تعاقبنا_بذنب_غيرنا كاملة بقلم _خالدة_بشير وميساء_مصطفي

بيكو لا تطلع بيكو تعال بيكو الله يخليك لا تطلع..... مرة انادي ليهو ومرة اصړخ من الألم وشدت الضړب لحدي ما دخلت في حالتي النفسيه بقيت ما حاسه باي حاجه بس عيوني يتحركو ...قلبي تقطع لما شفت اخوي فتح الباب وطلع وانا ماقادرة اعمل حاجه تمنيت لو جاتهو حالتو قبل مايطلع بس للقدر اقوال ابوي ضړبني لما قنع براهو من الضړب وقف داير يدخل غرفتو شافني بعاين ليهو بس انا كنت بعاين ليهو دايراهو يساعدني عشان الحق بيكو بس هو افتكر معاينتي ليهو معاينت تحدي شال طربيزة الحديد الجنبو وضړبني بيها بكل قوتو بس الله كريم الضربه ماجاتني في راسي جاتني في رجلي اليمين وجعتني في البدايه بس تاني ماحسيت بيها نهاي ........طوالي دخل غرفتو وقفلها عليهو كانو ماحصل حاجه ....... انا بقيت علي حالتي دي قرابة النصف ساعه تمنيت لو اموت وارحل لي المقاپر لانو هناك علي الاقل بلقي الراحه والامان .................
في مكان بلبل....
فتحت الباب ودايرة تطلع سمعت صوت المرا تنادي لي الشغاله پغضب بسرعه اختفت وراء عمود الاارش لحدي ما المرا مشت علي الغرفة المحپوسه فيها الشغاله واللي هي غرفة بلبل الكانت قاعده فيها بلبل قالت لو ما طلعت من هنا بسرعه ح يكتشف امرها بسرعه فتحت الباب وخلت نعلاتها فوق الباب بي جوا وطلعت...في الشارع مرة تجري ومرة تمشي لحدي ما لقت ليها سيد تك تك طلبت منو يوصلها معاهو لانو بيتهم بعيد شديد من البيت الكانت فيهو المهم الراجل وافق ركبت وطول الطريق تدعي في ربنا انو تصل قبل ما المرا تمسكها ........
نرجع نشوف بسمه عملت شنو......
بس نصف ساعه رجعت لي طبيعتي وبديت اتحرك مسكت في الكرسي وحاولت اقيف علي حيلي بس جسمي كلو موجعني وبالاخص رجلي اليمين اللي انضربت فيها بالطربيزة غلبني نهائي اقيف علي حيلي بقيت احبي حبي بيديني ماشه علي الباب وكل همي دايرة اشوف بيكو ا خوي مشي وين والحصل عليهو شنو كل ما امشي شويه جسمي يوجعني اخد لي راحه حبه وتاني ارجع احبي لحدي ماقربت لي الباب ومديت يدي دايرة افتحو فجاءة الباب انفتح وكانت الصدمه الكبري.......
سيأتي دور أيامك الجميلة و أحلامك الحلوة احتضن ظنونك الطيبة لن تنتظر طويلا ستحلو الحياة 
فجاءة الباب فتح وكانت الصدمه الكبري بالنسبة لي لما شفت ابوعمر ومعاهو شله من الرجال والنسوان والأطفال فوق الباب .. انخلعت وبقيت اعاين بشفقه دايرة اشوف بيكو بينهم مالقيت ليهو اي حس زاد هلعي بقيت اسال في ابو عمر بخلعه الله يخليك شفت لي بيكو في اللحظه دي شفت عيونو زي الدمعن جسمي كل هبط وحسيت بي احساس اول مرة احس بيهو ......
ابوعمر بدون ما يرد علي جا داخل فجاءة شوفت الراجل الوراهو شايل بيكو علي يديهو والدم ما مخلي حته في جسمو ح اترك ليكم الاحساس ده تحسو بيهو انتو لاني مهما كتب ما ح اقدر اوصفو ليكم في اللحظات الذي دي يجف القلم ويابا ان يكتب صړخت بدون وعي وتاني ما صحيت الا وانا في المستشفي تمنيت لو يطلع حلم بس لا نحن مكتوب لينا نعيش الحاجه دي بكل تفاصيلها..... .فتحت عيوني بقيت اعاين لقيت عماتي ونسوان اعمامي وخالتي وحبوبتي كلهم واقفين فوقي والدموع في عيونهم حاولت بكل وقوتي وقعدته علي حيلي .........خالتي بيكو وين انا دايرة امشي ليهو بقيت ابكي واكورك ......خالتي مسكتني عليها شديد بيكو بخير يابنتي بس انتي لا تبكي وتتعبي حالك ......حسيت براحه لما قالت كلمه بخير رجعت تاني رقدته ..................
فلاش بااااااااااااااك
اثناء ماكنت غابيه عن الوعي ابوعمر دخل لي ابوي وكلموا انو شاف بيكو لما طلع من البيت كان جاري وببكي ولما داير يقطع الشارع ضړبتو عربيه ونحن شلناهو وجبناهو البيت و ما معروف اذا كان حي ولا مېت يلا نوديهو المستشفي باقصي سرعه ابوي لما سمع الكلام وشاف الډم نازل منو ما تحمل و دخل في غيبوبة سكري بس كانت خفيفه جابوا عربيه ونقلونا الثلاثه علي المستشفي ...... الدكاترة عملو كل جهدهم عشان ينفذو ابوي يلا ابوي بعد ربع ساعه صحي ظهر عندو سكري في مراحل متاخرة شديد ....وبيكو مما دخل المستشفي دخل مېت الضربه جاتو في الراس واثرت عليهو اعمامي عملو الاورنيك الخاص بالحاډث وكل إجراءات المستشفي وجابو الإسعاف نقلو بيهو ابوي وجثمان بيكو ..........
انا طبعا وعيت متاخرة بعد ابوي واخوي بي نصف ساعة عماتي انتظروني لحدي ما صحيت ساقوني وطلعوا ولي الساعة ديك ماعارفه بيكو ماټ ولا الحاصل عليهو شنو وكل ما اسال منو يقولوا لي بخير لحدي ما وصلنا البيت ......
سندوني خالتي ومرة عمي علي أكتافهم ولما دايرين ندخل شفت النسوان ماليات المكان بس تجاهلتهم ودخلنا واثناء ما ماشه علي الغرفه عاينت لي بيكو فوق السرير ملفوف بالقماش الابيض