتش !!!
شهاب م تيجي معايا
مريام لا طبعا هي لسة متعرفنيش انا عوزاك تبعد عن اي بنات حاليا والا هتخرب الدنيا اكتر
شهاب ايوة صح .. طيب ادعيلي
مريام ربنا هيحنن قلبها ان شاء الله
شهاب يارب
يمشي شهاب ف شقة كارمن قاعدة كارمن بتشرب سجاير وويسكي يخبط باب الشقة تطفي السېجارة وتقوم تفتح تلاقي شاب
راغب مساء الفل
ملحوظة .. راغب شاب وسيم بشرته قمحية شعره اسود طويل جسمه ضخم ورياضي كان من رجالة كارمن
كارمن وهي بتدخل تعالي
راغب وهو بيقفل الباب ايه الجميل ماله كدة
كارمن ماليش
راغب جايبلك خبر ب مليون جنيه
كارمن للي معاه
راغب ايه ام الكئابة دي هو انتي اول واحدة تطلق م عادي دة كدة انتي حرة
كارمن بس طلعت م المولد بلا حمص مضاني ع كل حاجة كان كاتبهالي حتى مؤخري اتنازلت عنه والا كان هيسجني وابويا بيزلني ع الفلوس الي بيبعتهالي كل شهر
راغب مهو الخبر الي هقولهولك دة هيرجعك للعز تاني
كارمن ب اهتمام خبر ايه صحيح
راغب حبيب القلب رجع
كارمن ب خضة شهاب !!!!!!!!
راغب اه شهاب .. لسة راجع انهاردة الصبح
كارمن عرفت منين !!!
راغب كنت من فترة مخلي ناس تراقبه عشان في فكرة كدة ف بالي كنت مستنيه ينزل مصر عشان انفذها هتجيبلك مناخيره الارض وترجعك ملكة
كارمن فكرة ايه
راغب بس هحتاج رجالة معايا
كارمن ي سيدي قول الفكرة الاول
راغب هقولك
ف بيت فاطمة فاطمة ف التواليت بتغسل غسيل تحطه ف بلستكة وتاخده تنشره ف البلكونة تدخل عربية الشارع احدث موديل كل العيون عليها تشوفها فاطمة تستغرب وتدخل تكمل غسيل تركن العربية تحت البيت ينزل منها شهاب يشوفوه الي يعرفوه يجروا يسلموا عليه ويرحبوا بيه يخلص شهاب سلام ع الناس ويبص ع بلكونة فاطمة يدخل عمارته ويطلع يقف قدام باب شقتهم يخبط ع الباب
الام ايوة جاية
تفتح الام تشوفه تتصدم
الام شهاب .. ابنييي
تترمي ف حضنه يحضنها ويبوس ايدها وهي تبوس فيه
الام ب عياط كدة .. كدة ي شهاب كل الغيبة دي ي حبيبي
شهاب حقك عليا انا اسف
الام وحشتني ي حبيبي وحشتني
شهاب وانتي كمان
هدير ووجدان طالعين م الاوضة يشوفوه
البنات ب فرحة شهاااااب
يجروا عليه يحضنوا فيه
الام براحة عليه ي بت !!
وجدان وحشتنا اوي
شهاب وانتوا كمان
الام سيبوه يقعد بقا
يقعد شهاب ويقعدوا جنبه
شهاب انتي ايه الي مقعدك هنا انتى متجوزتيش ليه لحد دلوقتي !!!!
هدير لا م سيبنا بعض
شهاب ليه !!!
هدير الڤيديو بتاعك اتبعتله بردوا
يسكت شهاب
شهاب معلش .. حقك عليا
الحلقة الثلاثون ٣٠
هدير لا عادي هو طلع واطي اصلا
شهاب ف داهية بكرة اجوزك سيد سيده
وجدان وانا والنبي
شهاب ھتموتي انتي وتتجوزي
الكل هههههه
شهاب فين بابا
الام نايم ف
