رواية جيران_الهناء بقلم~رماز~الخير
خلعه محمد !!
لو عارف حتعملي في نفسك كدا والله العظيم ماكان خليتك تقري
اعمل شنو ماقادره اتجاوزها
انا ماشفتها لمن شلتيها لو شفتها ماكان خليتك لانه اي واحد قراها عملت فيه كدا
انت ذاتك
انا بالذات تعبتني
طلع عندك قلب
ختيت يدي في صدري وقلت اااجي مالي ماعندي سجمي عايش بي شنو
ضحكت لمن رجعت وشها لي ورا وقالت الليله رايق استقلك روقتك دي واطلب منك طلب
محتاجه اقيف في مكان مافيه ناس واصړخ بتعرف مكان زي دا توديني له
الحاجه دي بتريحك يعني
ايواه بتريحني شديد جريته وقلت معناها ارح ركبته موتر واحد صحبي جات تغريد شافتنا كوركت محمد ماشي وين مخلي تخريجك
رفعت يدي وقلت راجعين ياتغريد
هناء خاېفه وترجف
هناء امسكي كويس عشان ماتقعي
امسك وين بس
مسكت في روب التخريج وطيرته بي الموتر طيران مشينا علي البحر وقفته وقلت لها بقولو الزعلان يشكي للبحر بسمعو
نزلت وماشي علي المويه عاينت لي مسافه ابتسمت ورجعت عاينت للمويه بدت تصرخ لشنو يا طارق لشنو بسسس انا اتحمل كيف ماقادره امرقك من راسي لشنو احصل كدا انت العلمتني الثقه بالنفس اهم من راي الناس كيف نهايتك تكون كدا
عاينت لي وقالت اااااا
دا شنو الصوت دا اتلفت عليها وقربته منها وكوركت شديد ااااااااااا ختت يدينها في اضانه ضحكت وقربت مني وبدت تصرخ
نصرخ مساافه طويله جريته قعدته في الرمله وقلت كفايه يااخ معقوله ماارتحتي لسه
ضحكت وقالت احسن والله تصدق
ضمت رجوله علي صدره وربعت يدينه عاينت لي وقالت بتجي هنا كتير
بعد ۏفاة ابوي بقيت اجي كتير تتذكري يوم اټوفي ماكنت عارف امشي وين ولي منو جيت هنا وصرخته للصباح
وارتحته
ودا چرح بروح بالصړيخ فقدان الاب دا يعني السلسله الفقريه نقصت فقره وصعب تنعدل عديل انا وانتي بس البنعرف معني الفقد دا
ابتسمته وقلت دا تفكير غريب لانه الولد اكتر تاثير من البت انا يا هناء بعد ۏفاة ابوي بقيت مابنوم بالليل خاېف علي اخواتي وعلي امي حياتي بقت عباره عن خوف حتي المۏت بقيت اخاڤ منه انا لومته البحرسهم منو البحميهم منو البسترهم منو الحيعمل لهم حساب منو انا بقيت الحيطه البستندو عليها ابوي لو عايش كنت حااكون شماسي ماعندي هم بس فقدانه كبرني ميه سنه
انتو دايرين بي معاينتهم شنو
مانتحب يعني مروه الله نجدها من البوره بس انا لو بورته حيكون بسببك
عاينته لها وقلت انتي تبوري مستحيل انتي المن اسي بتشاكلو فيك
الاتشاكل فيني منو بطل كڈب قامت ماشي علي المويه رفعت الفستان فوق ربطته وكفت البنطلون التحته
دا شنو يابت نزلي الزفت دا
مافي زول والواطه ليل يامحمد وبقت تلعب بالمويه عاينت لي وقالت محمد ماتجي المويه حلوه
لا ماجاي
عليك الله تعال والله حلوه
شافعه لو ماجيت مابتخليني صح
هزت راسها وقالت هئئم
قمته بكفكف في البنطلون ومرقته الروب ختيته في الموتر ومشيت وقفته معاها علي طرف البحر بنلعب بالمويه.
