حكايات امي بقلم ايمان صلاح

العنكبوت النونو خطفت قلبه العنكبوته
من يومها جن جنونه وعقله اتلخبط لخبوطه !!
دخلت البيت وهي بتغني وبتصيح _يا ماما يا اهل البيت انا جعانه وعايزه اكل عندكم اكل ايه
امها طلعت عليها بالشبشب_يا بنت المجنونه محمد جوه وبيقروا الفاتحه 
بصيت بذهول كانوا في الصالون وانا داخله وصوتت وجريت علي اوضتي وسمعت صوت ضحكتهم عليا دخلت الاوضه وانا مش مصدقه محمد جوه بجد وانا داخله بغني بعدها ماما دخلت 

_ انتي قاعده بتعملي ايه يا هبله 
_ عايزاني اعمل ايه يا ماما 
_ يلا يا بت ادخلي البسي بسرعه وبعدها هحسبك على اللي عملتيه
_ الاه وانا اعرف منين يعني أنهم عندنا مش كنت في الجامعه انا ولا ايه 
_يلا يا غاليه بسرعه البسي يا حبيبتي مفيش وقت ولا اقولهم انك مش عايزه ورافضه 
نطيت من على السرير بسرعه _ ايه ده مين قال كده يا مامتي بس !
فتحت الدولاب وخدت اللبس واخيرا يعني هكون النهارده خطيبته رسمي محمد اتقدملي عن طريق واحده نعرفها زي ما بيقوله كده صالونات اتعرفنا على بعض عندنا جه مرتين وبعدها حصلت وفاه اجلنا موضوع قرأه الفاتحه ده والنهارده هنقرا الفاتحه من وقت ما عرفته بصراحه وانا معجبه بيه جدا فيه حاجه غريبه شدتني كده !
لبست وخلصت وبكل هدوء طلعت وانا متوتره وسلمت على مامته
_ازيك يا طنط عامله ايه
شدتني  _ الحمدلله يا حبيبتي انتي عامله ايه
_ الحمدلله 
قربت على باباه وسلمت عليه 
_اذيك يا عمي عامل ايه 
ابتسم وطبطب على أيدي _الحمدلله قوليلي يا بابا ماشي 
حسيت اني اټخضيت من الكلمه وعيوني بدأت تتجمع مسكت نفسي وابتسمت بتوتر وقعدت جنبه بابا مټوفي من زمان عشان كده صعب اقول لحد يا بابا قعدت جنب عادل ابن خالتي و عمر ابن عمي و احمد اخويا هما اللي كانوا حاضرين وبيقراوا الفاتحه ... مامته بصتلي وابتسمت 
_مسلمتيش على محمد يعني يا غاليه 
اتوترت وبصتله وهزيت راسي_ ازيك يا محمد 
كلهم ضحكوا وهو بص عليا _ الحمدلله بخير 
احمد اخويا بصلي _ خلاص قرأنا الفاتحه مبروك يا غاليه 
_الله يبارك فيك يا احمد 
ماما دخلت العصير و الجاتوه وقعدت جنبنا وقعدنا شويه وبعدها والد محمد قال ل مراته _ تعالي يا حبيبتي يلا هنمشي 
ماما قالت _ ايه ده هتمشوا بسرعه كده 
والد محمد _ اها لازم نمشي وكده كده محمد معاكم يبقى يجي ورانا 
اخد مراته ومشيوا بعد ما سلموا علينا و عادل و احمد و عمر ماما خدتهم وخرجت قعدنا شوية ساكتين وبعدها قالي 
_ ازيك 
رديت بتوتر _ الحمدلله 
سكت شوية وبعدها قال_ اخبار الجامعه ايه 
ابتسمت _ الحمدلله 
_ امتحانات الميد تيرم امتى 
_ تقريبا بعد اسبوعين كده
عيونه جت في عيوني _ اه ربنا يوفقك 
ارتكبت عيونه وترتني وابتسمت _ انا وانت يارب 
سكت شوية وقولتله_ وانت بقى هترجع الجيش امتى 
_ بعد يومين إن شاء الله
_ تروح و ترجع بالسلامه 
هز راسه وخرج وانا مستغربه هدوئه مش عارفه دي عادته ولا ايه بس بحس اني بسحب الكلام منه بالعافيه !
فات يومين واستغربت هو ازاي مخدش رقم تليفوني ولا أنه يكلمني مش المفروض يتصل بيا ويكلمني ولا انا اضحك عليا في الخطوبه دي ... كنت نايمه وصحيت على صوت احمد اخويا 
_قومي يا غاليه كفايه نوم 
اتكلمت بضيق_اووف سيبني بقى عايزه انام 
_يا بنتي قومي محمد جاي يقعد معاكي شوية قبل ما يروح الجيش 
اتكلمت بنوم _محمد مين سيبني انام وبعدين حد بيجي لحد الصبح كده 
_صبح ايه احنا بقينا بعد العصر قومي يا