تعاقبنا_بذنب_غيرنا كاملة بقلم _خالدة_بشير وميساء_مصطفي

مۏته ..........طيب يابلبل وعد مني لو اكلتي ح رجعك اهلك في اقل من اسبوع.............ليه اسبوع كامل رجعوني هسي ........ تتكلم مع نفسها انتي اصلك مابتفهمي كيف نرجعك هسي ولسه الحاجه الجايبنك ليها ما انتهت .... لو اكلتي ممكن نرجعك في يومين اوثلاث بالكتير ..........طيب انا ح اكل بس والله لو ما نفذتي وعدك اشنق نفسي واشيلك الچريمه..........
اتفقنا يلا نحن طالعين اكلي براحتك ولو احتجتي حاجه اتصلي علينا .....
طلعوا وخلو بلبل تفكر ليها في طريقه تطلع بيها قبل الاسبوع ما يكمل لانو خاڤت يعملو ليها حاجه في الاسبوع ده .....
المدرسه....
بعد ما الطابور خلص والطلبه دخلو الفصول وبدات الحصه الاولي بسمه كانت قاعده وسارحه في كلام صحباتها وما مركزها نهائي في الحصه وكان من عادتها تشارك الاستاذ الكلمه بالكلمه بس المرة دي ساكته تعاين ل بعيد الاستاذ انتبه لعدم مشاركتها وانو ما طبيعيه جاها طوالي لحدي ماوقف قصدها
......بسمه .......وقفت علي حيلها ايوة يا استاذ .......ممكن تقولي لي آخر كلمه انا قلتها .........بقت تحك في راسها عشان تذكر بس مافي فائدة معليش ياستاذ والله ماعارفه ........طيب كنتي وين.......كنت قاعده معاكم هنا ........معقوله زول يكون قاعد معانا وماعارف الاستاذ بقول في شنو...........معليش بعتذر ما كنت مركزه معاكم..........
مروة وهويدا قعدو يتهامسو ويضحكوا الاستاذ انتبه ليهم ......مروة وهويدا يلا اقيفو علي حيلكم .......حاضر ياستاذ.......كنتو بتقولوا في شنو ........ولا حاجه بس كانت دايرة تفتح الكتاب وانا قلت ليها ما تنشغلي من الحصه ......
نطت احسان من جنبهم والله كذابين ياستاذ احمد ماقالوا كدي ......هويدا ومروة عملو كدى..........
طيب انتي سمعتيهم ......ايوة مروة قالت لي هويدا 
عايني ليها تكون سرحانه بتفكر ليها في طريقه تلحق بيها اختها الهاربه وبقوا يضحكو يا استاذ .......
شكرا يا احسان تفضلي اجلسي وهويدا ومروة اتفضلو برة حسابي معاكم بعدين وانتي يابسمه خلي بالك في الحصه وامور ومشاكل البيت لازم تخليها برا باب المدرسه عشان ما تاثر عليك وعلي قرايتك ......
حاضر ياستاذ قعدته والدموع نازلات مطر بقيت اتخيل كل الطلبه يتكلمو علي واثناء ما الحصة شغاله ضړب الجرس الاستاذ استغرب وطلع يشوف الحاصل شنو ......عدي خمس دقائق وجانا راجع قال لينا اطلعو ديل ناس الإرشاد الاسري الجو المرة الماضيه دايرين يكملو ندوتهم...... كل الطلبة طلعو الا انا بقيت مترددة اني اطلع لانو موضوع الندوة بتكلم عن قضية الطلاق والحاجه دي بتالمني شديد دايرة تبدا الندوة جات المشرفه مارة بالفصول عشان تطلع الطلبه الماعايزين الندوة ........دخلت فصلنا لقتني قاعدة اكتب في العربي .....يلا يلا يابسمه اطلع الحقي زميلاتك ......بس انا ماعايزة اطلع .......ليه ان شاء الله ......ما لي حاجه بس حاسه راسي مصدع ........ كلها نص ساعه ما بتعمل ليك حاجه ح تستفيدي منها .....طيب طلعت قعدته في اخر المقاعد عشان اكون بعيدة وما اسمع كويس .....
بدات الندوة والدكتورة بقت تتكلم......... السلام عليكم ورحمة الله وبركاته يلا ياجماعه ما راح نطول عليكم وناخذ كتير من زمنكم نبدا من حيث وقفنا المرة السابقه 
في المرة الماضيه تكلمنا عن اسباب الطلاق كيف يحدث ولماذا يحدث وحكمه من قبل الدين ماعايزة اتكلم عن اسباب الطلاق لانو كل زوجين عندهم اسباب بتخصهم لحالهم يعني بتختلف الاسباب من بيت لي بيت عشان كدا غضيت الطرف عنها .......... وطبعا كلكم ماكان عندكم سؤال بالنسبه لي الحاجه دي وده بدل علي انكم فهمتو واللهم لك الحمد .............. طيب حاليا ح نتكلم في نقاط عن ......
بعض الاثار النفسيه والاجتماعيه المترتبه علي الطلاق بالنسبه للأبناء ...
يصاب الأبناء بتشتت بين الأم والأب يعني كل جزء يكون مع واحد نص مع الاب والنص الثاني مع الام . 
يصابون ايضا بسوء التكيف النفسي والاجتماعي يعني دائمآ يكونون في عزله ومابحبو او مابقدرو يخطلتو بالناس وعندهم ضغط نفسي صعب .
الفشل دراسيآ واجتماعيآ في كثير من الاحيان
يفتقدو لأساليب التربيه والتنشئه السلميه داخل الاسرة المفككه مما يجعلهم عرضه لا رتكابهم الچرائم
يصابون بضعف البناء النفسي والذاتي ويتصفون بالحد والعڼف
يعيشون فراغآ عاطفيا ولايشعرون بالامان مع الآخرين كما يؤدي عامل غياب الاب الي فقدان النموذج والقدرة في الاحتذاء به
يصاب الابناء بالصراع الداخلي نتيجة اڼهيار الاسرة 
تظهر عليهم علامات اللامبالاة والفتور وفقدان علي الاستعاب واعلان التمرد والعصيان وهذا كلهو تسببه الصدمه النفسيه لانفصال الوالدين 
يصاب الأبناء ايضا اثناء المنازعات والخلافات المتكررة قبل وبعد الطلاق بالتوتر النفسي وينتج عنه ...
زيادة في إفراز هرمون الضغط العصبي الذي يضر بعض اجزاء المخ وبالاخص مركز الذاكرة لدى الطفل.....انخفاض في إفرازات هرمون النمو في الجسم الذي يفرز اثناء النوم العميق والمتوتر نفسيآ يضطرب لديه النوم فيقل افراز هذا الهرمون........يؤدي التوتر الي ضعف جهاز المناعة في الجسم. 
ده جزء بسيط من الاثار ولو الوقت بسمح لنا كنا ح نذكر المزيد .....
طبعا الاثار دي بتكون موجودة بكثرة في حالات