رواية جيران_الهناء بقلم~رماز~الخير

محتاجين حاجه حتي انوم 
قربته من غرفه البنات سامع هناء معاهم وبحكو عن اليوم وخاتين هدايا في السرير
موده اخوي بزعل لو عرف انكم شلتو منه هدايا
مروه نحن شلناها لانه قال محمد وافق وتميم وصانا نوري محمد بهم ونوري بنات الفريق كل
هناء انا ماعارفه لشنو كان مصر علي انه نكلم صحباتنا
انتي ما سمعتيه قال دعايه للمحل لانه جديد
ماعارفه حسيتو مغرور وداير الناس تعرف انه جلابي
ماتظلميه الود ظريف وحلو
ظريف ماشي بس حلو بكلم لك احمد وقامو يضاربو فهمت كلام تميم داير اطلع المچرم بالهدايا مشيت علي امي كانت في غرفته سلمت لها ومشيت غرفتي لحقتني بي يانسون عيوني ضحكت قبل خشمي مسكته الكبايه وقلت ياحجه الله يخليك لي والله كنت محتاج له 
ملاحظه لك بقيت تشربو بدل الشاي والقهوه الايام دي
دي زهجه بعد التخرج بس انا كويس ماتشيلي همي
انت حتسافر جد يامحمد
ايواه يا امي الدليل حيطلع بعد يومين حااقدم لهم وامشي باقي الاجراءت حيتكفل بها احمد
ربنا يوفقك يا ولدي محل ماتقبل
الدعوه دي بالدنيا والله ربنا احفظك لينا واخليك يا بركتنا
ماعاجبني سفرك بس انا اكتر واحده عارفه المخليك تسافر عشان كدا ربنا اعدل طريقك
ماوقتو ياامي
ولا حصل كان وقتو نوم يا ولدي نوم الليله تعبته
بوسته يدها وقلت الله يخليك
مرقت رفعت اليانسون بشرب فيه اتصل بي تميم ابشر يا محمد 
قول لي انه فتح الحساب
فتحو وجبت لك اسمو 
يا سلام عليك يا دكتور اها تغريد تقوي
الاسم بي الجوكر والبروفايل رسلته لك شوف الاسكرين بتاع الصفحه 
دفقت اليانسون الفي خشمي ونططه عيوني دا احمد
احمد منو !
لا ولا زول انت متاكد من انه دا هو البرسل 
ايواه متاكد عندي صحبي خليت له الحساب يتابعو لحدي فتحو ثواني بس رسل لي صورة تانيه اسواء من الاول وقفلو 
وانشاءالله صحبك ماشافها بس
معقوله ياخ دي حتكون مرتي حااخلي زول اشوفها بالمنظر دا انا حسام ندمان عليه لو ماالصدمه ماكان غلطته كدا
م مشكله المهم انت كمان احذفها لسه مابقت مرتك
ضحك وقال انا هين شوف البرسلها دا انا
لو لمېت فيه بعملو شاورما 
بتعرف الاقاشي بعد تعملو شاورما بظبطو بي سيخ الاقاشي واحلا اقاشي 
طيب اجتهد وانا بخلي صحبي اجتهد يمكن نعرف الموقع
تمام بالتوفيق 
قفلته منه وبفكر احمد مابعملها اكيد حساب مزيف طردته الفكره من راسي ونومته جاتني في النوم بي نفس منظر الصوره صحيت مخلوع لا ياربي لا ما للدرجه دي 
كان اذان الصبح استحميت وخجلان من نفسي اتوضيت وطلعت علي الجامع صليت اكتر من ركعه قريت قران استغفرته بكيت في السجود ربنا اغفر لي الحلم دا وامرقها من راسي قبل قلبي 
حاجه عاديه كونك تحلم بها انت راجل وبتحبها
احمد البت حتكون علي ذمه راجل تاني انت بتقول شنو حلم زي دا بخليني حيوان بس مااكتر ماتتخيل خجلان من نفسي كيف انا اعاين لها كيف بس تاني
بختتك قادر تعز نفسك في الحلم مع البتحبها
عاين لي كانت عيوني محمره وكلمه واحده بشيلو بخلي رجولو فوق وراسو تحت 
خلاص انا بهظر
شايف هظارك دا مناسب ولا وقتو 
قمته منه قعد اضحك
كنت شغال لاني مابعرف اقعد ساي اشتغلته يوميه مع المعلم البنشتغل معه رجعته المساء لقيت مروه تبكي وتنهق وهناء تحنس فيها وامي متمحنه تعاين لها
يابت ماخلاص
ياجماعه خير الماټ منو
تف من خشمك 
مروه مالك 
تبكي وتبكي
يابت بتكلم معاك قامت وبتقول مادايره مادايره
مشيت وراها وراي هناء
مروه انا بتكلم معاك دا منو هو المادايره دا
تميم اتصل بي وقال بتعرف الرقم دا
بعاين في مروة الپتبكي ويدها في وشها وقلت ياتو رقم
09......
