.. دا الامتحانات السنة دي كانت صعبه اوي... انا بقول متتعبش نفسها وتاخدها من قصرها وتتجوز... واهو عادل موجود وجاهز.. ولا ايه يام عادل... مش بنت صاحبتك أولى واحده بخدمة ابنك وعياله... على الأقل عارفه وعارفها ظروفه...
اميرة استنى يا ندا بس... مش لما نعرف الأول رحاب بتعرف تطبخ والا لا ..صحيح ياطنط ام نبيل هي بتغسل الأبيض لوحده لا مع الألوان... والجينز اوعي تكون بتحطه في الغسله... لازم تمرشه على أيدها كدههووبتقلد حركه الغسيل
ندا والعيال... بتحب العيال وهتعرف تذاكر ليهم دورسهم .. اصل عادل مايقدروش يدفع حق دروس خصوصية ... ااااه أصله ارزوقي على قد حاله...بس يا طنط ام نبيل لازم تنتبهي على رحاب بنتك ... اوعي ټضرب العيال كله الا العيال... احسن عادل لو عرف ان حد ضړب عيل من عياله ... يااااالهوي بيتعصب وممكن يدق مراته على نفوخها يجيب أجلها... وترجع بظهرها لورا.. وتربع أيدها وتبتسم بس أظن رحاب طيبه متعملتش كده... اكيد طيبة طالعه لأمها... وهتحن على العيال دول زيهم زاي اليتامه بظبط ... مهو امهم سابتهم... وهم ملهمش ذنب...عرفي بنتك يا ام نبيل أنها لو خلفت متفضلش ولادها على العيال اليتامه..وقبل ما تمد أيدها وتاخد لقمه تتأكد أن اليتامه أكلوا الأول...و واوعي تديهم لبس كبير عليهم ومش مناسب ليهم... و لا لسنهم... وتقول لنفسها مهم ملهمش ام تدافع عنهم... اوعي تنسى أن ليهم رب شاهد عليها ومطلع... اوعي تخليها تنسي ان الرسول صلى الله عليه وسلم كان يتيم... ومع ذالك ربنا اختاره دون عن كل البشر وانزل عليه الوحي وبعثه رسول للبشر أجمعين وبعت معاه لينا احسن هديه القرآن الكريم... وخاله يوم الايام شفيع لينا... كل دا وهو يتيم... اوعي تخلي رحاب تفتكر أن ولادها.. احسن من اليتيم..
حكمت ابتسمت بفرحه وفخر... وفاطمة بصت ليهم نظرت رضا
فاطمة بابتسامة انتم اتأخرتوا على بيتكم وولادكم... ربنا يرجعكم ليهم بسلامة و لا يحرمهم منكم...الواحده مننا مش عارفه أمر ربنا هينفذ امتى... وفي أي لحظه ربنا ياخد أمانته وعيالكم يتيتموا... والناس تقسى عليهم... اصل الناس مبترحمش
الستات التلاته بصوالبعض بكسوف... وقاموا وقفوا واستاذنوا ومشيوا
حكمت فتحت أيدها وحضنت البنات وباستهم
حكمت بفرحه انا فخوره بيكم... عاوزكم دايما كده واثقين في نفسكم... واوعوا تسمحوا لحد يجي عليكم أو على كرمتكم
وبعد اربع شهور... الكليات كانت بدأت والبنات كل واحده دخلت الكليه اللي بتحبها...
اميره
و نعرف بكرا مين بينادي على اميره ونتقابل في حلقه جديده..
