قصه ابني حبيبي كامله بقلم رحمة محمد

وقفل وراه بسرعه وهو مش قادر ياخد نفسه
كانت بتخبط علي الباب
مفكر كده مش هوصلك يعني افتح يالا الباب ده
كان صوت عياطه بس اللي واصل لها
افتح يامعاذ
جري علي الكوميدينو وشاف تليفون ابوه
فتحه وكان بيدور علي رقم امه وقلبه نبضه سريع من الخۏف
بدء الفون يرن
بيرن حازم عليا احنا مش بينا حاجه عشان يرن
مش هرد
فضل الفون يرن كتير
فتحته بعصبيه
اوف بقي في اي بترن عليا ليه انا متجوزه
ماما
قلبها اتنفض
معاذ حبيبي صوتك ماله انت معيط
اتكلم بعياط وخوف
اللحقيني ونبي ياماما طنط ھتموتي 
ايه
اااااه مش قادر انا تعبت
عيطت
اقفل انا جايه استخبي في حته عقبال مااجي

لبست اول عبايه جت في ايدي وحمدت ربنا انو تالا نايمه ونزلت جري خدت اول تاكسي وطلعت علي البيت هناك
كان قلبي بيولع نارررر
خبطت علي الباب لدرجه انو كان هيتكسر من رزعي
اول مافتحت
في اي
شد تها وقفلت الباب
بتضر بي ابني 
اتكلمت بزعيق
محدش قالك تسيبي ابنك لغيرك يربيه
معاذ انت فين انا جيت ياقلب امك
فتح الباب ودموعه علي خدوته 
سبتها وجريت عليه بقيت بشم في ريحته وبحضنه
وبتكلم بعياط معاذ انت كويس
كان بيبعد ايدي عنه
ضهري ياماما 
رفعت التيشرت بتاعه
ضهره كان متعور 
بصتلها بغل وقومت جري 
وكعبلتها ووقعت في الارض 
ياحيوانه
مصعبش عليكي لو عندك ابن هترضي يتعمل فيه كده
كانت بتصرخ بكل مافيها
باب الشقه فتح
يانهار اسود في اي
اتكلمت وانا بنهج من تعب ايدي
الهانم اللي مرميه ديه كانت بتض رب معاذ
وريته ضهر معاذ
انا هاخد ابني ياحازم وحسك عينك تيجي تسال عليه 
شلت ابني وروحت البيت
اول ماجيه محمود
وقفت وقولتله كل اللي حصل
وقولتله
اسمع يامحمود ابني يااما هيعيش معايا هنا يااما تطلقني
ابتسمت بو جع ايوه طلقني
قالي انا خاېف علي بنتي
طبعا اصلا جوازنا كان صالونات ف كنت متوقعه انو عادي يفرط فيا
بس قالي قبل مايرمي عليا يمين الطلاق
فكري يااصاله بالعقل لوطلقتك دلوقتي الناس هتاكل وشك هتتطلقي بعد جوازك بشهرين سمعتك هتبقي في الارض وهتعنسي وهتفضلي وحيده
اتكلمت بجمود
انا غلطت وندمت واستحاله اغلط تاني واسيب ابني زي ماانت بتحب بنتك ومش قادر تفرط فيها انا كمان مش هقدر افرط في ابني مره تانيه
طلقني لمېت هدومي مكنش صعبان عليا غير تالا اللي انا اتعلقت بيها وهي كمان
اتكلمت بدموع
ماما اصاله
انتي هتمشي
حضنتها
اه ياتالا ياحبيبتي
اسمعي ياقلب ماما اصاله اشربي اللبن وكلي الاكل بتاعك وروحي الحضانه
حضنتني بقوه وبعد كده شالها محمود
وانا شلت معاذ ومسكت الشنطه بتاعتي في ايدي
محمود ورقه طلاقي توصلي علي المكان اللي هقولك عليه
وبالله عليك لو اتجوزت تاني اختار واحده تراعي ربنا في تالا
هز راسه وباس تالا وشد علي حضنها جامد
واكنه بيقول انو بنته في عينه
روحت اجرت شقه صغيره ليا انا ومعاذ واعتذرتله علي كل حاجه حصلت وقولتله اني هكون معاه ديما وعمري ماهسيبه وهعوضه عن كل حاجه وانو يديني فرصه تانيه
في يوم
كنت بقلب في الجروبات لقيت بوست مكتوب فيه
انا مطلقه وعندي ابن والشخص اللي هتجوزه مش راضي
يخليني اخد ابني يعيش معايا وعاوزني اربيله بنته وابني ارميه عند امي او في دار ايتام اعمل اي 
افتكرت كل اللي حصل وكتبتلها
سيبي الشخص ده فورا ده اختيار غلط ابنك اهم من كل حاجه اوعي تسيبه مهما كان بالله عليكي متغلطيش نفس غلطتي ابنك هو هيكون سندك اوعي ترمي ابنك عشان خاطر حد هو مش ذمبه انو انتي وابوه مش نافعين لبعض للاسف هو هيبقي الوحيد اللي مضرر لانو كل واحد هيعيش حياته وهو اللي هيبقي اتظلم ربي ابنك لو عاوزه تتجوزي اختاري شخص يكون شاريكي وشاري ابنك وبيحبكم من قلبه
ادعيلي انو ابني يسامحني من كل قلبه 
بصيت علي ابني اللي كان نايم علي رجلي وبوست راسه
واتنهدت براحه
تمت