ندم لا يفيد بقلمى امانى سيد

سالنى لو حد سألنى كنت هجاوب على طول 
يعنى فعلا انتوا كنتوا متجوين 
بص انا مش حابه اتكلم فى حاجة شخصيه دى حاجة قديمه وهو حاليا يبقى جوز مها اللى كانت زميلتنا 
بصراحه احنا كنا واخدين عنك فكره تانيه بسبب كلام مها عنك بس بعد اللى عرفنا امبارح نظرتنا ليكى اتغيرت وبصراحه وحابب أنى اتعرف عليكى اكتر
فى تلك الأثناء وقف عزيز يستمع لذلك الحديث الدائر بين رحيل وزميلها 
ليه
يعنى حاسس إن جوايا إعجاب ناحيتك ويمكن لو قربنا لبعض الاعجاب ده يزيد 
بس انا أسفه أنا حاليا مش بفكر فى ارتباط فى الوقت الحالى انا عايزه اركز فى رسالتى فقط عشان اخد الماجستير بتاعى 
ومين جاب بس سيره ارتباط 
نعم 
انا بقولك نبقى صحاب ونتعرف كده يعنى انما الارتباط ده مش وقته خالص 
أنت عارف انا كنت بتهرب منك أنى اقولك أنى مش بفكر فى الارتباط بطريقه لطيفه عشان إحنا زملا وكنت بتهرب منك عشان شيفاك إنسان سطحى حكمت عليا من كلام واحده مكنش وراكوا سيره غير تجيبوا سيرتى كانت بتضيعلكم الوقت انما بعد كلامك ده 
يؤدي ارتباط أسعار الذهب وسعر صرف الدولار بتكاليف المواد الخام والاستيراد إلى تأثير مباشر على أسعار السيارات في الأسواق.
فانت مش بس سطحى لا انت سطحى وقليل الادب 
نعم انتى ازاى تتكلمى معايا كده 
بقولك الحقيقة إنك تروح تقول لواحده
تتصاحب معنى كده انك شايفها سهله وممكن تقضيها مع أى حد وانا مايشرفنيش أنى اتكلم مع واحد زيك 
على صوت رحيل وهى تتحدث مع ذلك الشخص فاجتمع جميع من بالمكتب تحدث ذلك الشخص مدافعا عن نفسه 
عشان شيفانى سطحى ولا حاطه عينك على حد تانى 
حد تانى زى مين 
لم ينتظر عزيز أن يطول الحديث اكثر من اللازم وقرر التدخل لوضع حد لتلك المهزله... 
تحدث عزيز بصوت حاد وصارم 
قصدك حد زيى كده مثلا صح 
فزع الجميع من وجوده وتدخله فى ذلك الحوار وعلموا أن الموضوع لن يمر مرور الكرام نظر عزيز للجميع وتحدث پغضب 
ايه المسرحية حلوه ومطوله وعايزين تعرفوا اخرها صح 
ثم نظر لذلك الموظف 
طبعا فاكر نفسك الواد الجامد اللى لما تقولها الكلمتين الهبل اللى انت قولتهم دول تقولك لأ عيب و أنا موافقه ارتبط بيك عشان خاطر تثبتلك إن مافيش حاجه بينى وبينها 
ماشى بمدأ فيها لاخفيها صح 
طيب أنا عايز اقولك بقى يا أفندى يا محترم إنك ملكش غيه مرتبطه بيه بغيرى اتحوزت اطلقت انت مالكش دعوه انت هنا محامى تحت التدريب ومن اللحظه دى اعتبر نفسك مطرود من التدريب واحلى ريفيو عنك هيتعمل من بكره عارف ليه لأنك محامى فاشل واستغلالى ولو واحد جالك ممكن تبيع قضيته للخصم او تساومه بعد كده إذا كنت انت حاولت ابتزاز زميلتك هتعمل ايه مع الغريب
صمت مره اخرى ونظر بعدها للجميع 
شغل اللت والعجن ده بره المكتب 
المكتب هنا للشغل والقضايا والعملا انتوا فاهمين محدش له علاقة بحياه غيره 
خلوا التخمينات دى وتشغيل الدماغ ده لقضاياكم ولو سمعت بعد كده حد بيحشر نفسه فى حياه غيره بطريقة غير لائقه مايلومش غير نفسه 
حاول المتدرب الحديث معه والاعتذار له مره اخرى لكنه رفض ودلف لغرفته وأمر رحيل أن
تتبعه
دلفت رحيل خلفه وظل باقى العاملين منهم من ذهب لمباشرة عمله ومنهم من يحاول مواساته ومنهم من يوبخه ومنهم من رأى انه غلطان وعليه أن يتحمل نتيجه خطأه
داخل المكتب ظل عزيز يتنقل في المكتب ذهابا و ايابا ثم توقف ونظر لرحيل بعصبيه 
أنا عايز افهم ادينى سبب واحد يخليكى ملطشتهوش بلقم ووقفتيه
عند حده سبب واحد بس
لأول مرة ترى رحيل عزيز بتلك العصبية دائما تراه صارم هادئ 
