رواية جيران_الهناء بقلم~رماز~الخير

اصحاب ماشين اتعشو او كابلز فتحت الباب القدامي وقلت اتفضلي يا استاذه
ركبت بي نعومه قعدت علي الكرسي وكانها قطن نااعم اتخت عليه ريحه البرفان الغطت علي ريحه العربيه بنعومه جدعت شنطته ورا عاينت للمرايا ركبته وقلت حلوة بس لو تكوزني الطرحه
عاينت لي وقالت لسه زي ماانت
مفروض اتغير يعني !
لا بس لازم تعرف انه انا الاتغيرته انا ماهناء بت المدرسه انا بقيت بزنس Woman يعني رائده اعمال بتحكم في اكتر من ميه عامل وموظفماحتجي انت تتحكم في تصرفاتي صح
ابتسمته وقلت حتفضلي هناء بت الثانوي مهما كبرتي ومهما انجزتي
..................
وصلنا المطعم نزلته فتحت لها باب العربيه مسكته يدها ونزلته دخلنا مطعم خمسه نجوم هادي وكل الفيه طباقات راقيه الويتر بنات انضف من الانا جاي معاها دي 
قصدك انهم احلا مني
جريت الكرسي قعدت صلحته جريت كرسي لي قعدته وقربته منها وبراحه قلت ديل لو اشتغلو عندنا في السودان علي الطلاق يعرسوهن الا رجال الاعمال
مدنقره في المنيو ماردت علي تعليقي فتحت المنيو بتعاين فيه 
جات الويتر
اتفضلو يا استاذ هناء بتعاين في المنيو وطلبت البت عاينت لي وقالت وحضرتك بدون افتح المنيو قلت لها نفس طلبها 
حالا الويتر مشت هناء مرقت ايباد فتحته رافعه في وشها وشغاله عليه نزلته علي الطربيزه وقلت انا ماجبتك عشان تشتغلي لكن
رفعته وقالت لازم اشتغل بما انك لقيت الزرار فالعرض حيقام في موعدو لازم اكد علي المنظمين والشغالين معاي اعملو حسابهم 
بس انا مالقيت الزرار
ختت الايباد علي الطربيزه وعاينت لي قلت شنو
رفعت اكتافي وقلت مالقيتو اعمل شنو !
تعمل شنو قامت ضر بت الطربيزه بيدينه تعمل شنو كيف يعني انت ماحتتغير حتفضل اناني وجبان غلطانه انا البضيع زمني معاك رفعت الايباد واتحركت.
اتحركته وقفته قصاده 
زح من وشي يا محمد انت طفل ماعندو كلمه والحياه عندو مجرد ...رفعته الزرار في وشها علبه مليانه وقلت كل دا شايله في قلبك ناحيتي ياحقوده
عيونه لمعو وهي بتقول لقيتو
ممكن نقعد لانه الناس بتعاين لينا بعد حركتك دي
اتلفتت يمين شمال الناس بتعاين وبتوسوس حبيته واختلفو خانه 
ابتسمت وقعدت قالت لي وهي عاضه سنونه في داعي للحركه البايخه دي
كنت داير اعرف انتي هنا عشاني ولا عشان الزرار
عشان الزرار طبعا انت بتهظر
اممم ايواه فهمته من ردة فعلك
مدت يدها سلمني الزرار ختيت العلبه في يدها وقلت بتمني ماتمشي بعد تاخديه فتحت الشنطه ختتو فيها ومدنقره في الايباد وقالت انت داير شنو مش هدا طلعنا وطلبنا العشاء انا حتي لو مشيت فما علي شي
انا ماقلت لك داير اكل تعالي اطلبي لي انا دايرك انتي ياهناء
مدنقره داير بي شنو يا محمد
ممكن تخلي الشغل وتركزي معاي
اخدت نفس رفعت الايباد ختته علي الطربيزه في هدوء رافعه يدينه شابكهم ببعض قصاد وشها وقالت اتفضل انا مركزه
احسن ااي كيفك انتي وخالتي وين ولشنو عايشه وحيده وشغلك دا شنو وعملتي شنو في دراستك
ضحكت ونزلت يدينه وهي بتقول واحده واحده اخد لك نفس ماتخنق
طيب عايشه وحيده لشنو
طيب حاارد لك اول شي انا كويسه وامي كويسه عايشه وحيده لانه امي مشت الحج وقعدت مع خالتو
وخالك وين سمعنا انكم في المانيا
خالي فعلا سافر المانيا مع اولاده بس امي رفضت تمشي بلاد م مسلمه فخالي اشتري لينا البيت دا وبقي اجينا كل شهر شهرين بالكتير عشان...... 
عشان مااحصل الحصل زمان 
ابتسمت وكانها بتقول ماتفتح الماضي واصلت مع ابتسامه انا حاليا عندي مركز تصميم للثياب العصريه بديت بالعبايات وحاليا بصمم ملابس عصريه علي الطراز السوداني
عصريه وسودانيه 
ضحكت ايواه طبعا انت حتعمل زي الجاهلين المفتكرين انه السودان دوله متخلفه انت عارف انا اكتر الطلبيات العندي تياب سودانيه 
امممم طيب والدراسه
درسته كورس تمريض اشتغلت به كم شهر وخليتو عشان اتفرغ للتصميم
سكته وبي نبره اشبهه بالڠضب قلت ونايل
نايل دا مدير اعمالي 
مدير بس ولا ...
