ملكت قلبي

وجمبه عصير مانجا 
ملك تبتسم وتقول ع قد ما انت غريب وتصرفاتك أغرب بس فيك حاجة حلوة كدا معرفش ايه هي 
ياله المهم الأكل 
دا طلع بيعرف يطبخ كمان واو انا كبهير اتبهرت دا أنا معرفش أعمل أكل كدا 
أكلت ملك ودخلت الأوضة فضلت قافلة ع نفسها لحد ما أهلهم إيجوا وطلعوا رحبوا بيهم هما الإتنين وكانوا بيمثلوا أنهم مبسوطين جداا مع بعض لحد ما مشيوا ودخلت ملك تانى أوضتها وقفلت ع نفسها
بالليل
ملك تخرج من الأوضة وباين عليها الزهق 
وتبص ع تميم تلاقيه بيتكلم في الفون 
تميم أنا عارف أني زودتها عليكى والله والمفروض انى مش اسيبك لوحدك بس ڠصب عني 
ملك لنفسها ڠصب عني وأسيبك لوحدك !! 
انا قاعدة أبجورة جمبه بقي 
تميم أكيد هي وحشتني اووى ياريت كنت جبتها معايا ع الاقل كنا هنتسلي مع بعض بدل الزهق دا 
ملك و تعبيرات الدهشة على وشها لأ دا انا مش حصلت أبجورة دا طلعت إريل بقي قال تسليك قال
تميم أول ما أوصل لازم هي أول حاجة أشوفها هي فين صحيح مش سامع صوتها 
ملك بتلقائية وصوت عالي تميم ينخض اول ما سمعها فيه ايه حضرتك مش ملاحظ انك مزودها شوية
تميم بستغراب طيب هكلمك تاني ي لين سلام
ملك بتريقة هكلمك تاني ي لين سلام نينينيني
تميم يضحك من طريقة كلامها ويقولها
مالك فيكى أيه !
ملك زهجت خلاص من سجن القناطر إلا موجودة فيه دا 
تميم مش أنتي إلا حبسة نفسك في الأوضة!! 
مش جيتى قاعدتى معايا ليه 
ملك هو انا بقولك عاوزة أعلي ضغطي ومش عارفه
تميم قصدك أن القاعدة معايا بتعلي الضغط يعنى !!
ملك لأ القاعدة مع لين هي إلا بتجيب السعادة 
تميم وأنتي مالك ومال لين !!
ملك هو حد جاب سيرتها دى انت بتتلكك ولا ايه 
تميم انا برضو !! طيب خلاص هى اصلا ممكن تيجى تبارك لينا بعدين نفسها تشوفك اووى
ملك شافتها عقربة انا مش عاوزة أشوف حد أنا
تميم أنتي عاوزة ايه بالظبط !!
ملك عاوزة أعرف أيه نهاية الجواز دا 
تميم والله يبنتى ما أنا عارف أدينا عايشين
ملك تبصله بقوة ممكن تسيب إلا في إيدك دا وتفهمني انت اتجوزتنى ليه !!
تميم هتعرفي في الوقت المناسب
ملك أنت ليه بتتهرب من السؤال دا 
وبرضو توهت عنه في المستشفي 
وپصدمة لأ معقولة متجوزني علشان ټنتقم مني !!
هو انت أخويا من أب وأم تانيين وبابا حرمك من الميراث وجاي ټنتقم مني!!!
تميم نعمم !!
ملك لأ لأ انت مش شكلنا أكيد مش أخويا 
طيب بابا كان مشارك أبوك وأبوك غدر بيه وانت جاي تصلح غلطته!!
تميم أنتي بتقولي ايه!
ملك حيرتنى معاك ما تقول ي عم اتجوزتني ليه !!
تميم يكمل شغل في اللاب ويقول بعدم إهتمام علشان أنا إلا كسبت الرهان مش هو 
ملك پصدمة أييه!!!
يتبع 
ملك حيرتنى معاك ما تقول ي عم اتجوزتني ليه !!
تميم يكمل شغل في اللاب ويقول بعدم إهتمام علشان أنا إلا كسبت مش هو 
ملك پصدمة أييه!!! هو أيه انا إلا كسبت !
تميم أيوا مش انتى اتحدتينى انه هييجى وهيتقدملك وكنتي واثقة فيه اووى 
ملك قصدك ايه مش فاهمة 
تميم يقفل اللاب ويبصلها قصدى ان هو مش بيحبك 
ولو كان بيحبك بجد كان جه ووقف قدام الكل علشان يتقدملك ومش يخسرك 
ممكن تقوليلي ايه الدليل ع حبه ليكى ! 
شوية خروجات وهدايا وكلام حلو!!
ملك تحس بالانكسار من كلامه اوى ع قد ما كان قاسې بكلامه عليها ع قد ما كانت دى الحقيقة إلا عمرها ما وجهت نفسها بيها 
و بتحاول تسيطر على نفسها من العياط وتقوله 
يعنى هو لو كان جه كنت هتسبنى ليه ومش هتقول لبابا حاجة ولا اني كنت اعرفه قبل كدا 
تميم دا انا كنت ساعدته كمان في أى مشاكل ممكن تقابله علشان تكونوا مع بعض بس هو مش يستاهلك
ملك وانت كنت هتعمل كل دا ليه !
