الساكن الجديد ياسمين الكيلاني

بتتكلمي بجد مشي!! 
ضحكت جامد واتكلمت بغرور
طبعا مخدوش ف ايدي اسبوع ومشيتهم يبنتي انا مش قد صداعهم كل ليله خبط و رزع لحد ما امبارح بس طلعت عليهم كل الړعب اللي ف الدنيا ومشيوا  
طب يا فلحه ما اكيد هيجي ساكن جديد وهيطلع عينك برضو  
تمام ساعتها مش هغلب انا محدش يعكر مزاجي ولا يضايقني فاهمه! 

فاهمه فاهمه انت هتقوليلي صحبتي وعرفاكي
قومت بملل 
طيب انا همشي بقا هروح اشوف عم جمال جاب مين المره دي واحده وعيالها ولا راجل ف سن التمانين ولا بت من بنات الأيام دول عموما اذا كان دا أو دا ف الله يرحمه  
ضحكت ساره واتكلمت بسخرية
الله يكون ف عونه امه دعت عليه عشان يسكن جمب روح  
خدت شنطتي ومشيت علي طول لحد ما وصلت العمارة ملقتش عم جمال افتكرته طفش هو كمان ما انا بصراحه متعاشرش
ثواني وسمعت صوت علي السلم بينادي علي عم جمال لسه ببص لقيت جردل مايه غرقني وغرق العمارة كلها
يا بن ال  
طلعت بسرعه وخبطت علي الباب جامد لحد ما فتح
نعم ف حاجه! 
أنت يا حضرت اعمي ولا عبيط عشان تغرقني ب الشكل دا ! 
اتكلم ببرود جدا 
عادي مخدتش بالي مش حكاية يعني! 
زعقت جامد من بروده لحد ما جي عم جمال
مش حكاية!! أنت باين عليك عيل مهزق مين دخلك هنا وازاي العمارة تدخلها اشكال من عينتك  
رد بكل هدوء
غريبه سألت نفس السؤال من شويه 
ازاي العمارة موجود فيها عينتك  
اتغاظت جدا من اسلوبه ودبيت علي الأرض جامد ف اتكلم بضحك
براحه احسن العمارة مش مستحمله  
مشيت من قدامه بعد ما لساني عجز عن الرد وصړخت جامد لحد ما جي عم جمال
أنت ازاي تدخل واحد ذي دا العمارة مين دا ويطلع اي عشان يكلمني انا كده!! 
دا الساكن الجديد يا ست روح لسه واصل حالا  
ساكن اي!! دا يمشي حالا دا انسان مه
لقيته جي وبصلي بقرف واتكلم مع عم جمال بتلقيح
يلا يا عم جمال عايزين نخلص بسرعة لأن باين إن العمارة محتاجة نضافة كتير أوي
أنت انت تقصد مين بالكلام دا ! 
انا بقول العمارة مقولتش سكانها انت تركيزك علي قدك ولا اي! 
اتضايقت جدا وزعقت فيه
اطلع بره بررررررررره  
لقيت عم جمال بيضحك جامد وهو واقف بيبص ف نص سلم العمارة اللي هو بره ازاي علي السلم يا بنت الهبله
كنت علي وشك إني اعيط من استفزازة ودخلت البيت ورزعت الباب جامد
متزعلش يا استاذ تميم روح طيبه والله  
مفيش زعل يا عم جمال انا برضو زودتها معاها شويه عن اذنك  
دخلت البيت وفضلت رايحه جايه لحد ما رنت سارة عليا
اي يا برنسيسة نقول مبروك علي الساكنه الجديده! 
يستي اتنيلي دا طلع ساكن ومش بس كده ومهزق كمان تحسيه واخد علي التهزيق من عمر 3 سنين  
اي دا بجد!! طب عملتي اي هتمشيه ازاي دا! 
لحد دلوقتي معرفش بس يا ويله مني يا انا يا هو ف العمارة يا سارة ولو حكمت اقت له الواد دا هعملها  
قفلت معاها وانا مخڼوقة جدا وناوتله علي ايام تخليه ېخاف من روح
صحيت الصبح علي صوت دوشة جامده حاولت انام معرفتش
مسكت الفون اشوف الساعة لقتها لسه مجاتش حتى 7 
منك لله يا لي ف بالي  
قومت بسرعة وفتحت الباب وخبطت جامد عليه
فتح الباب وهو بينهج جامد واتكلم بطريقة حسيته قرفان مني
نعم!!!! 
نعم الله عليك أنت فاكر نفسك ف نادي ام جلال عمال تترقص حضرتك الساعة 7 الصبح اي مفيش ډم مفيش احساس مفيش  
قفل الباب ف وشي جامد وانا وقفه مصدومه ف رزعت جامد عليه لحد ما فتح
انت يلا مش هتجبها ل  
رفع ايده ف وشي واتكلم بتحذير
اسمعي كويس انا سكتلك بس عشان انت بنت مع إن مش باين ولا ف لبسك ولا ف اسلوبك بس اهو اسمك بنت!! 
