عز الدين
ده بعينك عشم ابليس في الجنة
عز باستهزاء تؤ يا حلوة مافيش حاجة تستعصى عليا ها هتنزلي عند الميكانيكي امتى
جانا نعم
عز مكملا نبرة السخرية مش عملالي فيها الواد بلية صبي الميكانيكي ده انا ماشوفتلكيش هدوم عدلة من يوم ما ربنا بلاني بيكي !!!
دينا بص يا ظريف انت تنسى أنك شوفتني أصلا واقفل السكة أحسنلك ولا أقولك هقفلها أنا ....
ثم وصلها رنين اعلان وصول رسالة نصية
فتحتها جانا لتقرأ ما كتب فيها
أحسنلك تردي عليا حالا وإلا ....... أنا مش هاقول أنا هنفذ على طوووول
ثم رن الهاتف مرة اخرى
لتجيب جانا
جانا بضيق اللهم طولك يا روح اخلص يا عم الأمور
عز بضحكة لالالالالا أمور مرة واحدة !! هو انتي رضيتي عني بالسرعة دي من رسالة انا مش مصدق وداني !!
عز ماشي يا قطة ها هنتخطب امتى
جانا ابقى اتغطى كويس لأحسن مخك استهوى انت بتحلم !!!
عز بثقة يا بت انتي مش أدي !
جانا وهو حد قالك اني عاوزة أكون أدك أصلا
عز هو انتي تطولي
جانا لا أطول ولا أقصر قصرررر في كلامك معايا!!!
عز ليه محسساني انك واحد صاحبي من الطالبية مش زي ما عمك بيقول بنت المفروض جاية طازة من بلاد
جانا ها ها ها دمك يلطش يا ظريف
عز بحدة يا بت اتهدي واحترمي نفسك أنا بحذرك بدل ما تشوفي مني الوش التاني !!
جانا أنا أصلا غلطانة إني عبرتك ورديت ع واحد متخلف زيك أنت
مش راجل وبؤ ع الفاضي
عز بعصبية نعم!! سمعيني قولتي ايه
جانا بشجاعة قولت انك متخلف ومش راجل وبؤ ع الفاضي ... أعيد كمان
جانا بضحكة بؤ ... انت بؤ ...
عز بغيظ وحنق شديدين استغفر الله العظيم يا رب انتي مش هترتاحي إلا أما ارتكب فيكي جناية
جانا بتحدي مش انت حړقاك أوي كلمة مش راجل طب لو راجل بجد بقى نفذ اللي قولت عليه الوقتي
جانا بثقة لأ لو كنت راجل زي ما بتقول والجلالة وخداك اوي يبقى تعالى الوقتي حالا في اوضتي وفي وجود أهلي كلهم ووريني نفسك ياااااا .. يااااا راجل ههههههههههه
عز وقد قبل التحدي ماشي هوريكي !!!!
وانهى المكالمة معها
جانا كانت على يقين تام انه لن يستطيع تنفيذ هذا لعدة أسباب أولا منزل عمها خط أحمر فمهما كانت شخصيته الطيبة والمتسامحة إلا إنه يرفض تماما أن يتعرض أي أحد لعائلته بالسوء أو يتخطى حرمات منزله وينتهكها جهارا دون أن يمر هذا مرور الكرام .. وثانيا أنه غير متواجد حاليا بالمنزل ومشغول في عمله ولن يعود قبل المساء وثالثا ان عمتها سهير لن تسمح بدخول عز الدين إلى المنزل في غياب رب المنزل فما بالك بالدخول إلى غرفتها
لذلك أراحت جانا ظهرها على السرير وهي متأكدة من فشل عز الكيلاني
...............
في سيارة عز الدين
عز الوو ايوه يا ياسين ....... اسمعني يا زفت متقاطعنيش أنا عاوزك تنفذ اللي هاقولك عليه بالنص
ياسين انا مش فاضي يا زيزو بص بالليل نتكلم
عز بنرفزة لأ انت تسيب أي حاجة وراك وتفضالي الوقتي اهوو فاهمني!!
ياسين مش هخلص من رزالتك يعني خلاص قول عاوز ايه
عز شوف أنا عاوزك تروح الوقتي عند صي....................... وبعدها تجيب لي ........ و بعدين تجيني انا موجود في عربيتي عند ....... متتأخرش معاك ربع ساعة تنجز ده كله فيه
ياسين بتعجب اييييه ربع ساعة وهتعوز الحاجات دي كلها ليه انت ناوي على ايه بالظبط يا عز فطمني
عز انجزززز وتعلالي وانا هفهمك يالا اوام
وانهى المكالمة مع ياسين قائلا في نفسه هعرفك يا جانا انا مين !!!
.....
بعد مضي حوالي الساعة التقى ياسين بعز الدين داخل سيارته
عز ايه التأخير ده كله
ياسين وهو يلهث تأخير ايه يا عم ده انا دوخت ياخي عشان ألحق اخلصلك اللي انت عاوزه بسرعة
عز ماشي وريني الحاجة
ياسين وهو يلتقط أنفاسه عد الجمايل بقى يا برنس بس مقولتليش
