حكايات امي بقلم ايمان صلاح
عليا
ايمان_صالح
ضحكنا وقفلت معاها وبعدها دخلت عشان انام احمد وقف قدامي
_كنتي بتكلمي نيره
بصتله ببرود _وانت مالك
_اخلصي قولي كنتي بتكلميها
_اها عايز حاجه تانيه انا داخله انام
ابتسم _لما تكلمك يبقى سلميلي عليها
_لا والله
ضحك وهو ماشي_اها والله
سيبته ودخلت الاوضه وقعدت على السرير ولقيت الموبيل بيرن وكان محمد ابتسمت بدهشه معقول هيكلمني في نفس اليوم مرتين فرديت عليه
_الحمدلله يا محمد اخبارك ايه
_الحمدلله معلش قفلت عشان كان القائد جه ومكنش ينفع يشوف الموبيل اتمنى متزعليش
ابتسمت بهدوء _ لا مزعلتش عادي المهم انك كويس
_اها الحمدلله انا بخير انتي اخبار جامعتك ايه
_الحمدلله
_ يعني مستعده للميد تيرم
ضحكت _ لا مش اوي كده انا المفروض بذاكر قبل الامتحان بيوم
_ليه بقى
_ عشان محدش يقول إن خطوبتنا عطلتك
ابتسمت وسكت وهو اتكلم
_انتي عندك كام سنه يا غاليه
ضحكت _ انت متعرفش عندي كام سنه
_ لا
_عندي 22 وانت
_ياااه انا كبير اوي كده عليكي
اتكلمت بفضول _ ليه انت عندك كام سنه
_وانت كده كبير
_اممم يعني فرق 7 سنين كده
_وايه يعني مش كبير ولا حاجه
_ متأكده
ضحكت_متأكده
اتكلمت معاه شوية وحسيت وقتها أنه بدأ يتكلم معايا شوية وبعدها قفل معايا ونمت عدت أيام وهو اتصل بيا تاني
_ازيك يا غاليه
_الحمدلله يا محمد انت عامل ايه
_الحمدلله ..جهزي نفسك النهارده انا كلمت احمد اخوكي و هنروح نختار الشبكه
_ما انا قولتلك اهو لسه قدامنا شوية جهزي نفسك بس
_حاضر من عيوني
قفلت معاه وقولت ل ماما ودخلت لبست فستان وخمار وطلعت كان احمد واقف
_ خلصتي خلاص
_ اه خلصت
_ طيب تمام محمد كان قايل انه طالع دلوقتي هتقعدوا شوية وبعدها روحوا مع بعض هاتوا الشبكه
_ لا ماما لحد ما اقعدوا مع بعض تكون جهزت وهتروح معاكم
هزيت راسي بهدوء وبعدها محمد طلع دخل وانا كنت قاعده مستنيه قربت منه وابتسمت
_حمدالله على السلامه
ابتسم_الله يسلمك اخبارك ايه
_الحمدلله بخير
مد أيده ب بوكيه ورد وابتسم
_اتفضلي
بصتله بذهول_الله ده ليا
_جميل اوي بجد تسلم ايدك
ضحك_الله يسلمك
قعدت معاه وبعدها قولتله
_ثواني وجايه
طلعت حطيت بسبوسه في طبق و فاكهه وطلعت حطيتها قدامه
_اتفضل
بصلي وابتسم _ انتي اللي عملتي البسبوسه دي
ضحكت _ لا مش لدرجه دي يعني ماما اللي عملاها
_وانتي مش بتعرفي تعملي
_لا لسه متعلمتش اعملها
_خلاص اتعلمي ووريني شطارتك
_هتفرق معاك
هز راسه بهدوء_طبعا هتفرق
_فيه ايه بقى
_هقولك بعدين
ابتسمت وبعدها ماما جت ونزلنا مع بعض ركبنا عربيته ووصلنا دخلنا المحل ووقفنا نختار الشبكه بصيت على خاتم جميل بصتله وابتسمت
_انا هاخد الخاتم ده
بص للخاتم بإعجاب _تحفه فعلا ذوقك جميل
ابتسمت وورتها ل ماما وبعدها وكملنا الشبكه وخرجنا جبلنا عصير وبعدها روحنا البيت وهو روح دخلت اوضتي وفتحت الفيسبوك لقيته بعتلي اد قبلته ودخلت صفحته لقيت صوره وحاجه فيه منتها الجمال ايه يا ولا القمر ده بعدها لقيت منه مسدچ
_ايه عزباء اللي انتي حطاها على الاكونت دي
لوهله اندهشت وبعدها ضحكت وقولت له_ مالي يعني ما انا عزباء
سكت شوية وبعدها بعتلي _ مين دي اللي عزباء امال انا ايه يا هانم
بعتله_ احنا لسه مش مخطوبين اول ما نتخطب هنزل مخطوبه
شاف الرساله ومردش وبعدها لقيته اتصل فتحت اول ما قولت
_السلام عليكم
رد وقالي_وعليكم السلام احنا مش مخطوبين ازاي
_يا محمد قصدي اني لسه ملبستش الدهب
_ملهاش دعوه على فكره
_لا ليها اول ما البس الدهب هنزل اني مخطوبه
رد بغيظ _ طب بلغي اخوكي أن الخطوبه بكره
رديت بدهشه _ خطوبة مين اللي بكره
_خطوبتنا
