بقلم سمية احمد

_وبعدين معاك هنفضل نبص لبعض كتير! هنفضل ساكتين كتير!. 
أنا قولت اللي عندي وحرية الأختيار ليك. 
وقفت وأنا مستغربة رد فعله طريقة كلامه نظرة عيونه وهدوءه كل حاجة كانت غريبة كإني بتكلم مع شخص معرفوش أول مرة أشوفه في حياتي بيتكلم بالأسلوب والبرود ده. 
_بس أنا مش موافقة نهائي علي الكلام اللي بتقوله أنت بجد مستوعب نفسك بتقول أي!. 

_أيوا مستوعب وعارف مش عيل صغيرك بيكلمك يا شام بتكلم عربي علي فكرة مش عبري. 
إبدأت الدموع تتكون في عيوني زعقت وأنا مش مستوعبة أي كلمة_عايزني أقولك اي بجد وأنت جاي بتقولي إحنا لازم نطلق ارقصلك ولا أسقف ولا أضحك ولا أزغرط أقولك إي بجد!. 
أخد نفس عميق وقال بنبرة صوت تخلو من معاني الحياة_وده رد فعلك يا شام وأنا بقولك نطلق في هدوء ومن غيرة شوشرة ومشاكل علشان إحنا في الأخر ولاد عم ومش عايز العيلة يحصلها مشاكل بسبب الطلاق. 
بدأت الدموع تنزل من عيني قربت كام خطوة وقولت بخفوت حزين_فارقة معاك العيلة طب وأنا! أنا مش فارقة معاك هو أنت محبتنيش هو أنا متحبش يا مراد. 
رجع لورا كام خطوة وهو بيبعد عني كان في نظرة في عينه مقدرتش أفهمها _ده أنا أشتري العالم لإجل عيونك الحلوين. 
أستغربت وقفت قصاده سألت بعدم فهم_مدام بتحبني ليه عايزني نطلق ليه!. 
قرب مني وطبع قبلة علي جبيني حسيت بدموعه نزلت علي خدي قال وهو بيعافر علشان يتكلم_علشان بحبك بعمل كده علشان خاېف عليك من الدنيا بس عيونك الحلوين حبايبي يا شام. 
قال كلامه دفعة واحدة وخرج مش من الأوضة بس خرج من البيت كله وقعت مكاني وپصدمة وأنا بسأل نفسي ألف سؤال وكلها إنتهت ب ليه. 
فات أسبوع ولسه مرجعش البيت تاني سبع أيام معرفش عنه حاجة كنت برن عليه زي المچنونة روحت لبيت عمي وسألت عليه كنت شبة اللي بتجري في الدنيا محتاجة أي حد يطمنها. 
_وحشاني. 
دي الكلمة الوحيدة اللي سمعتها وأنا قاعدة علي الكنبة بعد غياب أسبوع قومت من مكاني وجريت عليه بشتياق. 
_أنت كنت فين سبتني كل ده ليه!. 
أبتسم بس كان باين الضغف في عيونه كان ضعيف وهزيل أوي_كنت بحاول أبعد فترة شوية لحد ما تستوعبي الموضوع. 
بعدت عنه تلقائي معني كده إنه مصر علي الموضوع_أنت مصمم برضو أديني مبرر قولي سبب واحد يريحني. 
حاوط كتافي بين ضلوعه_ولأجل إني بحبك مش عايز أقولك. 
زقيته بعيد عني بعصبية زعقت بأنهيار_من فين بتحبني ومن فين عايزنا نطلق يا أخي حس بيا ليه نطلق هو أنا قصرت معاك في حاجة عمري زعلتك شوفت مني تصرف مش حلو قولتلك كلمة جرحتك طلعت أسرار بيتنا برا ده أنا بتمنالك الرضاء ترضاء وبرضو مش عاجب. 
قرب كام خطوة ومسك كفوفي بين إيده_ومين قال إني مش راضي مين قال إنه مش عاجب لو رجع