خشت رحيل أن تتحدث إلى أن وجهه لها سؤاله فجمعت شتات نفسها واجابته
محبتش إن الموضوع يكبر وانا رديت عليه الرد المناسب 
ده المناسب من وجهه نظرك واحد عايزك تتصاحبوا وتقوليلى رديت عليه 
اقل حاجه كنتى فتحتيله راسه مش تقوليلوا مايشرفنيش 
حضرتك أنا محاميه مش بلطجية 
رحيل انا وانتى عارفين كويس إن مش كل الناس ينفع معاها القانون أوقات بنحتاج نجيب حقنا بادينا مش معنى انى محامى أنى أحط راسى فى التراب زى النعام أنا اه محامى اغلب القضايا عندى دولى بس فى الاول والاخير محامي وياما قابلت ناس عارفين القانون زى اكبر محامى وواكلين حقوق الناس ووقتها بنجيب حقوقهم بالحيله 
صمتت رحيل فهو محق فى حديثه
فى الجهه الاخرى كان حجازى يجلس في منزله يشاهد التلفاز دلفت اليه مها وبيدها احدى المشروبات وكانت ترتدى منامه حريريه باللون القرمزى 
قامت بوضع المشروب امامه وجلست بجانبه 
تجاهل حجازى وجودها
وأكمل مشاهده التلفاز 
حجازى هنفضل كده كتير إحنا عرسان جداد 
المطلوب اعملك ايه يعنى اعدى اللى عملتيه ده كده بالساهل وكان مافيش حاجه حصلت 
بصلى يا حجازى انا أهو مها اللى انت شوفتها وعرفتها قدامك أهو صح ووعد منى مش هتشوفنى غير كده 
وغير كده ليه تشمت فينا بنت عمك أنا شايفه فى عنيها نظرات شماته ناحيتك ليه توصلها لكده ليه عايزها تقول يستاهل اللى بيحصله 
انا هفضل قدامك مها اللى انت حبيتها واعجبت بيها هتنام هتصحى على نفس الوش ده اتفقنا
سبينى افكر يا مها ثم قام من جانبها 
رايح فين انا لسه عروسه خليك معايا 
سبينى دلوقتى يا مها افكر وماترنيش عليا انتى فاهمه انا هاجى لواحدى 
ثم تركها وذهب لأحد القهاوى ينتظر صديقه 
كان يجلس حجازى ويبدوا على وجهه الڠضب اقترب منه كريم وجلس امامه 
مالك يا حجازى فى ايه 
شوفت اللى حصلى 
حصلك ايه مش انت امبارح كان فرحك على البنت اللى حبيتها 
حبيتها ايه بقى انا كنت فاكرها حلوه ودلوعه كده 
امال حصل ايه مش ده اختيارك 
عارف يا كريم انت شكلك احلى منها 
صمت كريم بعض الوقت ثم اڼفجر فى الضحك
انت بتقول ايه 
هتضحك مش هكمل 
لأ خلاص أنا اسف كمل 
كل حاجه طلعت صناعى شعر عيون حتى لون البشره تصدق 
منا قولتلك من الأول انت كان معاك جوهره مصدقتنيش يا حجازى الناس اللى بتشوفها في التلفزيون دول وعلى النت والتيك توك كل دول فلاتر وميكب 
انت مش بتتفرج على الفيديوهات الراجل فيها بيحول نفسه لست واستحاله تفرق بينه وبين أى ست 
خلاص انت اخترت ارضى بقى بالأمر الواقع 
أنت عارف اللى مصبرنى عليها ايه 
انها كانت مديره مكتب عزيز المراكبى تخيل بقى لما يتنشر خبر انها سبته عشان تبقى معايا أنا شوف ده هيدى ثقه لعملا أد ايه انهم يجولى 
يعنى امت أصلا واخدها مصلحة انا بصراحه مش عارف اقولك ايه ربنا يهديك بس بلاش تتعشم كده عزيز عمل اسمه بنفسه مش موظف اللى عمله إسم 
بقولك ايه كلنا محامين وعارفين اللى فيها هو حافظ القوانين وبيحطها فى مكانها بس كده 
أنت حر بس دماغك يا صاحبى مش حلوه وهتجيبك ورا افتكر كلامى ده 
صمت حجازى فهو لا يعجبه اراء صديقه ثم ذهب بعد ذلك للمنزل وقرر إعطاء مها فرصه أخرى 
دلف للغرفه وجدها تتصفح احدى مواقع التواصل الاجتماعي جلس بجانبها واخذ الهاتف من يدها 
بصى يا مها انا موافق اديكى فرصه تانيه بس عايزك كول الوقت عامله الميكب هايز افضل شايفك حلوه 
اتفقنا 
اه انا كمان حجزت اسبوع مصيف كده عشان نغير جو ظبطى نفسك بقى 
حاضر ماتقلقش 
وبعد ما نيجى من المصيف هتنزلى تبدأى معايا شغل فى المكتب انتى كده
