المشوه بقلم الشيماء محمد
لاعمري حبيت قبلك ولا اتحبيت وكل اللي بيحصلي وبعيشه معاكي جديد عليا
ليلي يعني ايه
ادهم يعني متتوقعيش مني تصرف معين ومتستنيش اني افاجئك بحاجه رومانسيه او اعمل حاجه من الاخر متتوقعيش مني
اللي انتي عايزاني اعمله اطلبيه او عرفيني انتي مستنيه ايه
عارف ان ده مش حاجه حلوه وممله انك تكوني مرتبطه بواحد مش عارف مطلوب منه ايه بس معلش استحمليني انا حكتلك كل ظروفي علشان تفهميني... فاهماني
ادهم يبقي قوليلي صراحه بتلفي وتدوري علي ايه
ليلي عايزه..... عايزه... عايزاك يعني....
ادهم عايزه عايزه وبعدين قولي علي طول
ليلي عايزه افضل معاك علي طول
ادهم والمطلوب مني ايه
ليلي نتجوز يا ادهم اديني قولتها صراحه اهوه عايزه نتجوز
ادهم اټصدم ده كان اخر شيئ بيفكر فيه حاليا الجواز عمره ما كان في حساباته ابدا
ليلي مكنتش متخيله انك هتتصدم كده..
ادهم مش حكايه صډمه الحكايه اني مفكرتش اني ممكن اتجوز في يوم
ليلي امال تخيلت ايه هتسلي بيها طول ما انا في بلدهم وبعدها اسافر وهيا تولع ولا ايه
الظاهر اني حكمت عليك غلط بعد اذنك
ولسه هتمشي مسكها من ايديها الاتنين
ليلي كده انا عرفت ليه عمرك ما حاولت تبوسني او تقرب مني حتي لما كنت بحاول اقرب كنت بتحط حد بينا علشان لما تيجي تمشي تقولي انا ما لمستش شعره منك ومش مديونلك بحاجه
ادهم ايه اللي بتقوليه ده فجاه انا بقيت انسان اناني للدرجه دي انا بحبك وانتي عارفه ده كويس واكيد حسيتيه
ادهم وانا مش عايزك جنبي في كل لحظه وثانيه كمان انتي خليتيني لاول مره احس اني انسان واعيش واني من حقي اتنفس زي الناس انا كنت اقتنعت اني مسخ زي ما بيسموني واني سڤاح ومعنديش قلب واكتشفت اني عندي قلب بيحب وبيدق زي كل الناس انتي خليتيني لاول مره اعيش ولاول مره احب واتحب
ادهم انا عايز اسيبك انا عايز افضل جنبك لاطول فتره ممكنه عايزك معايا
ليلي وعلشان عايزني معاك مش عايز تتجوزني بجد انا مش فاهماك انت بتفكر ازاي بتحبني بس من بعيد لبعيد
ادهم انتي متخيله اني عمري ما حلمت انك تكوني شريكه حياتي واننا نعيش ونكبر مع بعض واني اعيش عمري في حضنك
ليلي ولما انت حلمت بده اټصدمت ليه لما قلتلك نتجوز
ليلي قصدك ايهجوازك مني هيكون كابوس
ادهم جوازي منك ده هيكون اجمل شيئ ممكن يحصلي
ليلي امال ليه بتقول هصحيك من الحلم
ادهم انتي بجد مش فاهمه
ليلي مش فاهمه اي حاجه
ادهم في اللحظه اللي هتفتحي فيها سيره الجواز هتنتهي علاقتي بيكي وده اللي انا خاېف منه
ليلي يعني ايه
ادهم يعني مين هيسمحلنا نتجوز هاه ابوكي هيوافق عيلتك هتوافق مجتمعك ده هيوافق
ليلي طظ فيهم كلهم ميهمنيش حد غيرك
ادهم ضحك بحزن
ادهم هتقاطعيهم علشاني
ليلي هقاطع الدنيا كلها وكفايه انت
ابتسم ادهم بحزن
ادهم وكفايه عليا قوي اني اسمع الكلام ده منك
ليلي انت ليه مفترض انهم هيرفضوا
ادهم ابوكي مش بيطقني ادافع عن بلده هيوافق عليا جوز بنته
ليلي انا هقنعه
ادهم مش هيقتنع ومش هيوافق
ليلي انا وراه لحد ما يوافق انت مش متخيل هو بيحبني قد ايه
ادهم لا انا عارف انه بيحبك وعلشان بيحبك عمره ما هيوافق ابدا ابدا... عمره ما هيوافق يجوز بنته لواحد شايفه شيطان او مسخ
ابوكي قال ان ابليس لو شافني يستعيذ مني متخيله ده فهل ممكن يجوز بنته لشخص شايفه أسوأ من ابليس نفسه
ليلي هخليه يشوفك زيي ما انا شايفاك يشوفك بعيوني
ادهم مش هيسمعك ... ابويا نفسه معرفش يشوفني هو هيشوفني
ليلي هتجوز ڠصب عنه واخليه يوافق ڠصب
ادهم وعلي اساس اني وافقت نفترض انه اتبري منك وطردك من بيتك وعيلتك هجرتك بسبب خروجك عن طوعه
ليلي هتكون انت معايا وده اللي يهمني
ادهم وانتي متخيله اني ممكن اتجوزك بالطريقه دي واكون سبب طردك من بيتك
ليلي لو بتحبني ايوه
ادهم لو بحبك علشان بحبك عمري ماهرضي ابدا بده ولاني عارف طعم الطرد من البيت عمري ماهرضي ابدا تدوقيه انتي مش عارفه قد ايه بتوجع انك تتطردي من بيتك وتتكرهي من اقرب الناس ليكي وانك تتمني بس حضڼ او حتي مجرد كلمه
انا كان اقصي امل ليا ولحد دلوقتي اسمع من امي كلمه واحده يا ليلي تخيلي اقصي امنياتي اسمعها تقولي كلمه
انت عارفه انا لحد دلوقتي بغيب واكلمها في التليفون علشان اسمع منها بس كلمه الووو لانها مبتقولش غيرها وبعد ما بتعرف انه انا بتسكت تخيلي تكون اقصي امنياتك كلمه عمري ماهرضي ابدا اعيشك ده
ليلي
