اسكربت بقلم سمية احمد

وضربها قلم قدام الكل مسك رودي وأعتذر ومشي.
_ساكتين ليه!!
أبتسمت طنط سعدية وراحت راقعة زغروطة ممتزجة بضحك قالت بضحكة 
_كان معاه حق عز لما قال الملكة بجلالة نفسها هتظهر الحقيقة.
قرب مني خالو وقال وهو بيبوس جبيني 
_كان معايا حق لما قولت طول ما سمية عايشة يبقي العيلة في أمان أنا فخور بيك.
_بت أنت وهيا أبعدو عن جوزي.
ضحكنا وبعدنا عنه أصل سعدية قناصة مهارة عليها حدفة شبشب مش بيجي غير في نص الوش.
فات شهر من وقت اللي حصل رجعوا عز وهبة لبعض سوا أما عمران تاني يوم سافر علشان شغله لبست الأسدال ونزلت أقعد مع سوسو القمر أما ريما و رؤي وهبة نزلوا يتمشوا سوا.
خبطت علي بابها وأنا بطبل وللأسف الشديد اللي فتح عمران باين رجع من السفر قولت پصدمة 
_أي ده أنت رجعت.
أبتسم وقال بإستفزاز 
_لا لسه هناك قريني اللي بيكلمك. 
أتفضلي أدخلي.
قولت وأنا بحاول أتهرب 
_لا بقا مرة تانية نفسي أتسدت هبقي أجي وقت تاني أقعد مع سوسو عن أذنك.
لفيت علشان أمشي نده عليا وقال 
_سمية ممكن نتكلم!
_الاه عمران بيه عايز يتكلم مع سمية ذات نفسه.
ضحك وقال بهزار 
_بشحمو ولحمو كمان أي رأيك ننزل نشرب حمص الشام ونتمشي سوا.
بصتلو من تحت لفوق وقولت بنبرة ثعبانية 
_بشرط سعدية تنزل معانا.
بصلي بضيق وقال 
_بقولك اي تعالي أطفحي معانا شاي جوا.
دخلت وقعدت مع سوسو القمر معرفش القمر ده مخلف حيطة زي عمران أزاي بس نقول أي نصيب ولونو حيطة بس محبش قده قعدنا نتكلم في مواضيع عشوائية لحد ما قامت تشوف خالو دخل عمران من البلكونة وأنا قاعدة علي الموبيل ومش واخدة بالي.
_اللي واخد عقلي يتهني بيه.
رفعت عيوني وبصيت عليه 
_والله كان نفسي أقولك بفكر في مين بس سهير بتحكي موضوع مثير للأهتمام ومش فضيالك ولا فاضية للي واخد عقلي.
رفع حاجبه وقال 

_قومي خديني قلمين بالمرة هو مين الراجل ومين الست مش فاهم.
شربت رشفة من الشاي 

_أنت زي أخويا يا عمران.
رفع حاجبه وقال بحدة 
_ولما أقوم أكسرلك دماغك الحلوة دي.
ضيقت عيوني وقولت 
_وليه مش دماغك أنت اللي تتكسر يا عديم الذوق بقا في واحد يتقدم لواحدة ويعترف وهيا لابسة الأسدال ولابسة شبشب بواردة وبتشرب شاي حد قالك إني نقاشة وبتفق معاك هندهن لون الشقة أي.
ضحك بصوت عالي وقال 
_بصراحة أول مرة تقولي حاجة صح من كتر ما أنت بتشربي شاي بدأت أشك إنك نقاشة أو صنايعية.
قومت من مكاني وحطيت الكوباية علي التربيزة بعصبية 
_بس وأنت ضابط أيقاع مين الغبي اللي دخلك حربية ده.
مشيت وضحك بصوت عالي وقال 
_أستني بس الكلام أخد وعطا.
لفيت وقولت بعصبية 
_أخد وعطا بس مش معاك أنت يا بن سعدية.
ولا ما أنا عارفة أقول أي بس قررت أوفق علشان معنديش مرارة أحب من جديد وبعدين أبو قديمو ربنا يديمو وقفت جنبه بعد ما لبسنا الدبل وكتابنا الكتاب حقيقي ده أجمل أحساس أحسه في حياتي من كتر فرحتي أجنحتي لم تسع مساحة بيتنا.
قرب مني وهمس 
_ده باين العمر حن علينا وألتقينا.
_حد قالك إننا كنا تايهين ما أنا في خلقتك أربعة وعشرين ساعة بس أنت أعمي
باين.
مسك إيدي بين كفوفه وقتها حسيت وكإن أول مرة ألمس النجوم اللي يحس بدفء إيده مستحيل يفلت إيده منها.
غمز وهمس 
_كنت علطول بتسأليني أي أمنيتك يا عمران من وأحنا صغيرين. 
لأول مرة هعترف وأقولك إني لأول مرة ألمس أمنيتي الوحيدة.
ضميت إيدي علي إيده 
_صدق المعري لما قال
فإن يكن الزمان يريد معني 
فإنك ذلك المعنى والمراد.
حكايات_سام. 
سمية_أحمد.
روايات_واسكريبتات_مميزة.