عازف الناي
قصة ( عشق lلخۏڤ ) غامضة و مړعپة
انا اول مرة اسمع العزف ده في الحلم وانا نايمة ، والصدمة الاكبر كمان اني لقيت رودينا بتقولي وهي بتضحك " يا بختك يا بت المحظوظة " بصيت ليه و علامات الدهشة لسه مكملة " ليه !؟ " ردت وقالت " اسم العزف نازل باسمك " قولتله " اسمي ! ازاي !؟ " رودينا ورتني الموبيل ، بالفعل اسم العزف علي اليوتيوب مكتوب " عزف سارة " دي الجملة المكتوبة تحت الفيديو …. يتبع
بصيت ناحية رودينا وانا بقولها " انتي عارفة مين صاحب الفيديو او القناة دى ؟ " ، رودينا هزت راسها بالنفي وقالت " لا ليه ! ؟ " ، لسه هحكيلها لقيت الموبيل وصلت عليه رسالة ، فتحت الرسالة بسرعة لقيت مكتوب فيها " عجبك العزف الجديد ؟ " ، قلبي وقف من الرسالة وبصيت ناحية رودينا بسرعة بدهشة ، رودينا كمان كانت باصة ناحيتي باندهاش وقالت " مالك في اي !؟ " ،
رديت وانا بمشي " انا لازم امشي " رودينا عقدت تنده عليا وانا بقولها وانا بمشي بسرعة ناحية البيت " متقلقيش مفيش حاجة " ، كل تفكيري وانا بمشي ناحية البيت ومروحة كان في الرسالة اللي وصلتني ، وفي اللحظة دي وقفت مكاني وخرجت الموبيل وانا ببص علي رقم صاحب الرسالة لكن مفيش رقم ومفيش صورة واضحة ، الصورة بتاعت صاحب الرسالة غامضة ومش واضحة ، مش باين في الصورة غير حاجة واحدة " الناي " ، في لحظة تفكيري لقيت رسالة جت منه ، لما بصيت فيها كان مكتوب " هتفضلي واقفة في الشارع كتير ! " جسمي قشعر من الرسالة ، قفلت الموبيل وبصيت حواليا پټۏټړ ومشيت بسرعة ،
