سر مرعـ،ـب
بعدها حد اداني ورقة في الضلمة .. ولما جه النور لقينا مكتوب في الورقة عنوان .. ولما سألتك تاني علي تليفون حسين .. قولت ان قالك ان ممعهش تليفون صح " ، قولتله " صح" ، كمل كلامه وقال " ولو سألتك علي عنوان بيته هتبقي عارفه !؟ "
قولتله " لا ! " ، سعيد كمل كلامه وقال " اللي في ورقة ده جواب علي الاسئلة دى .. الجملة اللي علي الكورة بتقول " دوروا في المكتوب هتلاقوه " دى أكيد كده بيقولنا علي اللي احنا بندور عليه .. واحنا بندور علي مين ؟ " ،
، سعيد رمى الكورة اللي كان ماسكه وهو في حالة lلڠضپ من السؤال الغبي اللي انا قولته وقال " بعد اللي انا قولته ده كله .. بتسأل هنوصلوا ازاى ! "
قولتله " اسف اسف .. انا فهمت .. العنوان اللي في الورقة هو العنوان بتاع بيت حسين صح كده "
، سعيد ابتسم وقال " مظبوط " قولتله " بينا علي بيت حسين " ، خرجنا ورحنا علي المكان اللي في العنوان ، وصلنا الشارع اللي في عنوان البيت ، مكانش في اى حد ماشي في الشارع عشان نسأله عن البيت ،
المكان تحسه مهجور ، وشوية ولقينا واحد داخل بيت ، مشينا ناحيته بسرعة عشان نسأله علي بيت حسين .. ولما قربنا عليه اتقجئت بيه كان حسين نفسه ، مسكت فيه جامد ، لقيته قالي " اهدى يا بيه وانا هقولك علي كل حاجة "
دخلنا عنده البيت وقال " انا يا بيه مكنتش اقدر اقولك علي حاجة من الأول .. بس خلاص انت اكيد شوفت حاجات في البيت غريبة .. البيت ده في لعنة من زمان بسبب ان في طفل lټقټل في البيت " ، قولتله " واتقتل ليه !؟ " ، رد وقال " عم الطفل .. قتلوا عشان يبقي صاحب البيت بعد ما ابو الطفل مlټ ومبقيش ليه حد غير عمه ..
البيت كان باسم ابو الطفل وطبعا الوريث الوحيد للبيت هيكون الطفل بعد ما ابوه مlټ ، وسمعت ان السبب في موت ابو الطفل هو عمه برضه " ،
قولتله " يبقي كده لازم نعرف عم الطفل فين .. وانت اللي بعتلي البيت .. يعني انت الوسيط ما بينه وبيني " ،
حسين رد وقال " انا من ساعت ما بعت البيت ليك وانا مش بشوفه "
، سعيد قاله " يعني انت مكنتش بتكلمه بالتليفون !؟ " ، حسين رد وهو بيخرج كل حاجة معاه وبيقول " شوف بنفسك يا بيه .. لو لقيت اى تليفون معاية شوفه " ، قولت لحسين " تمام يا حسين احنا هنحاول نصدقك " ،
