حضور الاتباع
انت في الصفحة 1 من 8 صفحات
انا اسمي " يونس أسماعيل " , كاتب و مؤلف قصص ړعب عن العالم الاخر و ما وراء الطبيعة , انا كاتب زي اي كاتب بيكتب قصص و حكايات , بس كاتب مختلف شوية , كاتب بيدور ويعرف فين مكان الخۏف عشان يكتب عنوا , و دا مش كلامي , دا كلام الناس عني , تعمقت جدا في كتاباتي و رواياتي الورقية , تعمقت في عالم انا معرفش عنوا حاجة , لكن صنعت و ألفت عنوا ألاف الكلمات , منها الحقيقي , ومنها من عمق خيالي , المهم بداية قصتي دي , لما تم استضافي في برنامج مع لأعب خفة يد زي اللي بنشوفهم , المذيع قدمني وقال " و معانا الكاتب الشهير و
المرڠب , الكاتب اللي بيدور و يعرف فين مكان الرڠب عشان يرعبنا , معانا الكاتب يونس أسماعيل " , البرنامج كان عبارة عن مسرح ,
وقفت قدام لأعب خفة اليد علي المسرح , كالعادة عمل حاجات خلتني انا والمذيع والجمهور في حالة من التعجب والاستغراب ! , مد ليا كورت الكوتشينة و هي مقلوبة وقال " عايزك تسحب كرت .. بس تسحبه و هو مقلوب متبصش فيه " , فعلا عملت زي ما قال , سحبت الكرت وهو
مقلوب من غير ما اشوفوا , اتكلم وقال " عايزك والكرت مقلوب تفكر في رقم من واحد لعشرة و تختاروا في دماغك , و لما تختاروا تتخيل انوا هو دا الرقم اللي مكتوب علي ورقة الكوتشينة اللي معاك " , بالفعل فكرت , قالي " تقدر تقولي اخترت رقم كام !" , بصيت ليه وقولتله " اخترت رقم 7 " , ابتسم وقالي " انت اخترت الرقم دا بمزاجك .. صح ؟ " , ضحكت وانا بقوله " اكيد " , بص ناحية الكرت المقلوب معايا و قال " و اخترت الكرت اللي في ايدك بمزاجك و لغاية دلوقت متعرفش هو كام .. صح ؟ " , قولتله " مظبوط " , رد وقال بنفس الابتسامة " شوف الكرت اللي