كده موراكيش حاجه فانزلى ساعدينى بقى تمام 
ماشى مافيش مشكله
مر اسبوعين بدون احداث جديده كانت خلالهما رحيل تتجنب مها وحجازى اللذان يحاولان دائما يظهروا مدى سعادتهم 
بدأ حجازى بعدها في نشر أخبار أن مساعدون عزيز المركبى تركوه ليعملوا لديه 
بدأت الاشاعات تنتشر ولكن لم يؤثر ذلك على العملاء الخاصين بعزيز فهم على علم أن عزيز ليس لديه أى مساعدين وصلت الاخبار لمكتب عزيز وتأكدوا حينها من كظب مها المتواصل فهم على علم بوظيفتها الحقيقه ولكن لم يعلموا سبب طردها من المكتب 
ظل عزيز تاركه وقرر الرد عليه بطريقة تناسبه 
بينما رحيل اقتربت على الانتهاء من رسالتها وذلك بفضل عزيز الذى دائما يباشرها ويوجهها
علم الموظفون بالمكتب بهويتها وإنها ليست مجرد متدربه بل وطالبه لديه وتحضر أيضا الماجستير 
بعد ذلك الخلاف اقترب منها زملائها واعتذروا منها على سوء الفهم ونمت بينهم علاقه زماله 
فى ذلك الوقت كان هناك زميل محمود 
نمت لديه مشاعر إعجاب نحو رحيل 
شعروا من حولهم بذلك الاعجاب ولكنهم تجاهلوا لم يريدوا أن يتكرر ما حدث في السابق 
كان عزيز يجلس في مكتبه ويفكر في رحيل هل ستتركه بعد انتهاءاها لرسالتها هى اوشكت على انتهاءها لم داخله هذا الشعور بالقلق هو لا يريدها أن تبعد عنه هل لانه اعتاد عليها 
هناك الكثير فى المكتب غيرها لما هذه بالتحديد التى دائما يضع الاعذار ليراها ولتاتى لمكتبه 
فى ذلك الوقت كانت رحيل تجلس فى مكتبها ودلف عليها زميلها محمد 
رحيل ممكن اخد من وقتك خمس دقايق 
حاضر بس لحظه ارد على التليفون 
اجابت رحيل على الهاتف وكان عزيز من يتصل 
الو رحيل شوفى عندك ملف قصيه 
تمام لحظه ثم وضعت الهاتف على سطح المكتب لتبحث داخل مكتبها فى وسط الاوراق على ذلك الملف فى نفس الوقت ظن محمود انها اغلقت الهاتف وتحدث معها بأريحية 
بصراحه يا انسه رحيل انا معجب جدا بيكى بقالى فتره وانا نيتى كويسه وكنت عايز اقابل ولى امرك اطلبك منه لو انتى موافقه طبعا 
سمع عزيز ذلك الحديث ووقف من مكتبه وتوجه مباشره لمكتب رحيل لم يفكر لحظات عن سبب تلك العصبيه والغيره التى نمت بداخله 
ظلت رحيل تنظر لمحمود پصدمه لا تعلم بماذا تجيب نست الهاتف والملف وظلت تنظر اليه فى نفس اللحظه 
دلف عزيز إلى مكتب رحيل بخطوات سريعة عيناه تتطلعان إلى محمود الذي كان يقف أمام مكتب رحيل وجهه يعبر عن دهشة واضحة قبل أن يتسنى لمحمود أن يتفوه بكلمة قطع عليه عزيز الحديث بصوت حاد
انت واقف هنا بتعمل ايه 
انا جاى اتكلم مع رحيل فى موضوع شخصى 
موضوع شخصر وياترى ايه بقى الموضوع الشخصى ده 
عايز اخطبها 
وده مش مكان لأى أحاديث جانبيه اتفضل على مكتب وانتى يا استاذه 
هاتى الملف وتعالى ورايا فورا 
احست رحيل براحه إنه
اخرجها من ذلك الموقف الذى وضعها به زميلها فهى لا تشعر بمشاعر تجاهه ولا تفكر بالزواج حاليا قررت ترتيب حديثها ثم الرد عليه لاحقا 
اخذت رحيل الملف من امامه وذهبت مسرعه لمكتب عزيز 
وجدته يجلس على مكتبه وبيده القلم يطقطق به على المكتب 
دلفت رحيل المكتب فور دخولها وقف عزيز واقترب منها خطوات هادئه بارده ثم وقف امامها واخء منها الملف وقبض بيده بقوه على ذلك الملف كأنه يخرج كامل غضبه به 
شعرت رحيل بنظرات عزيز لها لكنها لم تستطع التحدث واماءت له برأسها بمعنى ماذا 
تنحى عزيز جانبا واشار لها بالجلوس 
اتفضلى 
ثم ذهب خلفها وجلس على المقعد المقابل ليها 
وتحدث وهو يصطك على اسنانه 
ده الملف اللى طلبته منك 
أه 
وانتى البنى ادم ده