رواية جيران_الهناء بقلم~رماز~الخير
ادبك علي البت كل مره احترمي نفسك ولمي روحك
ماسكه خدها انا محترمه بس الدور علي الوراك دي جات خالتي انتصار وامي مع البنات طلعو واقفين في الباب بعد شافو المشكله مع هناء جو علينا
دايره شنو انتي ياتقوي خالتي سوقي هناء وادخلو جوا جات تباريح انت بټضرب اختي ما كلامه صاح انا بي عيني شفتك مع هناء جوا غرفته واخر ضحك وونسه ومتحاضنين عضيت سنوني ومشيت عليها يعني دايره اضربك زي ماضربته اختك صاح
اخواتك محتاجات تربيه
وانت المعاك مامحتاجه تربيه خليت تخريجك ومشيت معاها وين ااااا
نزلت يدي وقلت احسن ماتخوضي في الحديث دا عشان مانندم
عقدته حواجبي وقلت ناتج عن شنو !
قلة ادب ووقاحه منكم الاتنين ماكفاكم غرفتك وغرفته طلعته واحتفلتو في ياتو بيت.......اديتها كفين والتالت رفعت يدي وقفتها وقلت لحدي هنا وكفايه كل البحصل دا عشان الدبله دي مش مرقته ختيته في يدها وقلت لها هناء وقعت في المويه جريت روب التخريج وقلت الداير استحمي بسبب فهمك الفي راسك ولا راس غيرك مابستحمي بي ملابسه جريت هناء خليته وسطهم وقلت دي مويه بحر ولا مامويه بحر
عاينت لي تقوي واخواته وقلت بصوت عالي انتو التلاته رغم مصايبكم كنت عامل اعتبار لي خالتي اللهي امكم خطبتك وماغلطته فيك ولا قللته من احترامك بس بما انه دا الطلع منك الله بيني وبينكم يابنات فتحيه من يوم الليله لا تتعرضو لا لي هناء ولا لي. عاينته للناس كوركته فيهم في شنو بتعاينو لشنو كل واحد علي بيته
محمد طرته وين انت سالته خطيبتك ماعارفاك
حسام ماتسالني اتفضل موترك انا راجع
حترجع بي شنو
بشوف ااي حاجه ماحنك
لا خلاص ارجع به الزمن متاخر ماحتلقي حاجه امسك انا مامحتاج له وبيني وبينك الليله البيت مليان ضيوف اقوم اتسرق ساي
ماشي قال لي محمد
اتلفت عليه اممممم
البت الكانت مع اخواتك دي بتبقي لكم شنو
منو دي
لابسه فستان مشجر وطرحه بالاخضر ومكشره وشها في التخريج وطلعت بدري
قصدك هناء !
ماعارف اسمها كانت مع اهلك
عدلته وقفتي وقلت مالها
مخطوبه ولا محجوزه
ادخل في الموضوع يا حسام انا مافايق لك
خالي دكتور تميم انت بتعرفو صاح
شافه في التخريج وقال اكلمك انه لو مامخطوبه هو دايره
انت اسي بتخطبها لي خالك ونحن في الشارع
واخطبها منك انت يا شماسي لشنو اهلها وين هي
معقوله مابتعرفها ياحسام دي بت جارتنا خالتك انتصار
ياخ معقوله جارتكم ماعايشه هنا ولا شنو سامع صوت بكورك حسام يا ولد اتلفت وقال جاي يمه محمد نتكلم بكرا المهم اكلم خالي انه مامخطوبه وسنقله لانه ژاني في راسي من شافها
حسااااام يا ود
دخل خلاني ركبته الموتر وماشي ماعارف امشي وين البيت ماقادر ارجع كل مااتذكر الحصل بتخنق وبحس الاكسجين ما واصل مخي
الوووو محمد وين انت يا راجل
داير شنو يااحمد
وين انت انا جاي عليك
اخدته نفس انا البت دي خطبتها لك عشان تبقي جاسوسه وتنقل لك البحصل معاي
ما الا تحكي لي هي الفريق كل بحكي
وانت دقيت بيوت الفريق باب باب
وين انت خليني اجيك واعمل فيني الدايرو
انا في البحر تقدر تجي
بتفكر في شنو
جاها عريس
منو
هناء يااحمد جاها عريس دكتور ومن عيله محترمه
تاني يامحمد تاني
في شنو مالك
