بقلم ريهام الفقي

وشوية فشار على ما أحضر فيلم نسمعه.
_اللي يشوفك دلوقت وأنت عمال تصرف ميشوفش حمزة اللي كان متعصب على العيشة الغالية.
_يستي المهم أشوفك مبسوطة إنت عايزاني امشي واسيبك زعلانة كده يتحرق الشغل ألف مرة ولا دمعة من عيونك تنزل عشانه.
_خلاص يا ميزو مش زعلانة بس هو شهر واحد بس يا حمزة أكتر من كده هنكد عليك لحد ما أولد.
_لا يا قلبي كله إلا النكد هو شهر واحد بس بإذن الله.
_حيث كده بقى تعالى نشوف البيتزا دي بتقول إيه.
_طيب سيبي حتة ليا طيب يبنتي!
_أنا دلوقت باكل لفردين أكيد مش هاكل زي زمان
_أنا كده هبدأ أخاف على نفسي.
_بتقول حاجة يا حمزة
_ولا حاجة يا عمري بألف هنا على قلبك.
_الله يهنيك يا حبيبي قوم اعمل الفشار بقى.
_لا يا خديجة أنا قايلك إنت اللي هتعمليه.
_أيوه بس يا حبيبي غطي الحلة وسيبه يفرقع بقى.
_يفرقع!!
_سيبك إنت أكتر حاجة بتعجبني فيك ثباتك على المبدأ.
_الاه! ما أنا مرضيتش أزعلك.
_حبيبي كده كده هتشغلنا فيلم إيه
_إيه رأيك في Ratatouille
_واو بحبه مۏت.
_اشطات هروح أجهزه وأجهز القاعدة وهاتي الفيشو وتعالي.
_ماشي يا حبي.
after 30 minutes
_حمزة يلا ننام أنا تعبت.
_إحنا مبقالناش نص ساعة يا ديجا نوم إيه دلوقت
_مش قادرة أفتح عيني بجد.
_هو سي زين جاي بنوم ولا إيه!
_زين مين
_ابننا يا روحي.
_بعيدا إنه ممكن يكون بنت بس مين إختار زين
_كل اللي يرزقنا بيه ربنا جميل أنا اللي اخترته وحش
_لا بالعكس جميل بس اشمعنا زين يعني!
_عشان هو زين الرجال.
_زي أبوه يعني.
_هتغر كده خدي بالك.
_من حق الجميل يلا ننام بقى.
_تعالي يا ستي نامي على رجلي هنا عشان أنا مش جايلي نوم دلوقت.
_ومش جايلك نوم ليه يا سي حمزة عاوزني أنام عشان تخوني صح.
_أخونك إيه يا مچنونة إنت بقولك إيه هرمونات الحمل دي مش عليا وإلا.
_هتعمل إيه يعني
_ولا حاجة هاخدك ونقوم ننام.
_وأنا ميرضنيش تنام ڠصب عنك بس أنا لو نمت هنا مين هيدخلني جوه
_أنا هشيلك يا ست متشليش هم إنت بس نامي وارتاحي.
_طيب يا حبيبي تصبح على خير.
_وإنت من أهل الخير يا بسكوته.
_ريهام الفقي.