مهمة_اوقعتنى_فى_حبها بقلم_نشوه_عادل

وان مفيش راجل فيهم يقدر يواجهنى وش لوش وانا مقصرتش 
سلطان انا عارف كويس اوى انك مقصرتش بس دى بنتى الوحيدة 
عمار وانا وعدتك ولسه عند وعدى اطمن 
سلطان ماشى ي ابنى لو حصل اى حاجة ياريت تعرفنى وحط عينك وسط راسك 
عمار ان شاء الله متقلقش حضرتك 
اغلق سلطان الهاتف واعطى الهاتف لتاج اللى سألت بحمحمة هو ..هو انت اتعلمت تركى فين!
عمار وهو منتبه للطريق انا بعرف اتكلم ١٢ لغة ي انسة ومنها التركى 
تاج بانبهار وااااو اتعلمتهم ازاى!
عمار فيه اللى اتعلمته بالممارسة بحكم شغلى وانى بقعد ف البلاد دى فترة ومنهم اللى درسته كهواية 
تاج حلو اوى 
لاحظت تاج ان اميرة مش بتتحرك ورأسها پتنزف اه عمار الحق اميرة پتنزف وقاطعة النفس 
ادار عمار سيارته مسرعا واتجه الى اقرب مستشفى وقام الاطباء بتضميد الچرح وتطهيره وكان هاتف اميرة يدق برقم غريب منذ وقت طويل وهذا ما لاحظه عمار
عمار تليفونها بيرن بقاله فترة كبيرة ما تردى ي انسة جايز حد من اهلها ويكون قلقان عليها
تاج لا ده رقم غريب مش متسجل ومينفعش ارد عشان متضايقش 
بدأت اميرة تفيق بۏجع وساعدتها تاج كى تعتدل ... اميرة هو احنا فين وايه اللى حصل!
تاج اهدى تقريبا لما البنت زقتك ف الجيم واتخبطتى بالحيطة راسك اتفتحت واحنا مأخدناش بالنا 
اميرة طب هى مين دى اصلا وعاوزة ايه!
تاج مش عارفة ...صحيح ي عمار انت لما اخدتها قالتلك ايه!
عمار ابدا كانت عاوزة تتروشن عليكى مش اكتر 
دق هاتف اميرة مرة اخرى ....تاج فونك مش مبطل رن من ساعتها برقم غريب 
اميرة بتوتر واضح رقم غريب! وانتى عرفتى هو مين!
تاج لا مكنش ينفع ارد لما لقيته مش متسجل ردى يمكن حد مهم 
اميرة ها لا مش مهم ولا حاجة يمكن حد بيستظرف ولا حاجة 
تاج بضحك ايه ده حتى ف تركيا ف اشتغالات!
عمار طيب لو بقيتى كويسة ي انسة اميرة نروح عشان ترتاحى 
اميرة اه ياريت انا مش عاوزة افضل هنا 
قامت اميرة وساعدتها تاج لكن اميرة لم تستطع الوقوف ع ارجلها لذلك اقترب منها عمار وحملها وشعرت تاج بشعور ضيق غريب بل كانت غيرة واضحة ولا تعلم ما سببها نزل عمار ووضع اميرة ف السيارة برفق وصعدت تاج الى جانبها وعندما وصلوا للمنزل حملها أيضا وصعد الى غرفتها ووضعها برفق ع السرير 
عمار حمدالله ع سلامتك لو احتاجتوا حاجة اندهوا هطلع فورا 
خرج عمار وتبعته تاج حتى تتركها تستريح ورن هاتفها واجابت بضيق انت مچنون نازل رن رن رن افهم طالما مردتش يبقى فيا حاجة ي جاسر وووو
انت مچنون نازل رن رن رن افهم طالما مردتش يبقى فيا حاجة ي جاسر وكمان الفون مكنش معايا كان مع تاج افرض هى اللى ردت 
جاسر وحتى لو هى اللى ردت هتعرفنى منين وبعدين انتى كنتى فين وسايبة فونك ليه انا مش منبه عليكى لما ارن تردى ع طول 
اميرة كنت ف المستشفى ارتاحت 
جاسر ليه !
حكت له اميرة ما حدث بالصالة الرياضية واكملت من بعد البنت دى ما زقتنى وانا حسيت نفسى ف دنيا تانية 
جاسر تستاهلى عشان تدخلى ف اللى ملكيش فيه وتقفى قصاد الناس بتاعتى
اميرة پصدمة ايه....هو انت اللى كنت باعتها!
جاسر ايوة عندك مانع 
اميرة انت واحد حق ير وندل انت ازاى كده وليه بتعمل كده!
