اسكربت بقلم سمية أحمد

واهدأ شوية أفتكرت لما قعدت الصبح وقرأت آية وقتها أستوقفتني فلا تعلم نفس ما أخفي لهم من قرة أعين معني قرة أعين هو الدمع البارد الذي يخرج ويفيض من العين مع شدة الفرح وقتها أتمنيت إني أعيش الشعور ده سبحان الله سبحان الخالق في نفس اليوم دعوتي تتحقق  
 جريت الأيام بسرعة زي الريح بظبط طول الأيام دي مكنتش مصدقة حاسة نفسي في حلم حلم جميل اوي حلم كلو آمان وأمل حلم أتمني يفضل موجود علطول والجميل من يوم ما نور حياتي وأنا عمري كلو جميل وحياتي جميلة والحب جميل حتي أنا من يوم ما حبيت أحلويت وبقيت جميلة والجميل مش داري بحالي وأنا هنا قاعدة بعد الثواني بعد الثواني علشان هشوفه كمان دقايق الثواني بتخلص والأرقام ملهاش نهاية وهو لسه مجاش ويبخت باللي هينولو قلبي وهشتوفه عيني  
وقفت قدام المرآية وأنا بفرك إيدي بتوتر دقات قلبي كانت أسرع من الريح كنت حاسة قلبي وعقلي هيقف من كتر التفكير كنت لابسة فستان أبيض بسيط أوي من عند الخصر نازل واسع ودراع الفستان كان شفاف فردت شعري ولابست هيلز لونها أبيض حطيت كحل أسود وروچ أحمر مكترتش حبيت يشوفني أول مرة واكون علي طبيعتي أكون بسيطة أوي مفيش شيء يدعو للتصنع لإننا هنبقي مع بعض علي المره قبل الحلوه  
نزلت ولبستني أم عمران الشبكة كان البيت مزتحم أوي علي عكس العادة كان مفيش غير بنات آما الرجالة ليهم مكانهم الخاص بيهم لكن البيت كان مليان فرح وسعادة وضحك وحب وآمان كل واحد بيبص للتاني وعيونه تفيض من الحنية والحب العيلة حلوة حلو الؤنس حلو جيش الإنسان الأول حلو المكان اللي حسسنا إننا نتحب رغم رفض العالم الخارجي لينا  
دخلت الأوضة الخاصة بالضيوف بعد ما نوعا ما الناس مشيت وعادة من عادات المملكة إن العريس بعد ما العروسة تفرح مع أهلها واهله بيدخل يشوفها ويتعرفوا علي بعض سوا وكده كده بيبقي مكتوب كتابهم وإلا مكنتش هتتكشف عليه  
كنت قاعدة بحرك في الدبلة وبلعب فيها وأنا مبتسمة معقولة الدبلة دي هيا الرابط القوي بيني أنا وعمران شعور جميل أووي شعور عامل زي السحر كده شعور مستحيل يتوصف ولا هتعرف تعبر عنه من كتر ما هو جميل شعور إن دبلة الشخص اللي بتحبه وبتتمناه بقالك سنين تبقي محاوطة صابعك ومكتوب عليها أسمه  
سمعت صوت مكنش في الحسبان نهائي معرفش دخل أمتي ولا قعد قصادي أمتي انا معرفش هو بقي قاعد أقصادي ازاي  
مكنش كتير عليك الحړب دي كلها كنت ومازالتي تستاهلي أحاول علشانك لأخر نفس في عمري 
نزلت رأسي والأبتسامة محفورة علي وشي فضلنا ساكتين شوية مكنتش قادرة أرفع عيوني وأبص عليه آما هو كان باصص عليا بطريقة وتوترتني فوق ما أنا متوترة قررت أكسر حاجز الصمت وأتكلمت بمنتهاء الغباء 
هما بيقولوا اي في أول مقابلة!!! 
ضحكة ومسك إيدي اللي كانت مشبوكة في بعض أترعشت إيدي بتوتر لما لامست كفوف إيده دفء إيده كان حب جديد قال والأبتسامة لازالت مرسومة علي وشه 
هما مين  
بصيت عليه وأول مرة عيونه تقابل عيوني لأول مرة أحس إني لقيت وطني عيونه كانت الوطن اللي أرغمتني ڠصب عني ألجي إليها  
يعني بيقولوا أي في أول قعدة  
حط إيده التانية علي إيدي وهو بيطبط عليها بقيت إيدي بين كفوفه أبتسم وقال 
مش بيقولوا حاجة بنسيب العيون تتكلم بيفضلو
ساكتين بس كل واحد عارف التاني مخبي عليه إيه مبيكنش مستوعب اللحظة اللي بقي فيها و وصلها من وحشة الطريقة ومشقته علشان يوصل للحبيب بيأخد هدنة هدنة بأنه يقنع عقله إنه أخيرا وصل بعد طريق مليان من المشقة والتعب  
ضحكت علي كلامه همست بيني وبين نفسي بكلمة واحدة كلمة واحد لكنها كانت حياة بالنسبالي المحب يصل حتما ولا بد لو أراد القدر وربنا هيصل مدام المحب كان عاشق ولهان لا بد بإنه يصل مفيش إنسان بيحب وهيبعد من أول ضړبة رغما عني وعن أنف قبيلتي وعائلتي وصل عمران وبقيت علي أسمه رغم أنف الجميع لو اراد الله شيء لكان في وقته أسرع من سرعة البرق ولكن لذة الوصول كانت جميلة بطريقة لا توصف بعد طريق مليان وحشة و وحدة و مشقة كان الوصول طوق نجأة حياة تانية بعد فقدان الأمل الحب زي السحر قادر يخليك زي النجمة بتلمع وتنور وقادر يطفيك زي سواد الليل اللي ملوش ملامح ولا معالم  
كنت بكلم نفسي والأبتسامة ظهرت من غير ما أخد بالي نسيت وجوده ونسيت نفسي وقتها سمعته وهو بيقول  
جميلة أوي جميلة لدرجة إنك لما بتظهري القمر بيبهت  
ضحكتي أتسعت أكتر 
بجد أنت شايفني جميلة 
ضغط علي إيدي وقال بتأكيد
طبعا لدرجة أن لأول مرة في حياتي أندم إني 
طلعت مهندس مش رسام عشان أرسمك !
وست الحسن في الآخر بقت من نصيب الشاطر الشاطر اللي حارب الكل علشان عيونها  
 
حكايات سام  
سمية أحمد