ايواه بعرفوو دا رقم احمد خطيب اختي
دا الرقم المسجل به صفحه الجوكر البرسل لي الصورة
انت بتقول شنو مستحيل احمد مابعملها
عاينته في مروة البتقول لي هناء انا مابحب واحد زي دا مستحيل اعرسو كان اقعد بايره
قفلته من تميم ومشيت عليهم مروه احمد مالو
احمد دا ماراجل يا محمد 
عمل شنو فهميني .
مادايره وخلاص يامحمد انت مش قلت علي كيفي وانا مادايره
دا كان زمان الولد مالعبه في يدك علي كيفك تقولي دايره وعلي كيفك مادايره
مدت لي تلفونه وقالت شوف رسل لي شنو وانت بنفسك حترفضو الحقېر الحيوان
عاينته للتلفون كان بنفس حساب الجوكر مرسل صورة مخله بالادب وكاتب رايك شنو ماتعزيني بي صورة منك ضحكته وقفلته شاشه التلفون عاينته لها وقلت تسلمي لي اختي البترفع الراس خليك كدا حاجه زي دي اوعك تسكتي عليها
هناء وانت مبسوط مالك
خليك مني انتي شفتي الصورة دنقرت ضړبته وقلت اي حاجه لازم تشوفيها صح حشريه وعامله خجلانه
انا ذنبي شنو كنت دايره اعرف مروة پتبكي مالها
خليك معاها بمشي وبجي
احمد زفت احمد كان نايم والمخده علي راسو لزيتو بي رجلي وقلت قوم مرتك بتتشلب بي طريقه غزره
يامحمد عليك الله يااخ انا ندمته علي اليوم الحبيت فيه اختك وخطبتها فيه عشان صحبتنا تبقي كدا وتكرهني في سريري اديك الدبله عشان تخليني انوم
جدعته له التلفون وقلت ماتستعجل لو ماعرفته صفحتك الهكره منو حتجدع لك هي الدبله
لبس نظارته نطط عيونه وقال دا شنو
عرفته التلفون
قلب التلفون نط فوق وقال دا تلفون مروة عاين لي وعيونه توسع زياده مرق النظاره ولبسها تاني. دا منو ود المراه دا واختك شافت ال.... يا الله
لو ماعرفته الصفحه مع منو ماحااوضح ااي شي وهديك خليتها تبكي وتقول حيوان حيوان مادايره
قعد وداير ابكي والله ماانا
ضحكته وقلت عارفك ماانت تلقي وين انت زااتك
عاين لي وقال اوريك يعني ولا التشكيك دا شنو
ضحكتة وقلت خليه لي مرتك انا وريني الهكر القدر علي هكر فريقنا
فتح اللاب وعاضي شفايفه الصفحه دي لي زمن مادخلتها بكون استقل الحاجه دي اديني خمسه دقايق وبجيبو لك بس لو طلع الفي راسي ماتقولي جيران ولا بتاع الاتعدا عليها دي مرتي يعني شرفي
ضړبته في راسو وقلت شرفك يا البهكرو صفحته زولك دا معه صور لي هناء بي ملابس البيت وشعرها برا لو قلت لك خليه لبسني طرحه اوعك تتردد 
اخدنا زمن طويل نومته خليته
صحاني صوته وهو بقول لقيتو لقيتو فتحت عيني بعاين له 
لف اللاب علي وقام البس وقال اتخيل منو
عاينته للرقم ماعرفتو
منو يا احمد مافاهم شي دا رقم
دا رقم الحلبي دردقته لحدي ما خليتو اسجل الرقم الهكر به الصفحه
ماذن تاني ماذن هو مابتوب 
عدل القميص وبلبس في الشبشب فتح الدرج فتشو وكورك يمه مسډس امجد وين انا مش ختيته هنا
عاينته له وقلت مسډس واقسام وبتاع امشي عليك الله هو حلبي مسډس شنو البنشيلو له
محمد افهم ماذن مابراهو
عرفته كيف
صور هناء تفتكر ماذن جابها من وين !
اممممم طلعت من بالي فعلا معاك حق انا كمان نسيت اسالها عن المسک تلفونه منو 
بس دا مابحتاج مسډس خلينا نمشي البيت هناء قاعده مع مروه ماحتمشي لو ماحضرتك صالحته سوناكشي العندي دي
مابصالحه اذا ماجبت لها حقها انت عارف يعني شنو اوريها عورته
وانا البقول عليك عاقل
ماتحرق روحي العقل براهو ودا براهو انتظر اجيب المسډس انا مابرتاح اذا ماشلت المسډس اووكي
علي كيفك بس مسډس لي حلبي دا استخفاف بينا وتكبير قيمه له
اتصلت لي هناء وقفته في الباب واحمد اتصل