رواية حبيبي المجهول
بيهم فين و متقولش مش عارف عشان انا واثق ان انت عارف!!
تفوه بها أحمد و هو ينظر له بتساؤل ليرد الآخر بتردد
ايوة يا باشا هو بعدها كلمني و قالي أجيله علي عنوان عشان آخد الفلوس و قالي اني اختفي عشان الموضوع ميتعرفش.. بس انا متأكد ان المكان دة هو اللي كانت مخطۏفة فيه البشمهندسة لأني سمعت صوت صريخها جوة!!
عمل فيها حاجة صح هنا جرالها حاجة!!
اقترب منها فارس بتردد و هو يقول بصوت خفيض
اهدي يا ليلي.. معملوش فيها حاجة هنرجعها إن شاء الله
التجاهل كان عنوان الحوار الدائر بينها هي و فارس ليزفر هو بضيق قائلا
حسام فك الواد دة و جيبه علي العربية مش عايزين تضييع وقت أكتر من كدة.. خلينا نلحقهم قبل ما يجرالهم حاجة
_________________________________________
دعونا نتجه بعيدا بعيدا تماما عن مصر...
إلي ألمانيا!!!!
في مكان تعانق فيه فروع الاشجار بعضها خالي من جميع مسببات الحياة.. و
فوق جبل مرتفع شاهق يوجد قصر كبير
إذا نظرت له من بعيد تشعر بالرهبة منظره
يبعث الخۏف و الكآبة في النفس كدلالة علي بشاعة ما يحدث فيه
و في داخل هذا القصر و علي مقعد يشبه مقاعد الملوك.. و لكن ليسوا أي ملوك بل الطغاة فقط..
يجلس رجل في عقده السابع.. الظلم و الشړ و البشاعة كان لهم نصيبا من ملامحه
طويل البنيه قمحي البشرة ذات عيون سوداء قاتمة تشع شړ..
و أمامه رجل آخر في بداية الأربعين من عمره ذات لحية نامية تسلل إليها الشيب لتصبح بيضاء
عملت اية يا عماد.. فارس رد عليك بإية!
ابتسم عماد ابتسامة شيطانية و هو يقول بمكر
و هو يقدر يعمل حاجة غير أنه يوافق يا مستر جون.. خصوصا بعد ما هددته بليلي و بنته !!
بس انت متأكد من حكاية بنته دي يا عماد!
مط عماد شفتيه بعدم اكتراث و هو يقول
مش مهم اكون متأكد يا باشا.. المهم انه بلع الطعم و بعدين المعلومات اللي قولتهاله فعلا صح.. لكن حكاية بنته لسة عايشة و لا مېتة دي بقا مش متأكد منها..
برافو عليك يا عماد مكافأتك هتوصلك النهاردة.. و متنساش مكافأة لينا معاك تعبت معانا كتير.. قولها خلاص ان دورها قرب ينتهي بس تصبر شوية!!
تمام يا باشا عن أذنك..
هز جون رأسه بالموافقة علي رحيله و هو ينظر إلي نقطة غير محددة.. سارحا في بحور الشړ الذي غرق فيها منذ قديم الأزل و خطفت روحه ليعود بروح جديدة لا تشبه القديمة في أي شيء!!!
ملابسها لا تتناسب قط مع مرحلتها العمرية... بل تتناسب مع العاھړات فقط!
تهادت في سيرها و هي تبتسم ابتسامة أظهرت التجاعيد التي حاولت بشتي الطرق أن تتخلص منها و لكن الزمن أبي ألا يترك بصمته عليها..
وقفت أمامه و هي تقول بدلال
وحشتني اووي يا جون..
أبت علامات الصرامة أن تتزحزح عن وجهه و قال باقتضاب
عرفتي أي أخبار عن سمير يا ناريمان...
تنهدت و هي تحاول منع الغصة التي تمكنت من قلبها أن تظهر و قالت في محاولة منها لإخفاء كذبها
معرفش اي معلومات عنه يا جون من بعد الحاډثة!!
ضيق عينيه و هو ينظر لها بخبث قائلا
طيب محاولش يتواصل مع ولاده.. دة نازل مصر مخصوص عشانهم!!
انا بكلمهم كل يوم و عرفتهم انه نزلهم مصر و انا معرفش عنه حاجة عشان يدوروا عليه متقلقش اول لما يعرفوا عنه حاجة هيبلغوني..
إياك يا ناريمان تخبي عني اي حاجة.. و تنسي ان سمير جوزك اصلا هو اختار يخرج عننا و عقابه خده... و إلا نهايتك هتكون زيه
تنفست ببطء و هو تهز رأسها بالموافقة علي حديثه قائلة
انا مقدرش اخبي عليك حاجة يا جون... و بعدين لو كنت ناوية اغدر من الاول كنت هربت معاه!!
احتدت نظراته المصوبة نحوها و هو يقول بحنق
بس انتي ما منعتهوش انه يهرب..
فردت ذراعيها بقلة حيلة قائلة
معرفتش امنعه و حاولت ابلغكم قبل ما يهرب بس كان حابسني.. و أول لما عرفت اوصلك بلغتك علي طول!!
أشار لها بكفه كعلامة لنهاية الحديث... فتنهدت هي و استدارت خارجة من ذاك الوكر
و ما إن خرجت حتي استندت علي جدار جانبي و حاولت التقاط أنفاسها بصعوبة و من ثم
اجهشت في بكاء مرير.. بكاء علي زوجها و حبيب عمرها
اڼهارت جالسة علي الارض و هي تشهق بقوة..
لم يكن بيدها شيء سوي حمايته لأنها تعلم جيدا انهم لن يتركوه يعيش إن ابتعد عن تلك العصابة!!
فما كان بيدها إلا أن ترفض الهروب معه و البقاء هنا لمنع أي ضرر سيلحق به و تحذيره!!
___________________________________
وقف حسام أمام أحمد موجها حديثه نحوه قائلا
انا و فارس
