بقلم ريهام الفقي

خدي بالك.
_ما أنا عارفة يا حبيبي إنت هتقولي.
_حبيبة قلبي.
خلصنا وكان العصر أذن طلبت منه يروح يصلي في المسجد لكن موافقش.
_انزل صلي إنت في المسجد يا حبيبي وأنا هصلي هنا.
_لأ هصلي بيك مش حابب اسيبك النهاردة.
_يديمك ليا كان واحشني تصلي بيا زي زمان وصوتك في القرآن وحشني.
_هصلي بيك كل يوم وهقرألك قرآن قبل ما تنامي كمان مرضية كده
_جدا جدا.
_أنا عيوني ليك المهم تكوني مبسوطة.
_طالما إنت موجود فأنا مبسوطة يلا عشان نتوضى ونصلي عشان أعرف المفاجأة.
_يلا يا عيوني.
_تقبل الله يا ميزو.
_اللهم آمين منا ومنكم يا رب عايزك بقى تعملي صنية كيكة بالشوكولاته من إيديك الحلوين دول.
_عيوني بس فين المفاجأة برضو
_متستعجليش على رزقك الاه!
_ماشي يا حمزة ماشي.
_هتعجبك والله يا قلب حمزة اعملي بس زي ما قولتلك يلا.
_عنيا حاضر.
_أحبك وإنت مطيع.
_حبيبي.
دخلت المطبخ وبدأت اجهز طلبات الكيكة واعملها وحمزة قالي ما أخرجش غير لما يقولي!
بجد والله أنا محپوسة هنا ولا إيه! أنا لا أسمح بهذا على فكرة بس كله يهون لأجل المفاجأة برضو.
_خديجة خلصتي
_اه يا حبيبي خلصت أجي بقى ولا إيه أنا زهقت!
_قطعي الكيكة وهتايها معاك يلا مستنيك.
_حاضر.
قطعت الكيكة وخرجت وهنا كانت الصدمة يا عزيزي إيه ده! بجد والله! اللي أنا شيفاه ده حقيقي.
_حمزة ده بجد
_اه بجد أول صورة أص تعالي يلا بسرعة حطي الكيكة هنا أيوه برافو في دريس لطيف جيبتهولك هتلاقيه على السرير البسيه وتعالي.
_يا حمزة حاسه إني بحلم إنت بجد
ضحك وهو بيرد عليا
_مش وقته الله يرضى عنك استوعبي براحتك بعدين يلا.
_حاضر.
دخلت الأوضة أشوف الدريس اللي هو بيقول عليه ده إيه ده!! ده شبه اللي في الصورة اللي كنت بوريهاله من فترة! يا عمري هو لسه فاكر
يا جماعة ما الجواز طلع حلو أهو أمال إيه بقى.
_يلا يا ديجا بسرعة إيه ده كله.
_خلاص خلصت أهو.
_والله بلال راجح مغلطش لما قال مازلت أندهش عند رؤيتك رغم مجيئك ألف مرة بذات الملامح.!
إيه الجمال والحلاوة دي كلها
_دول عيونك والله الفستان يجنن بجد مش عارفة أقولك إيه!
_متقوليش حاجة الفرحة اللي شايفها في عيونك دي بالدنيا والله.
_الله لا يحرمني منك يا حمزة أنا بحبك أوي بجد.
_أكتر أكتر يلا عشان نلحق سهرتنا اللطيفة
_يلا وإيه ده ويت كده إنت عامل ماتشينج معايا!
_صباح الجمال إنت لسه واخده بالك.
_اتلهيت في الفستان ومركزتش شكله يخطف العقل تحفه بجد.
_طب والقلب مش هيتخطف هو كمان ولا إيه.
_ده إنت خاطفه من زمان.
_زيك كده.
_نور عيني.
خرجنا ونسيت أقولكم إيه اللي في القاعدة صح تعالوا أقولكم 
كان في ساندويتشين كريب وتسالي كتير لب وفشار وسوداني ومقرمشات وحاجات من دي والكيكة اللي عملتها وعصير فراولة ومزين المكان بورد أحمر والضوء هادي ومشغل كرتون بيتر بان وه! حمزة هيسمع كرتون.
_ميزو إنت هتسمع كرتون
_لأجل عيونك مش إنت بتحبيه
_جدا ودي هتكون أجمل مرة اسمع فيها