بسمتي
غيروا مش عايشه أنا لاقيت فيه الأب والأخ والصديق وكل حاجة هو موطني ومصدر قوتي ..
نور ربنا يسعدكم علي محظوظ أوي بيكي ..
بسمة يلابينا لازم نحضر كل الأكل اللي بيحبوه يلا كل واحدة تشوف هتعمل إيه ..
دخلوا الطبخ كل واحدة فيهم بتعمل حاجه
كانت بسمة تتنقل من مكان لمكان والدنيا مش سيعاها من الفرحة جه اليوم اللي نبض قلبها هيرجعلها اه كم تألمت اليوم يوم الفرح
العربيات وصلت قدام القصر نزل مراد وهناء من سيارتهم
بيجاد وكريم ساعدوا علي ينزل من العربية قعدوه على الكرسي
علي بص قدامه شاف البنات واقفين كان بيدور عليها بينهم لحد ما شافها خارجه
بسمة مسكت وشه بين إيديها
بسمة بدموع وحشتني ياعلي متبعدش عني ثاني أنا مش هستحمل إنك تبعد عني ثاني ..
علي من النهاردة مافيش حاجة هتفرقنا أنا هفضل جنبك لآخر يوم في عمري ..
مراد تعالوا ندخل إنتي لازم ترتاح ياعلي ..
بيجاد بسمه أنا هدخله لجوا ماتتعبش نفسكي ..
دخلوا القصر كلهم اتجمعوا حوالين علي
رؤيا الفرحة رجعت للقصر من ثاني القصر كان وحش من غيركم..
نور الحياة مالهاش طعم من غيركم ..
جميلة حمدالله على سلامتك ياعلي يابني ..
لارا بدموع من لما سافرتوا ومراتك بتعاملنا كأننا خدامين وعايزه تطردنا من القصر ..
مايا كفاية بقى ياماما أنا زهقت من ألاعيبك دي بسمة ماعملتش حاجة سامحوني أنا كنت بسمع كلام ماما لكن أنا تعبت مش عايزه أكون سبب في أذية حد ثاني أنا آسفه ياعلي سامحني ..
نور بعد كل اللي عملتوه وعايزانا نسامحك ..
مايا متشكرة بسمة إنتي انسانة طيبة أنا كنت بسمع كلام ماما أنا مش عايزه أخرب لك حياتك ..
لارا إيه هترجعي لأبوكي ومراته أبوكي مش عايزك ..
مايا مش عايزه أبقى في مكان كنت سبب في أذية اهله ..
مراد مايا إنتي غلطتي واعرفتي بغلطك إنتي مش هتروحي لأي مكان هتبقي هنا مع أخواتك ..
بسمة لا مش
لازم تتغيري علشان حد اتغيري علشان نفسك ..
بعد ماخلصوا أكل كل واحد طلع لأوضته
بسمة أنا كنت تعبانه من غيرك ياعلي إنت سندي و أماني متسبنيش ثاني أنا مذوقتش طعم النوم وإنت غايب ..
علي طمني ياقلبي أنا معاكي ومش هسيبك ثاني ..
بسمة نامت كأنها مانامتش من زمان لقد وجدت مصدر امانها
علي شكلها تعبانه أنا كنت السبب في التعب دا وهكون سبب سعادتك ..
في أوضة كريم كان قاعد مستني جوري تخرج من الحمام ولكنها إتاخرت
كريم جوري إنتي كويسه إتأخرتي أوي ..
خرجت جوري وهي مبتسمة
كريم
باستغراب إيه سر الابتسامة الجميلة اللي على وشك دي ياقلبي ..
جوري اتكلمت بفرحه أنا حامل ياكريم أنا مش مصدقه ..
كريم پصدمه
إيه حامل ..
جوري أيوه ياكريم أنا حامل هيبقى عندنا بيبي ..
كريم من النهاردة ممنوع تعملي أي حاجة لازم ترتاحي أنا اللي هعمل كل حاجة ..
جوري ههههه لسه بدري ياحبيبي ..
الفصل 15
رواية_بسمتيبقلم_حليمة_عدادي
بدونك لا حياة لي ما دمت برفقتك أشعر أنني أحيا فكلماتك نبضات قلبي ونظراتك نور لحياتي هكذا احيا معك
الكل كان مبسوط بخبر حمل جوري الكل هناهم
بسمة ألف مبروك ياقلبي ..
جوري الله يبارك فيك ياحبيبتي ..
علي ألف مبروك ياصاحبي ..
كريم بتمنى إن ولادنا يبقوا زينا مافيش حاجة تقدر تفرقهم ..
علي بهزار إن شاءالله لكن لو جت بنت أنا هجوزها لإبني هههه ..
كريم وبسمة لو جابت بنت هجوزها لإبني إتفقنا ..
علي إتفقنا ابقى افتكر كلامك دا كويس ماتبقاش ترجع فيه ههه ..
هناء لما ولادكم يكبروا كل واحد هيختار اللي يحبها وقلبه يختارها مش هيستنوا اختياركم ..
مراد كلامها صحيح هيعملوا زيكم كل واحد أختار بنفسه ..
كريم المهم أنا مسافر دلوقتي هنسافر أنا وجوري ..
مراد هتسافروا على فين حصل حاجه ..
كريم لا عمي مافيش حاجة هنسافر علشان نزور أهل جوري ..
مراد ماشي تروحوا و ترجعوا بالسلامه ..
بسمة خلي بالك من نفسك إنتي حامل بلاش الجري والتنطيط ..
جوري حاضر ياقلبي ..
كريم خرج هو وجوري
علي بابا ممكن حد يبلغ السواق يجهز العربية أنا عايز أخرج ..
هناء هتروح فين ياحبيبي لو محتاج حاجه قول وإحنا نجبهالك ..
علي أنا عايز أخرج شوية أنا وبسمة ..
هناء ماشي ياحبيبي ..
العربية وقفت قدام محل ذهب السواق نزل ساعد علي إنه ينزل
بسمة بإستغراب إحنا بنعمل هنا إيه ياعلي دا محل ذهب إنت عايز تبيع حاجة ..
علي هههه هبيع إيه بس ياحبيبتي تعالي بس ندخل وهتعرفي كل حاجة ..
دخلوا جوا المحل بسمة انبهرت بجمال المكان
علي بسمة أنا كنت عايز اجيبلك هدية بس قلت الأحسن إنك تختاريها بنفسك ..
بسمة بس أنا مش عايزه حاجة عندي كتير ياعلي بعدين إنت أجمل هدية في حياتي
