قومى ياهاله مفيش وقت

ماتكلمنيش 
محمد معلش يا حبيبتي كنت مشغول المهم انتي وماما و أخواتك عملين إيه ماحدش في أخواتك بيسأل عني خالص يا سارة.
سارة كلهم تمام معلش يا عمي حقك عليا بس عارف أنا عندي ليك مفاجئة حلوة أوى بس مش هقولك عليها غير لما أشوفك .
محمد ههههههه ...عاوزه تضمني حقك طبعا .
سارة هو أنت دايما فهمني كده!
محمد طبعا مش حبيبة قلبي لازم أفهمك.

سارة طيب يا عمي هتيجى إمتي بقى 
محمد إن شاء الله هاكون عندكم بكره يا سارة.
سارة بجد يا عمي أنا هاقوم أقولهم دول هيفرحوا أوى .
ثم قالت ياريت بقى يا عمى تجيب قمر معاك مش معقول بقالي كثير أوي مشفتهاش وأصلا مش فاكراها هو ينفع ولاد عم و مش يعرفوا بعض !
محمد بتنهيدة قوية معلش يا حبيبتى بس هسألها لو حبت تيجي معايا و خدي بالك على نفس إنتى لحد ما أشوفك بكره .
سارة حاضر يا عمو .
محمد سلام يا حبيبتي.
سارة سلام .
انتهى محمد من الحديث مع ابنة أخيه سارة التي يحبها بشدة وهى أيضا وحين انتهى سمع من خلفه قمر وهى تقول الله الله على الصبح كده قاعد تعاكس في البنات .
محمد ضاحكا بنات ! دي هي بنت واحدة بس.
قمر و كمان بتقولها في وشي كده و قدامي طيب راعيني حتى يا سيادة اللواء.
محمد معلش بقي انتى عارفه إن مش بيهمنى.
قمر أيوه بقي جامد أنت يا مسيطر بس بردو مين دي 
محمد يا ستي دي سارة بنت عمك محسن الله يرحمه.
قمر سارة و أنا اللي قولت جو بقى وكده المهم هي عاملة إيه
محمد تمام الحمد لله بخير و أنا نازل بكره القاهرة عشان أشوف ولاد عمك مش ناوية تيجي معايا دا انتم تقريبا متعرفوش بعض.
قمر مش هينفع المرة دي.
محمد كل مرة تقولي كده يا قمر إنتي لازم تتعرفي على آسر وسيف وسارة وطنط فريدة دول أهلك من بعدى يا قمر .
قمر إيه بعدك دي أنا مليش غيرك وبعدين رقية جاية بكره يرضيك أسيبها وأسافر والشغل كمان 
محمد خلاص مش هغصب عليكي بس خلي بالك من نفسك .
قمر حاااضر .
رن هاتف قمر في هذه اللحظة فنظرت إلى الشاشة فوجدت زياد استأذنت عمها للرد
قمر آلو يا زياد .
زياد بخفوت الو يا قمر إنتي فين
قمر أكيد في البيت بس بتسأل ليه في حاجه ولا إيه
زياد أصل .........................................!
الحلقه 4
رن هاتف قمر في هذه اللحظة فنظرت إلى الشاشة فوجدت زياد استأذنت عمها للرد
قمر آلو يا زياد .
زياد بخفوت الو يا قمر إنتي فين
قمر أكيد في البيت بس بتسأل ليه في حاجه ولا إيه
زياد أصل اللواء سعيد طالبنا في مكتبه.
قمر طيب يا زياد أنا عشر دقائق و جايه .
زياد ماشي يا قمر بس تفتكري عايزنا ليه
قمر مممممم مش عارفة والله لما نروح هنعرف.
زياد أوك تعالى بسرعة بقى.
قمر تمام.
.........................................
في منزل آسر كانوا يجلسون على مائدة الإفطار كعادتهم كل صباح فكان آسر وسيف وفريدة يجلسون حين أقتربت منهم سارة وعلى وجهها ابتسامتها الجميلة وقالت 
صباح الخير .
رد الجميع سويا صباح النور .
سيف إيه يا ست الدكتورة ! كل ده نوم 
سارة و أنت مالك أنت وبعدين أنا براحتى أنا في الأجازة.
سيف طيب ما أنا في الأجازة بس ماما من كل يوم تصحيني بدري ولا أيام الثانوية العامة .
آسر و أنت الحق يتقال كنت أيام الثانوية بتصحي بدري.
سيف بثقة طبعا .
فريدة بطل غلبه با سيف بقى وإفطار و أنت ساكت .
سيف كده يا ماما مبتجيش إلا على الغلبان اللي فيهم.
سارة قال غلبان قال شوف إزاي !
آسر غلبان من انهو إتجاه !
سيف إحم إيه يا جماعه في إيه والله انتم ظلمني أوي .
فريدة طبعا يا حبيبي دا أنت نسمه يا سيف والله .
سيف حبيبتي يا أمي دايما نصفاني .
سارة آه صحيح نسيت أقولكم عمي محمد جاي بكره وعلى فكره زعلان منكم جدا عشان مش بتتصلوا بيه.
آسر بجد يا سارة جاي بكره ده وحشني جدا وكنت هتصل بيه والله.
سيف أيوه بقى سيادة اللواء جاي بكره والله وحشني جدا.
فريدة ربنا يطولنا في عمره فعلا والله نعم الأخ.
آسر طيب هو هيبات معنا و لا هيروح على طول