انا المالي ولا انت وريني بس ناوي ترجل متينماتحمر لي البتعمل فيه دا اسمو عدم رجوله انت ماقادر تواجه نفسك خلي هي
متحجج بي اسباب تافهه عشان تعيش دور الضحيه والمضحي بس البتعملو دا مافي غيرك زول حيندم عليه هناء لسه قلبها نضيف والبتختارو لها حتحبو وتعيش مبسوطه بس انت انت ال............بتمني. بتمني لها السعاده من جوا قلبي انا مابقدر اسعدها انت ماسمعته التهم الاتوجهت لها اليوم بسببي وانا واقف
ودا سبب اخليك تعرس لها ولا تمسكها عليك
امسكها علي عشان تعيش عمرها في مطاعنات بنات فتحيه وصحباتهم احسن تعرس وتمشي بعيد تعيش مبسوطه وتكون اسره
وانت
انا مالي
حتعيش كيف
انا كمان حاابعد بعد المناقشه حااسافر اقضي الخدمه كم شهر كفيلات انسوني لها
حتسافر ماعلي اساس اخواتك وامك ومستحيل وشنو
ربنا يخليك لهم انت حتعوض مكاني بس والله اسمع انك مستقل عدم وجودي وداخل مارق مع مروة
قبل تتم انا لو داير اعمل كدا ماكان خطبتها خطبتها يعني دايره لقدام يعني احافظ عليها عشان تشيل اسمي
السم اسمك وينو هو
انت مفتكر الضحكه بتضاري الۏجع ماتكذب علي نفسك
احمد ماتعذبني عليك الله
العريس منو
شنو
العريس المتقدم لي هناء منو
خال حسام دفعتي
ووواوو حسام الجلابه اقسم بالله البت دي محظوظه انا ماقلت لك حيجي المناسب البخلي خشمك ملح ملح
انشاءالله اكون مناسب
لشنو بتقول كدا
مافي شي بس كفايه حيدر قلنا مهندس محترم طلع ابليس متنكر عشان كدا حااسال من تميم قبل ما اجو عشان اكون عارف مسبقا
خليها علي بجيب لك قراره
مناقشتي كانت بعد اسبوع من التخريج
بلبس في غرفتي وفاتح الاسبيكر بتكلم مع احمد وبلبس في الكرفته
بعد تشوفني بالقميص الابيض والكرفته انا متاكد حتغير رايك وتخطبني بدل مروة
انتظرني انا جاي في الطريق مافي غيري حيوصلك مناقشتك فاهم
عاينته للساعه وقلت خمسه دقايق مابنتظرك اكتر الباب دق رفعت القلم ختيتو في جيبي وقلت اتفضل
محمد الحمدلله لحقتك
هناء خير
ماسكه كيس طلعت حزام منه وقالت امسك غير حزامك القديم القطعتو فينا دا والبس دا انا اخوي بعد وجاهته دي اناقش بي حزام قديم
دا شنو يا هناء
البس البس فكيت الحزام بلبس فيه وقلت حزام جلد معناها اعملو حسابكم الايام الجايه
ضحكت وطلعت علبه ساعه فتحتها وقالت نحن اتعودنا علي الحزام مسكت يدي طلعت القديمه جدعتها ولبستني الجديده باللون الاسود
كدا انت محمد نجم الدين الشاب المكسر كل بنات الحي
عاينت لها بي نظرة اعجاب وقلت تسلمي يا حبيبتي ربنا يقدرني واجازيك
ضمتني بعفويه مدخله يدها بيديني وتاكله راسها علي صدري وقالت انت بتستحق اكتر وانا اسفه لاني كنت السبب في انفصالك عن تغريد
زحيتها مسكته وشها بيديني وقلت انا الاسف لانك سمعتي الكلام داك بسببي
ابتسمت وقالت عاادي كل الناس عارفه بنات خالتي فتحيه بحبن السلبطه وماتنسي كلام طارق
انت تملك الاختيار انت تملك الزمن
انت الاقوي انت الاغني
الثقه بالنفس تصنع الفرق الثقه بالنفس تجعلك تفتح الباب لتري اكثر .
زحيت يديني وقلت لسه متذكره كلامه
مستحيل انساه خصوصا بعد منعتني اقرا روايات فهو اخر حاجه قريتها
منعتك لانك غبيه كنتي حتموتي بسببها
خليني اقرا واحده كل شهر عشان خاطري يامحمد وعد مابتاثر
