الجمال جمال الروح الاولي و الثانية و الثالثةبقلمي_ملك_إبراهيم

والشخص دا فتح باب العربيه وطلب مني الدخول وحسيت وكأني اميره رايحه للأمير بتاعها بس مفيش اميره بتروح لأميرها بالڠصب وهي اصلا ماتعرفش هو يبقى مين
وبعد وقت لقيت نفسي في عالم تاني وفي دنيا تانيه غير الا احنا عايشين فيها لقيت حواليا قصور وبينهم وبين بعض مسافات كبيره ملهاش اخر وكأن الا عيشين هنا ملوك مش بشړ زينا

ووقفت العربيه قدام قصر ضخم وواقف قدام القصر روبوت علي شكل انسانه ولما قربت منها اكتشفت انها انسانه زينا من لحم ودم بس جسمها كان ثابت وعنيها قدامها وصوتها حاد ومفيش فيه اي احساس ورحبت بيا بجمود واخدتني جوا القصر دا وانا ماشيه مزهوله ومش مصدقه وحسه اني جوا مسلسل تركي وبسأل نفسي هو في كدا فعلا في قصور وناس عايشه كدا حقيقي وخرجني من تفكيري دا روبوت تانيه بتاخد مكانها واعذروني لان بشبهم بالروبوت لانهم بيتحركوا وبيتكلموا فعلا زي الروبوت وبينفذوا التعليمات بطريقه منضبطه جدا حتى في مشيتهم ووسط تفكيري دا لقيت نفسي قدام باب اوضه وقالتلي ادخلي وسبتني ومشيت وقفت وخبطت ومفيش حد بيرد فتحت الباب لقيت الاوضه فاضيه بس فيها حاجه غريبه حسه فيها بروح قريبه من روحي وبرفان ريحته انا عرفه صحبه وفي احساس بالاطمئنان غريب حساه ومش فاهمه ليه وبعد دقايق لقيت الباب بيتفتح وبيدخل وهو بيبصلي بنفس الطريقه وكانت صډمه ان اشوفه مرتين في نفس اليوم بس هو هنا بيعمل ايه قرب مني واتكلم پحده
الاوضه عجبتك
داليدا اوضة ايه الا عجبتني مش انت تبقى
بصلي بعمق وقالي كملي انا ايه
داليدا مش انت خطيب بنت عمي الا انا شوفتك النهارده عندهم
ابتسم بسخريه وبعد عني بخطوات ولقيته بيخلع جاكت بدلته ولسه بيحط ايده علي ازرار قميصه صړخت بعلو صوتي وقولتله انت هتعمل ايه حرام عليك لا ماتعملش فيا كداااااا بصلي باستغراب وقالي پتصرخي ليه هو انا جيت جنبك طبعا رديت عليه الرد الطبيعي وقولتله ان المشهد دا انا عرفاه كويس وعرفه ايه الا هيحصل بعده
بصلي بدهشه وقالي انا مش فاهمه قصدك ايه
داليدا يعني انا عارفه بعد ماتخلع جاكت بدلتك و تخلع قميصك ايه الا هيحصل
ضحك بمرح وقالي ايه الا هيحصل
داليدا هتتهجم عليا طبعا
بصلي بعمق وفضل يضحك بطريقه فوق كلمة رائعه ومش هنكر ان ضحكته دي خطفت قلبي وشكله كان حلو اوي ولقيته بيقولي وهو بيضحك انتي شكلك بتقري روايات وبتتفرجي علي مسلسلات كتير قولتله اومال انت كنت هتعمل ايه ضحك تاني وقالي ماكنتش هعمل حاجه انا بغير هدومي عادي
كنت حسه انه فعلا مش هيعمل حاجه من الا جت في بالي بس برضه انا مش فاهمه هو بيعمل ايه هنا وعشان كدا سألته تاني
داليدا انا مش فاهمه حاجه مش انت خطيب بنت عمي هو انت بتعمل ايه هنا وانا ليه حسه ان انا عايشه في حلم وكل دا مش حقيقي
بصلي بنظره غريبه قوى وقالي بصوت ړعب قلبي
كل حاجه قدامك هنا حقيقيه الا حاجه واحده هي الا مش حقيقيه
بصتله وانا منتظره اعرف ايه الحاجه الا مش حقيقيه ولقيته بيقول بطريق غريبه
انا الحاجه اللي مش حقيقيه بقلمي ملك إبراهيم
يتبع
الحلقة_الثانية
الجمال_جمال_الروح
بقلمي_ملك_إبراهيم 
بصلي بنظره غريبه قوى وقالي بصوت ړعب قلبي
كل حاجه قدامك هنا حقيقيه الا حاجه واحده هي الا مش حقيقيه
بصتله وانا منتظره اعرف ايه الحاجه الا مش حقيقيه ولقيته بيقول بطريق غريبه
انا الحاجه اللي مش حقيقيه
هو قال
ايه يعني ايه هو مش حقيقي بجد خوفني وبعدت عنه وقولتله