برقت جامد وفتحت بوقي پصدمه كبيره بعدين اتكلمت بستنكار وحړقة د م
انت انت فاكر نفسك اي عشان تقولي الكلام دا!! وبعدين ماله لبسي وشكلي مش احسن ما ابقي شحط كبير وبرقص ! 
احترمي نفسك انا مكنتش برقص انا بعمل تمارين ومتعود علي كده لو كنت اتكلمتي باسلوب كويس كنت قفلت الكاست بس الظاهر إن اهلك نسيوا يربوكي  
مشاعري اتهزت للحظه واتكلمت بلمعه ف عيني
انت واحد عديم الأخلاق وانا فعلا غلطانه عشان بكلم شخص ذيك مبيفهمش ولا بيقدر 
ومعاك حق انا اهلي لو كانوا موجودين فعلا مكنوش خلو واحد ذيك يتكلم مع بنتهم ب الطريقة دي  
مشيت وسبته ودخلت شقتي قعدت علي الركنه وبدأت اعيط بحزن وۏجع
كنت أول مره اتوجع كده واول مره بعد فراقهم تنزل دموع من عيني
بصيت علي المرايا اللي قدامي وبصيت لشكلي كنت فعلا مش شبه اي بنت عاديه ودا بسبب خۏفي علي نفسي وعلي مشاعري لتتكسر ف حبيت شخصية الراجل اكتر عشان احافظ علي نفسي
فوقت من شرودي علي خبط الباب لقيته هو كان واقف وحاطت ايده ف جيبه واتكلم بتردد وهدوء
انا انا اسف عشان كلمتك بالطريقة دي بصراحه اسلوبك هو اللي خلاني اتعامل ب الطريقة دي بس انا ف الحقيقه مش كده  
لقيته سكت للحظات واتكلم بلطف إلي حد ما
انا عرفت من عم جمال إن اهلك اتوفوا من سنتين ودا سبب اكبر خلاني اجي اعتذرلك يمكن فكرتك بيهم ويظهر كمان إنك كنت بټعيطي! 
مسحت دمعه علي خدي واتكلمت بعناد
لا مبعيطش  
لا عيطي  
لا مبعيطش أنت عايزني اعيط ب العافية! 
ابتسم واتكلم بهدوء 
لا مش عايزك ټعيطي عموما انا جيت عشان ابقي خلصت ذمتي من ناحيتك وقفلت الكاست لأن بصراحه مش بحب البنات الزنانه وانت بتزني كتير  
اتصدق أنت قفلتني قفله اتفضل روح علي شقتك  
اروح واشغل الكاست! 
لقيت نفسي ابتسمت تلقائي وهو كمان ابتسم معايا بعدين استأذن ودخل شقته
قفلت الباب وارتاحت شويه وافتكرت معاد الكلية 
يالهوي الجامعه
رأيكم نكمل
الساكن الجديد
بارت {2}
قفلت الباب وارتاحت شويه وافتكرت معاد الكلية 
يالهوي الجامعه  
خدت شنطتها وراحت الكلية لقت سارة ف وشها 
اي يا بنتي قلقتيني معقول روح مش عارفه تطفش جرها الجديد ! 
حدفت الشنطه ف وشها واتكلمت بغيظ
نقطيني بسكاتك انا مش نقصه البيه عامل فيها ابن الزمالك كان حد قاله إن شارعنا ناقص مصايب ! 
طب هتعملي اي يا فلحه ! 
فكرت روح وابتسمت بذكاء 
انا هقولك هعمل اي المهم جبتي المعلومات اللي طلبتها  
معايا كل حاجه جهزه ! 
خلصت روح الجامعه ورجعت البيت من تاني وهي ناويه علي الشړ
الو انتوا فين دلوقتي ! 
عشر دقايق وهندخل عندك انا مش عارفه اخرت اللي بتعمليه اي  
جت سارة ومريم صحاب روح وقعدت معاهم وشاورتلهم علي باب الساكن الجديد
خلاص ولا يهمك احنا هنغلب بينا علي خطة 19 جهزة يا مريم! 
جهزه يسطا  
خدت شنطه معاها وحطت فيها الحاجات اللي هتطفشه بيها ولبست طقم مندوبت مبيعات ورنت الجرس  
بصت يمين وشمال بعدين غمزت لصحابها من بعيد لحد ما اتكلم باندهاش 
مين حضرتك! 
بصت بقرف لحد ما شافته وقفت اتسمرت وتاهت ف حلاوته وشكله الهادي والوسيم ف سألها السؤال من تاني 
يا انسه مين حضرتك! 
الله علي حضرتي دي وهي طلعه