قصة ( من العالم الاخر )

كفيف وصاحب مرض" ، امي ردت وقالت " يا بت الراجل بنسمع من زمان انوا مكشوف عنوا الحجاب وان ربنا مديه نور " ، بالفعل عرضت الفكرة علي عماد ووافق ، رحنا للشيخ صالح بعد صلاة العشاء ، الشيخ قعد معانا وقال " ازيك يا بت يا ندي والله كبرتي واتجوزتي " ، قولتله " ازيك انت يا عم الشيخ صالح " ، اتكلم وقال " الحمدلله بخير ، ها احكيلي كل اللي عندك " ، بالفعل حكيتله كل اللي حصل معايا بالحرف "، خلصت كلامي ، الشيخ فضل ساكت بعد كلامي اكتر من خمس دقايق ! ، وانا وعماد كنا بنبص لبعض ومستنين الشيخ يتكلم ، فجأة الشيخ اتكلم وقال " كله اللي حصلك السبب فيه عماد " ، بصيت لعماد في صډمة ، الشيخ كمل كلامه وقال " باسيليا دي عاشقة من قبيلة من قبائل الچن ، باسيليا كانت بتحاول بشتة الطرق تبعدك عن عماد ، حتي لما شوفتي عماد في الحلم قبل ما تشوفيه في الحقيقية كان عماد ابتدا يفكر فيكي عشان يطلبك من ابوكي ، عشان كده كانت بتحول تكرهك فيه في الحلم لما كان بيتحرڨ قدامك ، كانت بتمنع اي حاجة تقربكم من 

بعض ، هي لحد الان مظهرتش لحد فيكم لانها من الچن الکافر ، بس في سؤال لعماد ، انت لما كنت بتقرب من مراتك هي بتقول انها كانت بتفقد الوعي ، انت كنت بتشوفها فايقة ؟ " ، عماد رد وقال " اه كانت بتبقي فايقة عادي وطبيعية " ، الشيخ كمل وقال " تمام ، يبقي باسيليا كانت بتتجسد في جسم مراتك ، الحل بقي انك تتوب عن اللي انت عملته ، لان باسيليا مجتش عالمنا الا بسببك عشان كده بقولك توب وتقعد لمدة تلت ايام تتشطف بمية وملح والاهم من دا انك تقرب من ربنا انت ومراتك لانك بعيد بقالك كتير ، وياريت تحاول تختم المصحف حتي لو مرة كل شهر " ، مشينا من عند الشيخ صالح وانا بفكر في كل اللي قاله ، كان كله اللي قاله صح ومظبوط ، انا كل اللي حصلي دا محصليش قبل ما اعرف عماد ، عماد لما روح نفذ اللي قال عليه الشيخ ودخل اتشطف بميه وملح و اتوضينا وصليت انا وهو ، عماد كان بيبكي جامد وهو ساجد ، لما خلصنا صلا سألت عماد وقولتله " هو ايه السبب اللي خلا اسمها ايه دي فصوليا تعشقك كده وتډمرني" ، عماد رد وقال پحژڼ " قصدك باسيليا ، زمان لما كنت لسه في اولي جامعة ، قريت قصة عن عشق الچن للأنس ، قلبت في كتاب كان عندنا في تعlويذ واستدعاء للچن العاشق ، كان من ضمن العۏيذة دي اسم باسيليا ، و كان المفروض اني انادي عليها تلت مرات قبل ما انام لمدة تلت ايام ، بعد ايام محصلش حاجة وبعدين نسيت الموضوع لغاية ما بدا يحصل معايا حاجات غريبة من ساعة ما اتكلمت عليكي واني عايز اتجوزك " ، عماد حكي واستغفر ربنا كتير ودعاه انوا يتوب عليه ، وبقينا منتظمين في الصلاة وقراءة القران الكريم والحمدلله الحياة بدات ترجع طبيعية زي ما كانت ، وبعد سنة كنت مخلفة ( ادهم ) حبيب قلبي وهو دلوقتي عندوا خمس سنين ربنا يحميه ويحفظوا ليا .
تمت