حب لا يعرف لمستحيل بقلم نشوة عادل

عمى عشان خاطرك انت بس هكمل الجواز ده لكن ليا شروط 
ممدوح وانا موافق ع اى حاجة انت هتقولها مهما كانت 
أيمن اسمعنى بس ي عمى انا هتمم جوازى من بنتك ع الورق وكشكل قصاد الناس هتعيش ف شقتها لوحدها انا مش هكون معاها عاوز حضرتك تروح تقعد معاها تعين عليها حرس انا مليش فيه هى لا ليها عندى حقوق ولا واجبات تعدى ال ٦ شهور واطلقها رسمى وتشوف نصيبها بعيد عنى
ممدوح حقك ومحدش يقدر يقولك لا وانا عن نفسى موافق المهم انت مش ناوى تروح لابوك وامك 
أيمن لما يتقبلوا مراتى اللى انا اختارتها واللى بقت ع اسمى وام لابنى اللى ف السكة ويفهموا ان كرامتها من كرامتى هبقى ارجع ي عمى انا مش مشيت هما اللى طردونى وخيرونى بينهم وبينها ف الوقت اللى هى باعت الكل واشتريتنى وسابت كل حاجة ورا ضهرها وجاتلى كنت ارميها ف الشارع واطلع عيل 
ممدوح لا طبعا بس الموضوع عدى عليه وقت وخليك انت البار وابدء وروح زورهم محدش ضامن عمره ي ابنى
أيمن حاضر ي عمى ان شاء الله 
بعدها رن فون ايمن وكان صاحبه احمد وقال ايه ي صاحبى
احمد برن عليك بقالى فترة وفونك مش مجمع المهم جيبتلك الشقة اللى قولتلى عليها 
أيمن طيب هنزل واكلمك عشان الشبكة ...بعدها بص لعمه عن اذنك ي عمى عندى شغل هستأذن انا
نزل أيمن ورن ع احمد معليش ي صاحبى مكنتش عاوز اتكلم عشان كنت واقف مع عمى
احمد ولا يهمك انا خلصت ف الشقة والناس موافقين تعال عشان تمضى العقد بقى
أيمن طب فاضية ولا مفروشة
احمد لا مفروشة واطمن عفشها جديد لانج وبورقه كمان وحاجة كلاس واحسن من شقتك كمان 
أيمن ما عشان انا واثق ف زوقك بعتك مكانى حقك عليا تعبتك معايا
احمد بطل هبل ياض احنا اخوات مفيش بينا الكلام ده يلا متتأخرش
راح أيمن ع المكان ومضى عقد الشقة الجديدة وبعدها ركب عربيته وراح عند ريتال 
عند سلوى اللى كانت قاعدة ف اوضتها بټعيط وفونها رن وكانت امها ... سامية پغضب بقى كده ي ست سلوى بتبعينى وتصغرينى وانا اللى عملت كل ده عشانك انتى 
سلوى ي ماما افهمينى انا لو مكنتش عملت كده مكنش بابا عرف يأثر ع أيمن عشان يكمل جوازه منى 
سامية بتفاجئ ايه ده وهو وافق!
سلوى ايوة وافق انا كنت متأكدة ان الموضوع ده مش هيعدى كده اه ي نارى لو اعرف طريق اللى اسمها جمالات دى كنت شربت من ډمها
سامية بلا جمالات بلا زفت دلوقتى انا مش هسكت ابدا ع اللى حصلى بسبب الزفت اللى اسمه أيمن ده ولازم انتقم منه 
سلوى يادى النيلة تاااانى ناوية ع ايه بس ي ماما!
سامية هحرمه من السنيورة بس المرة دى من غير ما ابان نهائى وملناش دعوة 
سلوى ازاى بقى!
سامية انتى ناسية ان الست مراته هربت من اهلها وايه من الصعيد يعنى اكيد قالبين عليها الدنيا دلوقتى وانا بقى فاعل خير هيعرفهم عنوان بنتهم وهما كصعايدة عندهم التار ولا العاړ 
سلوى ي ماما بلاش وكفاية لحد كده ربنا سترها المرة دى 
سامية ملكيش دعوة انتى 
سلوى وهى بتقفل الكلام طب سلام دلوقتى بابا جاى ع الاوضة سلام 
سامية لا متقفليش خلينى ع الخط عشان اسمع هيقولك ايه
قعدت سلوى ع السرير وهى عاملة نفسها زعلانة وبتعيط ...ممدوح انا مش عارف انا ازاى لحد الان مډفنتكيش بالحياة
سلوى ي بابا انا .....................
ممدوح اخرسى مش عاوز اسمع نفسك انا عمرى ما كنت اتخيل انك