بسمتي
لجوري كانوا كلهم مبسوطين
بسمة حست بدوخه مقدرتش تقاوم أكثر من كدا وقعت على الأرض كلهم جريوا ناحيتها
هناء بسمة فيكي إيه ياحبيبتي افتحي عينيكي رؤيا هاتي البرفان
دي ما أكلتش حاجة النهاردة
رشت من البرفان على إيدها وقربته من مناخيرها بسمة فتحت عينيها
جوري پخوف بسمة إنتي حاسه ..
نور قلنالك لازم تأكلي إنتي كدا بټأذي نفسك ..
هناء خلي بال من نفسك يابنتي
ساعدتها إنها تقعد على أقرب كرسي وطلبتلها كوباية عصير
محمود دخل علشان ياخذ جوري
محمود في إيه مالك يابنتي ..
هناء مافيش حاجة تعبت شوية ..
محمود يلا يابنتي عريسك مستنيكي وقف قدامها باس رأسها
مسك إيدها وخرجوا والبنات خرجوا وراهم كريم كان مستنيهم برا
كريم ماتقلقش عليها ياعمي هنكون سند لبعضنا ..
قعدوا تم كتاب كتابهم في جو من الفرح والسعادة الكل كان فرحان وبيرقص على انغام الموسيقى
كريم بحب النهاردة هقولك أنا ليه اخترتك زوجة ليا أنا حبيتك من أول نظرة مكنتش عايز أكلمك من ورا أهلك كنت عايزك في الحلال علشان كدا مقدرتش أعترف بحبي ليكي جوري أنا بحبك ..
كريم بفرحة بجد
إنتي قلتي بحبك ..
جوري أيوه ..
كريم شالها ولف بيها مع تصقيف المعازيم مسك ايديها ورقصوا والكل بيرقص معاهم
علي بإبتسامة أنا ماشوفتش كريم مبسوط بالشكل دا من يوم مۏت أهله بتمنى يفضل مبسوط العمر كله هو أكثر شخص وقف جنبي واستحملني ..
بسمة هو خلاص لقى حبيبته ومراته هيكونوا سند لبعض ربنا يسعدهم ..
بسمة أنا كويسه ماتقلقش عليا بس ما أكلتش حاجة ..
رؤيا راحتلهم مسكت إيد بسمة
رؤيا أنا تعبت من الرقص بسمة إنتي مش بترقصي ليه تعالي أرقصي معانا ..
علي بغيرة مراتي مش بترقص قدام حد أنا مش هسمح بدا ..
رؤيا بس ياعلي إنت ماسألتهاش عن رأيها ..
بسمة أنا مش برقص قدام حد يارؤيا وكلام جوزي أوامر ..
رؤيا سابتهم
علي كلامي ضايقك إنتي كنتي حابه ترقصي مع صاحبتك ..
بسمة حبيبي أنا مش برقص قدام حد من قبل ما أعرفك كلامك ماضايقنيش كلامك عاجبني ..
علي وإيه اللي عاجبك في كلامي ..
بسمة غيرتك عليا أكثر حاجة بتسعدني ..
علي بحب بحبك يا أجمل هدية في حياتي ..
بسمة إنت أجمل حاجه في حياتي هروح أشوف ماما وراجعه ..
بسمة راحت عند جميلة قعدت جنبها وحضنتها
بسمة وحشتيني اوي ياماما ..
جميلة وإنتي كمان يابنتي البيت وحش من غيرك ..
بسمة ماما إحنا هنمشي بعد شوية تعالي معانا علشان خاطري
بسمة شاورت لعلي علي زق الكرسي وراحلها
بسمة علي اتكلم معاها اقنعها إنها تيجي معانا هي مش بتسمع مني ..
علي ماما هتيجي معانا علشان خاطري ماترفضيش طلبي ..
قعدوا يقنعقعدوا يقنعوا فيها لحد ماوافقت اتجمعوا علشان يرجعوا للبيت كريم روح مع مراته لبيته الجديد اللي اشتراه
أما علي وعيلته روحوا للقصر
كريم نورتي بيتك ياقلبي يااااه استنيت اليوم دا كثير ودلوقتي إنتي معايا كل أمنياتي اتحققت ..
جوري وأنا كمان حبيتك ياكريم وكنت خاېفة إنك ماتكونش بتحبني ..
كريم الحمدلله إحنا دلوقتي مع بعض أدخلي غيري هدومك وتعالي علشان نصلي مع بعض ..
جوري
دخلت الأوضة غيرت هدومها واتوضت وصلوا مع بعض
الفصل 13
أعشقك إلى حد الجنون ولن أشفى من چنوني فرغم عڈاب
الشوق إلا إن شوقي أجمل وإن فارقني هواك اذبل انت في كل نبضات قلبي اذرف الدموع خوفا من فقدانك فالقلب لا يتحمل من دون نبضاته
في الصباح كانوا قاعدين على الفطار
هناء علي فين مراتك مطلعتش النهاردة من أوضتها هي كويسه ..
علي قالت هتنظف الأوضة وهتيجي مش عارف إتأخرت ليه ..
هناء مش عاجبني حالها اليومين دول دائما داخيه ومش بتاكل حاجة ..
نور إنتوا عارفين إيه اللي شاغلها راعوا حالتها ..
علي بقلق رؤيا روحي نادي عليها إتأخرت أوي ..
رؤيا حاضر ..
رؤيا طلعت لأوضة علي خبطت على الباب مالقتش رد فتحت الباب ودخلت علشان تدور عليها صړخت لما شافت بسمة واقعه على الأرض مغمى عليها خرجت تنادي عليهم
علي پخوف رؤيا في إيه إتكلمي ..
رؤيا ماما الحقي بسمة مغمى عليها
لسه ماكملتش كلامها كلهم طلعوا يجروا وعلي حرك الكرسي ولحقهم أول مرة يحس بالعجز الحقيقي
دخلوا الأوضة البنات شالوها الفتيات حطوها على السرير
هناء هاتوا مايه ..
فضلوا يحاولوا يفوقوها لكن مافقدتش علي حس كأن روحه بتتسحب منه
مراد زعق بيجاد إتصل بالدكتوره بسرعة ..
علي كان قاعد جنب السرير وهو ماسك دموعه من إنهم ينزلوا بص لوشها اللي كان باين عليه الزعل والتعب
علي أنا السبب أنا اللي خليتك تعاني محسستكيش بالسعادة ولو يوم واحد عملتي كل حاجة علشاني وأنا ماعملتلكيش أي حاجة ..
هناء ماتخافش يابني هتبقى كويسه ياحبيبي دا لأنها ماأكلتش حاجة ..
جت الدكتورة
علي دكتورة شوفي مالها بسرعة أرجوكي طمنينا عليها ..
الدكتوره ممكن تطلعوا برا