جاسر لمى لسانك ي قطة ومتنسيش انتى بتتكلمى مع مين وافتكرى كويس انا ممكن اعمل فيكى ايه!
اميرة بدموع حسبى الله ونعم الوكيل فيك ربنا ينتقم منك زى ما ضيعتنى
جاسر بضحك حلو استمرى بقى ع الاسطوانة دى المهم ي قطتى مهمتك ابتدت
اميرة مهمة ايه!
جاسر اللى انتى مع بنت سلطان دلوقتى عشانها 
أميرة وايه المطلوب منى بالظبط!
جاسر الحارس اللى عندك معطلنا ولازم نبعده عن طريقنا 
أميرة يعنى ايه تقصد ايه!
جاسر تموتيه 
اميرة پصدمة انت اكيد اټجننت رسمى انت عارف انت بتطلب منى اعمل ايه انا لا يمكن اقتل انا مش ژبالة ورخيصة زيك 
جاسر اسمعى بقى ي بنت الاسوانى ي تنفذى المطلوب منك ي اما الفيديو بتاعك هيكون ع المواقع اللى بالك فيها وبلينك صغنن هينتشر ع كل الصفحات وشاهد قبل الحذف بنت اشهر رجال الاعمال ف وضع مخل وبضغطة تانية هيكون عند ابوكى وانتى عارفة الباقى
اميرة بعياط ابوس ايدك متعملش كده بس ..بس ارجوك بلاش حوار القټل ده انا مش هقدر والله 
جاسر لا هتقدرى واطمنى هتكونى بعيد عن الشبهات لو سمعتى كلامى ونفذتيه 
بكت اميرة بشدة لكن الاخير لم يهتم لها وبدأ يسرد لها خطته الدنيئة واكمل بټهديد خلى بالك لو مسمعتش خبر حلو كده زيك ع بعد بكرة بالكتير انتى اللى هتزعلى باى ي قطتى 
انهى كلامه وبعدها اغلق الهاتف ف وجهها وظلت اميرة تبكى بحړقة وهى تتضرع الى الله ان ينقذها منه 
فى الاسفل عند عمار كان يمسك بهاتفه ويتصل ع احد زملائه الذى يعمل ضابط مباحث مصرى ويدعى منتصر 
منتصر عمار ي ابن الايه وحشنى ي ولا فينك محدش بيشوفك 
عمار مش موجود ف مصر ي صاحبى انا حاليا ف تركيا 
منتصر ايوة ي عم ي بختك ناس ف كل بلد شكل وناس طالع عينها مع المجرمين 
عمار بضحك ده ع اساس انى بتفسح ي حيلتها ما انا بشتغل ومعرض للمۏت ف اى لحظة 
منتصر ي عم ربنا ينجيك لشبابك انما ايه سر المكالمة دى اكيد مش بتسأل عليا يعنى!
عمار بضحك ي اخى بتحرجنى بمفهوميتك العالية دى بص اما هبعتلك رقم مصرى عايزك تعرف مين صاحبه 
منتصر بس كده ماشى ي اخويا سهلة ابعته واتس وانا هعرفلك وابعتلك 
عمار خلصانة ي صاحبى سلام
اغلق عمار هاتفه وارسل الرقم لصديقه ودخل الى الحمام لاخذ دش وتبديل ملابسه وبعد نصف ساعة وجد هاتفه يرن وكان صديقه منتصر
منتصر بص ي صاحبى الرقم مش متسجل بس انا عملت ليه تتبع وعرفت انه بتاع جاسر المنشاوى بس انت ايه علاقتك بيه!
نزلت تاج ف نفس التوقيت ووجدت الباب مفتوح فاقتربت بهدوء وسمعته يقول الناس دى ماڤيا وبيهددوا سلطان المهدى ببنته عشان كده انا هنا لحمايتها وطبعا هى متعرفش حاجة عن الموضوع لان ابوها محبش يخوفها 
منتصر نفسى امسك اى دليل عليه هو واخوه جلال بس مسندوين ي صاحبى من رتب اعلى هى اللى مقوياهم
عمار الكلام ده عندك هناك فى مصر لكن اوعدك يوم ما اقابلهم وش لوش هصفيهم انا ليا طار عندهم لسه مخلصش حتى بعد ما قټلت ابن جلال ف واحدة من المهمات لكن مش هيشفى غليلى غير راسه هو واخوه
منتصر ربنا معاك ي صاحبى المهم خلى بالك من نفسك ربنا يسترها عليك 
عمار ع الله شكرا ي مانو سلام ي صاحبى 
كانت تاج قد استمعت لكل شئ ومن صډمتها اثناء عودتها للخلف اوقعت المزهرية وانكسرت ولكنها جرت بسرعة وحين خرج عمار ورأى