قصه كاملة للكاتبة هاجر موسي (انت)

عايزها .. موافقه ولا 
ضحكت وقولتله انت متاكد انك 28 سنه ي اسلام 
قالى لا مش عارف بس اللي متاكد منه انى بحب اشوفك بتضحكى كده 
يلا نلعب بقي ..
فضلنا نلعب وقت مش طويل ومش قصير بس هو كان كسب 3مرات وانا مره !! 
واحنا بنلعب سمعت صوت صويت جامد اټخضيت اووى .. 
وعرفت انه جاى من عند نرمين ومحمود ..
قولت لاسلام تعالي نشوف ايه عشان خاطرى ممكن يكون حد حصله حاجه ..
هو كان اتخض من الصوت هو كمان بس كان متردد يروح ..
روحت لاقيت بابا البيت مفتوح !! 
طلعنا لاقيت .. محمود بيضرب نرمين !! 
انا شوفت منظرها خۏفت ..
واسلام مسك محمود وقاله ايه اللي انت بتعمله ده ايه !!
ونرمين قامت ووقفت ورايه 
قولتله ليه كده يعنى حرام عليك 
قالي نزلت من ورايه وانا قولتلها متنزلش .. لا وكمان كانت بتصالح صاحبتها مع جوزها ! 
قولتله طب لا ليه ي محمود وبعدين فيها ايه لما تصالحهم !!
لاقيته بيقولى كلام بجد صعب 
قالي طب ماانا وانتى كنا مخطوبين وهى كانت بتصالحنا ع بعض وف الاخر انا اتجوزتها .. وصاحبتها ايه هتتجوز جوزها انتى عايزانى استنى لما ده يحصل !
انا مكنتش مصدقه انه بيتكلم عنها كده .. انا مكنتش مهتمه بكلامه عننا .. قد ما كان فارق معايا كلامه عنها !
قولتلها لا طبعا نرمين عمرها ما هتكون كده وانتوا الاتنين متجوزين ع فكره !!
لاقيته اتعصب اوى وجه عشان يضربها .. ف انت وقفت قدامه .. اتخبط ف دماغى اوى ساعتها ..
فضلت حوالى 3د مش شايفه قدامى بوضوع ودايخه ..
بس اسلام كان بيحاول يفوقنى ! 
كان بيحاول يعمل اي
حاجه عشان مفقدش الوعى تماما .. وحسيت بدموعه وقعت ع ايدى ..
بس بعدها وقعت ع طول مقدرتش افضل مفتحه عيونى من الۏجع والدوخه ..
بس بعدها لاقيت نفسي لسه ف بيت محمود ع الكنبه .. واسلام اول ما فتحت عينى قالي بقيتى كويسه 
قولتله اه 
لاقيت محمود جاى بيقولى انا اسف مكنتش اقصدك ي نسمه..
اسلام قاله طيب 
وقالي يلا ننزل ..
وفعلا نزلنا وكان شكله متعصب اوى ..
قالي اطلعى يلا وانا همشى دلوقتى ... قولتله ليه فالى شغلي 
طلعت فوق لافيته نسى اللاب بتاعه .. ف كلمته عشان اقوله مردش !!
ولت خلاص مش مهم اكيد مسمعش وهكلمه بعد ما ااصحى 
نمت لانى مكنتش قادره ..
ولما صحيت لاقيت بابا بيقولى ع فكره اسلام جه واخد اللاب 
ومشى 
بعدها رجع تانى 
وقالى بيقولك متنسيش انه كسب وانتى اللى هيتحكم عليكى D
ارتحت جداا لما قالى كده 3 
بعدها نزلت اشترى حاجات 
شوفت محمود 
قالى نسمه 
قولتله نعم 
قالى انا اسف ي نسمه 
قولتله ع ايه 
قالى عشان انا سبتك واتجوزتها وعايز اصلح غلطى !
سالته ازاى يعنى 
قالى نتجوز ..
كنت مستغربه من اللى بيحصل وبيقوله وقولتله انت عارف انت بتقول ايه انت متجوز ع فكره 
قالى هطلقها ..
مشيت وسبته 
مكنتش متخيله هو قد ايه زباله كده فعلا ..
جبت الحاجه ورجعت 
لاقيت ماما بتقولى اسلام ف البلكونه 
روحتله ..
قالى اول ما دخلت انا عايزك تعرفى حاجه مهمه اوى ..
انا بحبك من وانتى 5 سنين وانا كنت 11 سنه 
كنت برخم عليكى عشان مكنتش بحبك تلعبى مع حد غيرى واحنا صغيرين 
بحب اشوفك وانتى بتتكلمى .. بحب ملامحك 
لما اتخطبتى لمحمود ..
انا كنت اكتر واحد عايز يشوفك مبسوطه 
بس كنت بدعى ربنا انه يريح قلبى 
مكنتش هتجوز اى واحده تانيه مكنتش هفكر ف اى حد تانى ..
وانتى بقيتى معايا دلوقتى ..
انا مش مصدق لحد دلوقتى انا ربنا ريح قلبى بالحاجه اللى نفسى فيها 
وبصلى
 وقالى انتى طبعا عارفه ان انا اللى كسبت الصبح وانتى اللى هيتحكم عليكى 
ورفع ايديه الاتنين قدامى وهما مقفولين وقالى اختار 
اختارت اليمين فتحت ايده لاقيت ورقه مكتوب فيها تتجوزينى 
وفتح الايد التانيه ولاقيت خاتم 
قولتله ثوانى وهرد عليك ..
جبت قلم وكتبت ف ورقتين كلام ..
خدهم منى وفتحهم 
الاولى موافقه 
والتانيه انا فرحانه اوى 
بصلى وقالى والله بحبك .. ي نسمه 
اتفقنا ع الفرح 
وقررنا نعمله ف البيت 
وعملى فرح كان حلو اوى بجد ..
واحنا ف الفرح لاقيت نرمين جايه وبتسلم عليا 
سلمت عليها ومشيت ..
وهو قالى مش احنا اتجوزنا اهو ..
هنلعب كل يوم هههههههه 
قولتله انت احلى حاجه حصلتلى ف حياتى والله 
الحمدلله ان ربنا عوضنى بيك 
تمت