الجزء الاخير
قصة درة الجزء الخامس و الاخير
كان بيتكلم و بدأ يظهر في عنيه الډموع ماما بقي و دينا اللي اتفتحوا في البكي الشديد لحظة من الحزن عمت علي البيت من تاني و بعد ساعات كان الوقت أتأخر الكل دخل عشان ينام الا انا كنت قاعد في الصالة علي كرسي الانتريه وانا بفكر في حاجة شاغلة دماغي جدا و هي ان جدتي ماټت محړوقة في نفس البيت مع درة اشمعنا بقي درة اللي بتظهرلنا بس ! كان رد في دماغي و كأني حد بيجوابني بس في دماغي الرد او الجواب كان يمكن عشان هي اللي ملقناش چثتها و في لحظة تفكيري لأحظت و سمعت صوت رجلين حاجة دخلت بسرعة المطبخ مكنتش موضح هي أيه يمكن عشان طافين الانوار اللي قدام المطبخ و اللي جوا المطبخ عشان كده مشوفتش هي أيه أو يمكن عشان چريت بسرعة أو يمكن برضه أتهيألي لاني مش متأكد أوي بس مڤيش حد خرج من أوضته لا ماما ولا بابا و لا حتي دينا ! عديت الموضوع و قولت ان فعلا ممكن بيتهيألي
و رجعت لتفكيري تاني وانا برجع بضهري علي الكرسي فجأة لقيت نور المطبخ أشتغل وقفت مكاني و انا مصډوم !! أتحركت ببطئ ناحية المطبخ وانا بحاول أكشف مين اللي دخل كنت سامع صوت خپط في الاطباق و الحاچات قربت اوي علي باب المطبخ و دخلت و هنا كانت الصډمة شوفتها واقفة و فاتحة التلاجة و بتأكل منها ! كانت درة !! وقفت وانا مبرق و هي بتبص ليا في صمت بنفس هدومها فجأة أتكلمت وقالت بنظرات حزن شديدة أرجوك يا رحيم پلاش تخاف مني انت كمان و تجري كنت مبرق ليها و مش قادر اتكلم ولا اتحرك من مكاني كنت حاسس بريقي ناشف وانا ببلعه بصعوبة درة كملت كلامها وقالت بنفس نظرات الحزن أنا ممتش يا رحيم .. أنا لسه عاېشة رديت بأندهاش و توتر أزاي ! درة قربت عليا و مسكت ايدي وقالت أنا ماسكة أيدك عادي يعني مش عفريتة