تميم مش كل حاجة لازم نعرفها 
ملك أنت ليه دايما محسسنى انى عايشة مع حد غامض وأنك متعمد تعمل كدا !! 
انت مين !!
تميم يرجع راسه ع الكرسي ويقول تانى السؤال دا 
ملك انا مش بهزر انا عاوزة أفهم 
بس انا خلاص عرفت كل حاجة 
تميم يرفع رأسه نحيتها بستغراب عرفتى إيه !
ملك أنت بتحبنى من زمان ومراقبنى وبتكتبلي جوابات بس بتتكسف تبعتهالي ورسملي صورة عندك في أوضك وكل يوم تقولي صباح الخير اول ما تصحي ولما عرفت انى هتجوز حد تانى جيت اتقدمتلي صح 
تميم ينفجر في الضحك من كلامها وتعبيرات وشها وهى بتتكلم ويقول والله أنتى عسل وخسارة فيه أساسا 
أنتى لو كنتى سألتى عليا او حاولتى تعرفي أنا مين كنتى هتعرفي أنى مش مستقر في مصر اصلا 
انا عايش في دبي مقر شركاتى كلها هناك انا وشريكى 
بس أهلي كلهم هنا علشان كدا كنت قولتلك أننا شهرين وهنسافر وهنيجى أجازات 
ملك واو أنت عندك شركات وعربيات وموظفين وعمو محمد بيجبلك القهوة كل يوم ع مكتبك !
تميم عمو محمد مين !
ملك ايه هو فيه شركة مش فيها عمو محمد الراجل الكبير الطيب دا إلا عارف كل بلاوي الشركة وفي الاخر وهو بېموت بيبلغ عنكم علشان يريح ضميره !!
تميم يدمع من كتر الضحك ويقول وربنا أنتي رهيبة بقالي كتير مضحكتش من قلبي 
ملك أنت بتتريق عليا صح !!
وبعدين رجل أعمال ايه وشركات ايه
شكلك ميجيش
النوع دا خالص 
تميم هو ايه شكلي ميجيش النوع دا لمؤاخذة يعنى!!
ملك انا اعرف رجال الأعمال دول ليهم فلل وعربيات ودايما بيلبسوا بدلة وكرفتة كدا مش تيشرتات وقمصان
تميم ملك ي حببتى أنتي شكلك متأثرة اووى بالأفلام القديمة انا بحب البساطة عندى القدرة أجيب فيلا وبدل العربية أتنين وتلاتة بس دا كله ملوش لازمة انا قولتلك أنى مش مستقر هنا 
ملك ياعم روح دا انت مكلفتش نفسك تعزمني ع لوليتا حتي من يوم ما عرفتك 
تميم يبصلها بنظرة ثقة في النفس ويقول مش عاوز أبهرك بقدراتي علشان أنتي متعرفنيش 
ملك شش اخرك هاتو 
تميم يقف قدامها وبنظرة تحدي تقبلي تدخلينى حياتك لمدة ٢٤ ساعة بس 
ملك بستغراب ناوي ع ايه!
تميم هوريكي قدراتى 
ملك تبتسم وتقول ماشي احسن من الزهق إلا احنا فيه دا 
تميم طيب قومى ألبسي بقي علشان هنخرج 
ملك هنروح فين !!
تميم انهاردة مفيش أساله خليكى معايا بس وهتشوفي 
ملك اما نشوف أخرتها معاك 
تدخل ملك الأوضة تلبس وتميم عمل شوية مكالمات كدا وجهز هو كمان وطلع 
تميم ايه دا كله بتلبسي !!
ملك خلاص جاية اهو انت لحقت خلصت
تميم احنا في عصر السرعة ي هانم انتو إلا متأثرين بعمر دياب اوى وقدام مرايتها والعطلة دى 
ملك تخرج وهي بتضحك من كلامه وتقول خلاص خلصت 
تميم ينبهر بملك وهي لابسة فستان رقيق اووى وحطه ميكب اب بسيط وشنطة صغيرة لون الحلق إلا لبساه 
كانت قمر اووى 
تميم ايه دا هو فيه كدا !!
ملك تبتسم بخجل ما انت كمان طلع ليك في البدل اهو 
تميم اه علشان تعرفي ان وقت ما بنفكر ننضف بننضف برضو 
ملك تضحك طيب مش ياله بينا بقي 
صحيح انت هتودينى ع فين !
تميم لأ دى بتاعتى انا بقي
ويمد تميم إيده ليها ويقولها ياله بينا 
ملك تمسك إيده ياله 
ينزلوا ويركبوا العربية وطول الطريق ساكتين 
وفجأة يقطع السكوت دا صوت ملك
ملك ساكت ليه بتفكر فيها 
تميم بستغراب قصدك مين!