اسال سوال ياهناء وتردي علي بدون ماتختي في بالك اني محمد اخوك الكبير
اها اسال
العجبك في شخصيه طارق المغربي شنو
مطتت شفايفه وقالت بتذكرني به لشنو بعد نسيته
ردي لي ماارميك في المويه دي
دا ماسوال لك يامحمد انت بتهظر طارق دا كل حاجه فيه بتجذب كريزما حضور شخصيه منطق تفكير شجاعه جراءه حتي في الحب حبيب
حبيب كيف وهو مااتزوج مني
ضحكت وقالت الحب ماالا ينتهي بالزواج. والسبب المنعو الزواج من مني رغم حبو لها دا براهو اخليك تنجذب له اتخيل ضحي بي حبيبته البكاء عشانه لمن جدعت له الدبله وفضل لابس ددبلاتهم حقت الخطوبه ومرقها لمن اضطرا ختت يدها علي حنكها وقالت يا الله علي الرومانسيه تتذكر لمن قلت لك فارس احلامي لازم اكون رومانسي انا اسي بقولك لازم اكون شبهه طائر السمندل
يعني الواحد عشان تعجبي به الا اعمل انقلاب
انا قلت لك شخصيته ماقلت لك العملو انت من شخصيته ماشفت الا الانقلاب ماشفت المساعدات الكان بقدمها للمحتاجين مع صحبه دا كان بسافر ولايات تانيه وارجع بس عشان يوصلو حوجه يا الله يا طارق يا الله
خلاص خلاص ماتبكي انسي خلينا نرجع بكونو منتظرنيحاسي نفسي خروف خروف وانتي بتتكلمي عن راجل كدا
ضحكت وقالت ياريته لو حقيقي و ماراجعه ماراجعه
هناء ماتستقليني اكتر خلينا نرجع
اتلفتت مني وربعت يدينها وقلبت شفايفه وحمرت عيونه وبتقول ماراجعه مسكته يدها داير اسحبها جرت يدها مني فقدت توازنه وقعت في المويه صرخته هناء لا يا هناء نزلت جبتها وطلعت پصرخ هناء انتي كويسه
اخدت نفس كحت وقالت كويسه يامحمد ماتخاف مسكت اكتافه بيدينها وتفرك فيهم
غبيه وعنيده كان في داعي لي كدا
قول لنفسك
طيب قومي معاي ولا برضو ماراجعه
لا ماخلاص باظ اي شي خلينا نمشي
ركبته في الموتر وغطيته بالروب من البرد مسكت فيني واتحركته ختت راسها علي ضهري وغمضت عيونه مسكته يدينها دخلتهم فيني عشان ماتقع وماشي
هناء
اممم
سمعتك بتقولي طارق المغربي علمك الثقه بنفسك
اول موقف له وسط الطلبه وهو بقول كلماته المؤثره لهم حسيته قاصدني انا بها حسيتها موجهه لي
كلماته!!! قصدك ياتها !
اتعرفون من انتم انتم مجموعه من الاحلام احلام بالنسبه لاباءكم او لانفسكم او اوطانكم يتصور البعض منكم انه يريد ان يكمل الجامعه ليتأهل الي الوظيفه المناسبه بدون اي فلسفه للموضوع طبعا الغالبيه منكم تنحي الي هذا المنحى وقد يعود ذلك الي عوامل اقتصاديه او اجتماعيه او غيرها ولكن اليس بالامكان توسيع نطاق هذا الحلم اليس بالامكان ان اقول انني اكثر من مجرد طالب من الاف الطلبه اليس بالامكان ان اثر بالمكان قبل ان أأتاثر به
اتعرفون كيف ننضمن للاوطان غدا افضل
الفرق هو انت لا تقل لنفسك من انا لافعل كل هذا لا تبخس نفسك قدرها فانت كل شي انت اليوم وانت الغد
انت تملك الاختيار انت تملك الزمن
انت الاقوي انت الاغني
الثقه بالنفس تصنع الفرق الثقه بالنفس تجعلك تفتح الباب لتري اكثر .
معقوله حفظتيه قريتي كم مره
مامحتاجه اكرره يامحمد انت عارفني لمن اركز بحفظ من اول مره
بديت احس بالغيره من طارق دا مع انه مجرد شخصيه خياليه للكاتب.
وصلنا الحله تباريح برا شافتنا والشباب كانو متجمعينضيوف التخريج والخريجين من الحي فكانو متجمهرين
تباريح كوركت ياتغريد تعالي شوفي كاجول وشاه روخان.
هناء اصحي وصلنا انزلي عشان ارجع الموتر لصحبه
نزلت ماسكه الروب وعيونه نعسانه متحركه ماشي قعدته في الموتر منتظره تدخل عشان اتحرك اشوف لك تقوي جات خمشته من شعرها نزلته علي الارض يا فاجره ياصايعه ياهامله مسافه ابطل الموتر وانزل عليهم الناس اتجمعت وحاوطته بتحاول تحجزها زحيت الناس وجريت هناء
تقوي طبعا بتدافع لها ماانت زيها صايع وديتها وين خليت خطيبتك وتخريجك عشان ......اديتها كف وعدلته بالتاني ماتحترمي نفسك انا عشان مقدر خالتي فتحيه بتقلي