ضحكت ودنقرت وهي بتقول كيف خالتي ومروة عرست ولا لسه
الويتر جات تنزل في الطلب وانا بحمر في هناء بسبب عدم ردها علي سوالي مسكته طبق من الويتر وقلت عندها حمودي عمرو سنتين وحامل في التاني
عاينت لي تبارك الله مروة بقت ام دكتورة مروة ام حمودي 
الويتر بالهنا لكم
رفعت راسي تسلمي عاينت في الطبق وقلت مروة ماتمت دراسته 
كيف ماتمت معقوله دي كانت حتموت وتتخرج
قالت دا حلمك انتي وبدونك ماحتحققو وماحتقدر قررت تكون جمب احمد عشان تعوض فقدك
نزلت عيونه الحزينه في الطبق وتلعب بالاكل بالمعلقه وهي بتقول كويس قدرت تلقي البعوض فقدها عكسي تماما
لو فقدتينا كان سالتي مننا
انت مافقدتك انا بتكلم عن خالتي نعمات ومروة وموده فقدته البيت واللمه 
ضحكته وقلت والشجره
رفعت عيونه لا الشجره الفي بيتك عوضتيني عن الهناك
اممم لقيتي بديل لينا طوالي ولشنو مافاقداني ماعلي اساس بتحبوني
عشان سمحته لامي تسوقني بدون ماتدافع عني 
انا ماسمحت لها خالتي هي الرفضت وانا كنت مصډوم في الحاصل ومااتوقعتو
ضحكت وغيرة مجرا الحديث بس دقيقه انت ربيت شعر متين ودقن وشنب واكتاف رياضيه 
ضحكته بقيت سمح صح
انت من زمان سمح بس حاليا بقيت دمااار
انا رغم تغيري دا انتي عرفتيني انا مستغرب فيك
انا بعرفك بدون مااشوفك لمن جيت كوركته وتشاكل افتكرته نفسي بتخيل وكلمتك خليجي علي امل تطلع خليجي واحساسي يطلع كڈب بس لمن قلت جملتك البتقولها لي طوالي الشجرة دي الا اقطعها عرفتك ورفعت عيني مستغربه بسال نفسي محمد البجيبو هنا شنو محمد ضد فكرة الاغتراب 
كلامك دا معناه مازعلانه مني
لا مازعلانه انا ماحصل لومتك يامحمد
طيب لشنو عاملتيني بي كل الجفا دا
قصدك يوم شفتك لانك عاملتني بتجاهل افتكرتك ماداير ترجع الماضي وانك زعلان من امي لانها لامتك
انا مابزعل من خالتي مهما عملت معقوله بس دي امي التانيه يا هناء
رفعت يدينه شبكت مصابعه مع بعض عاينت لي وكانها بتستجوبني قالت عملت شنو في حياتك الاقنعك بالسفر شنو انت اخر واحد يسافر للشغل والبت الخليجيه المعاك دي حبيبتك صح 
ضحكته وقلت امي ياستي حلفت علي مااقعد خيرتني بين نارين يا اعرس نمارق بت عمي يا اسافر
وطبعا اخترت السفر لانك بتفضل الهروب دايما
انتي حتعملي زي احمد وتقولي انه دايما بختار اهرب
دنقرت في الطبق البت دي نست تجيب الملح
محتاجه ملح يعني دقيقه عاينته للويتر كوركته لها نغم 
نعم يا استاذ
ممكن ملح
اسفه جدا اتفضلو
عاادي ولا يهمك علي فكره اسمك حلو شبهك
ابتسمت تسلم يا استاذ لسانك شبهك 
معناها حلو
وجذاب
ابتسمته ومديت الملح لي هناء كانت صارا وشها وبتعاين لي 
في حاجه
حتي لو كنا اخوان مفروض تحترم انك جاي معاي الرشاقه دي اعملها لمن تكون مع اصحابك
نحن مااخوان
كنا اخوان
ولا حتي كناوبالنسبه للبت الخليجيه فهي زميلتي في الشغل وبتقضي لي خدماتي لانها بت البلد
زميلتك بس
اتذكرته سوالي الماردت عليه بخصوص نايل ابتسمته ودنقرته في الطبق وقلت الحياه في الخليج صعبه بدون اصحاب واهلرفضت ترد اكتفت بي نظرة غيظ
حسيت بالانتصار عليها وعجبتني نظرات الغيره البتعاين بها لي نغم وطريقه سوالها عن عنود حسيت اني ماشي في الطريق 
خلصنا اكل داير اطلب تحليه ناديت نغم هناء اعترضت وقالت اوصلها
لو خلتينا كمان شويه
لا زهجته من جو المطعم 
يعني ممكن تساهري في مكان