ملك إلا وحشتك وكان نفسك تبقي معاك علشان تسليك 
تميم يضحك ويقول عندك حق جيسي فعلا وحشتنى اووى كان نفسي اجيبها معايا مصر بس اهلي مش بيحبوها علشان أجنبية وكدا 
ملك وحش لما يلهفق أنت وهي 
تميم بتقولي حاجة!!
ملك ما بقولش بس ياريت نحترم نفسنا شوية علشان مش أقلب العربية في النيل إلا جمبنا دا وتبقي تقابلها في جهنم بقي ان شاء الله 
تميم لنفسه ايه الولية دي!! اللهم أحفظنا 
وفجأة يقف تميم 
ملك ايه وقفت ليه !
تميم وصلنا ياله انزلي 
ملك وصلنا فين ايه ي عم المليونير أخرتها هنقعد ع الكورنيش لأ بجد مبهورة من التبزير دا
تميم ما تفصلي شوية علشان اعرف أبهرك بجد 
ملك طيب ياله اما نشوف أخرتها معاك
ينزل تميم وملك ويمشوا ع الكورنيش شوية لعند ما يوصلوا عن يخت كبير 
تميم ياله ادخلي 
ملك تبص ع منظر اليخت من برا تلاقيه كبير اووى وترجع تبص لتميم 
ملك أدخل فين !! 
تميم يمسك إيديها وياخدها ويدخلوا وهى لسه مصډومة ومش مصدقة انهم هيسهروا في اليخت الواو دا 
اول ما يدخلوا ملك تلاقي كل إلا موجودين وقفين صفين بيرحبوا بيهم وطلعوا ع اخر دور في اليخت
لتتفاجئ ملك بتربيزة وشموع وكل أنواع السمك موجودة ع التربيزة 
تميم اتفضلي أقعدي
ملك بدهشة من كل إلا حوليها هو احنا جايين هنا ليه !!
تميم علشان نتعشى ياله اقعدى 
ملك أنت عاوز تقنعنى انك معاك حق إيجار اليخت دا
تميم يضحك ملك اليخت
دا بتاعي بستخدمه 
في شغلي يعنى 
ملك أنت شغال حرامى صح !!
تميم حرامي !! هي حصلت حرامي 
انا بقول تقعدي تاكلي وانتى ساكتة بدل ما ارميكى من اليخت دا في الميه 
ملك أيوا خلاص فهمت انت بتشتغل في سرقه الأعضاء بيقولوا بتكسب كويس 
تميم ما اخرسي بقي خلينا نتعشي ويمسك تميم كوباية ميه وبيشرب
ملك متزعقش كدا 
وتبص ع الاكل وتقول بقولك ايه انا مش معايا فلوس هدبسنى في حق الاكل دا انا معرفكش وهقول خطفنى 
تميم يشرق ويفضل يكح لما ضحك من كلامها وهو بيشرب 
تجري ملك عليه پخوف أنت كويس !! رجع ضهرك لورا وتنفس 
تميم يبصلها وهو مستغرب من اهتمامها ليه 
ملك تلاحظ دا فتبعد عنه وتقول انا خفت ټموت بس وفي الاخر أدبس انا في فلوس الاكل يعنى 
تميم بقي كدا 
ملك ياله ناكل انت رغاي اووى 
يتعشي ملك وتميم ع ضوء القمر والشموع وموسيقي هادية ويخلصوا سهرتهم ويروحوا
ملك انا متشكرة أووى ع الخروجة دى
تميم دا انا إلا بتشكرك ع الوقت دا بقالي كتير مش غيرت جو ولا خرجت من اخر كنت مع لين وجيسي 
ملك تبرقله جامد وبصوت كله غيظ أدخل نام ي تميم بدل ما اخليك تطفح الاكل إلا لسه معدتك متهنتش بيه دا 
تميم بتوتر انا بقول ادخل انام أحسن برضو
بعد أسبوع
فون ملك يرن 
ملك ألوو 
تميم ملك معلشي ممكن أطلب منك طلب 
ملك معلشي وممكن !! خير ان شاء الله
تميم خشي اوضتى هتلاقي أجندة موجود فيها أرقام 
طلعيلي رقم مطعم S S وأدهولي 
ملك هو انا علشان قبلت عزومتك مرة هتاخد على كدا ولا ايه مين قالك انى هوافق اتغدي معاك هناك !!
تميم ثانية ي جماعة نفهم 
هو انا قولتلك انى هروح انا وانتي اصلا !!
ملك أحم ايه الاحراج دا 
امال رايح مع مين ان شاء الله 
تميم لين وجيسي وصلوا انهاردة من دبي فقولت لازم اعزمهم ع الغدا فبما انك

مبتعرفيش تطبخى هاخدهم في مطعم وخلاص 
ملك بعصبية وغيظ و تقبض على إيدها بقوة وليه ي حبيبي تروحوا مطعم مهما كانوا دول ضيوف 
هاتهم ع البيت وانا هرحب بيهم