اسكربت بقلم نانسي اشرف

عشان ضوافري الي كانت بتغرز فيه. 
لكن الكلام بدأ فعلا يزيد 
_ ليلى !!!! 
جري ورايا في طرقة الكلية 
وهو بيحاول يلحقني 
_ ايه الي انتي بعتاه دا 
_ انت مش شايف يا دكتور .. الدفعة كلها بتتكلم علينا 
_ بيقولوا ايه  
_ الدكتور عدي مرتبط بليلى .. ليلى بتجري ورا الدكتور عدي .. 
_ يا ليلى استني .. خلينا نعرف نتصرف 
_ ابعد عني يا عدي .. انت بنسبالي الدكتور بتاعي وبس 
قلبي كان بيتقطع خصوصا بعد ما اتأكدت من حقيقة مشاعري اتجاهه 
غيرتي الغير مبررة عليه من أي واحدة تيجي جمبه 
عيوني الي بتلمع لمجرد ما بلمحه داخل السيكشن 
وابتسامتي لعنيه اما تقابل عيني. 
صباح الخير الدكتور عدي مجاش انا هاخد مكانه 
بقاله أسبوعين مش بيجي ! 
بس الفاينل كمان أسبوع! 
والأسبوع عدا وكنت بعد معاه الايام عشان امتحان مادته 
دخلنا السكشن ولمحته وهو بيضحك مع دكتورة المادة الي كانت شيلاه طول فترة غيابه 
بصيت قدامي وانا بكتم ڠضبي 
ببلع ريقي بتوتر وانا بحاول ميبانش عليا 
كان بيتحرك بأريحية في المكان ولا كأنه شايفني 
حتى وهو بيطمن على الاجهزة الي جمبي مبصليش! 
_ صباح الفل .. قدامكوا تليسكوباتكوا وتلاتة سلايدز كل سلايد عليه سؤالين .. هتحلوهم في الورقة البيضة الي قدامكوا كل سؤال قدامه اجابته طبعا هتبدأوا بعد بداية التايمر و... دلوقتي 
شاور لينا وانا بدأت ادخل في المود 
بعد الوقت والجرس لقيته قفل الباب 
حطيت الورقة واتحركت اخرج لكني لقيته وقف قصادي 
_ بس انتي اجاباتك ناقصة يا ليلى 
_ ازاي! 
شاور على الترابيزة بتاعتي 
ولقيت سلايد أخير 
_ انا متأكدة اني حليت التلاتة 
_ لا مهو انا حاطتلك سؤال أخير 
بصيت لزمايلي الي ركزوا كلهم معايا 
_ لوحدي! 
شاور ب ايوه واتحركت ناحية الورقة لكنه مسكها 
_ لا لا .. دا اورال عادي .. جاوبي شفوي 
قربت من السلايد وانا دقات قلبي بتزيد.
بصيت في التليسكوب لكني شهقت وانا برجع لورا 
بصيتله وانا بوقي مفتوح ورجعت ابص مرة تانية
السلايد مكنش تحته خلايا 
كان تحته جملة مكتوب فيها تتجوزيني 
ركزت معاه وانا مش مصدقة الي بيحصل 
_ كنتي شيرتي بوست لحاجة زي كدا حصلت في دولة برا .. فقولت احققهالك جوا 
ضحكت وانا عيوني بتدمع ولقيت زمايلي بيقولوا طب الاجابة  
بصيت في عينه وحركت راسي بأيوه 
وبعد فترة كنت نازلة من العربية وهو نازل جمبي 
ماسكة الفون بتاعه وبغير الحالة بتاعته 
من متزوج فقط.. 
الي متزوج من ليلى عمران. 
ويا أنا يا متلازمة الرجل المتزوج. 
ديسمبر شهر المفاجآت 
وانا المفاجأة بتاعتي كتبتهاله في سلايد 
هتبقى بابا  
بقلم نانسي_أشرف