قصة القط الاسود

 وعشان يعمل كده لازم يدفن الرماد بتاع القط لاسود تحت المكان اللي كانت بتنام فيه والدتك، لكن اللي عمله اتقلب عليه، ابوك حرق قط اسود بس للاسف القط مكانش قط عادي دا كان ابن من ابناء الجن و بسبب كده اتقلبوا عليه بدل ما ينفذوا طلبه، ابوك بعد ما حكالي الموضوع ده قعد تلت ايام مخرجش من جوا عشان كده قلقت عليه وقولت اكيد حصل معاه حاجة بسبب اللي كان في دماغه واللي توقعته لقيته، ابوك كان واقع ميت علي الارض ولما قربت عليه لقيت في رقبته خربوش معلم زى الوشم عرفت ان اللي عملوا اتسبب في اذيته وموته عشان كده كلمتك بس بعد ما كلمتك كتبت جواب وحطيته في جلبية من جلاليب ابوك عشان تشوفه وتقرأه "، قولت في صدمة" يعني مش ابويا اللي كتب الجواب! ، طب ما كنت قولتله افضل "، عم نعيم قال" مينفعش، كنت اصدمك كنت عايزك تعرف لوحدك كل حاجة ولاني كنت خايف 

انك تيجي تحضر جنازة ابوك وتمشي كتبتلك الجواب ده، وكمان كنت حاسس ان في حاجات هتحصلك اثر اللي 

حصل او الخطأ اللي ارتكبوا ابوك "، سكت عم نعيم واتا كمان سكت، حالة صمت مستمرتش كتير وانا بقول لعم نعيم" طيب واللي بيحصل معايا دلوقتي ده ليه!؟ "، عم نعيم رد وقال" اكيد لسه في حاجة مضايقهم بعد ما خدوا حقهم "، قولت لعم نعيم باندهاش" خدوا حقهم! .. خدوا حقهم ازاى يعني؟ " رد وقال " هو مش فتحي ابوك قتل منهم نفس فا بكده لازم ياخدوا حق النفس دى بقتل القاتل " قولت بحزن علي ابويا " يعني ابويا مات ضحية فضوله و مش كده وبس دا مات بسببي بردوا " عم نعيم قرب مني وقال "استغفر ربك يبني دا اجل ومكتوب" قعدت و قولت والدموع بتنزل من عيني " ايوه مات بسببي، انا اللي سبته وحيد عشان الفلوس حتي مقدرتش اضحي واجي اعيش معاه اليومين اللي فاضلين معاه او حتي اخدوا يعيش معايا "، عم نعيم اتكلم وقال" متشيلش نفسك فوق طاقتها يبني قوم 

شوف طريقك واعرف هتعمل ايه "

، قومت وانا بمسح الدموع من عيني وبقول" طيب هنعمل ايه دلوقتي في اللعنة دى يا عم نعيم " عم نعيم اتكلم وقال "ما الحل في ايدك وهما كمان عرفوك هم مضايقين من ايه"، رديت وقولت باندهاش" مش فاهم! " عم نعيم قال " شوفت الكابوس بتاع القبر وانك شوفت القط لاسود حرق جثة ابوك هما كده بيعرفوك انهم انتقموا، والكابوس اللي