نوفيلا لست أمي
يهتم ويرسل لها حتي ولو رساله للاطمئنان عليها
تذكرت بحزن كلامه معها هي له مجرد وظيفه لا أكثر ضاعت هي أتي غيرها نفضت أفكارها التي سوف تعكر صفو فرحتها
ثم قامت بشراء وحده كبيره من الأيس كريم أكلتها بمتعه وفرحه طاغيه
لأول مره تشعر بأنها حره ولها كيانها بعيد عن أطماع والدتها وحلم الغني خاصتها
يتحرك بتوتر وخوف من ذهابها لأنها خارج المنزل
ظل ېعنف نفسه علي توتره الزائد من أجل شخص لا يشعر به ولا يهتم بمشاعره أو حتي كشخص مسؤل منها
يعني أيه مسؤل منها أنت إتجننت من أمتي محتاج
حد في حياتك بقالك كام سنه عايش لوحدك حصل أيه يعني إنت اللي رفضت كل الناس و إختارت وحدتك
تيجي وحده زي دي تلخبط كل حاجه لا أنت لأزم تجمد كده وترجع وحدتك عشان ما تنجرحش لحظة الوداع
حاول عدم إظهار لهفته عليها و فرحته التي لا تقدر بمال من وجودها أمامه الأن .
مساء الخير
ركض عليها ريكس ووقف عليها تركت ما بيدها إحتضنته وإنت كمان وحشتني يا ريكس
ظل يلعقها بلسانه تعبير منه عن حبه و إشتياقه
نظر لكلبه بأسي لقد عبر عن إ شتياقه بطريقته البسيطه وهو لا يعرف طريقه للتعبير عم بداخله من مشاعر كثيره مختلطه ببعضها ..
أخرجت من إحدي الحقائب سندوتش كبير وضعته أمام ريكس
و سلسله عليها إسمه وضعتها حول عنقه .
إلتفتت له وهي تتحرك بتردد ..
كان قلبه يهتز داخله مع كل خطوه تخطوها إتجاهه
أخرجت بيتزا ووضعتها أمامه وهي تتحدث عارفه إنك مش أكلت حاجه جبت دي نأكلها مع بعض
إعتدل وهو يهرب بعيونه حتي لا تفضح إشتياقه ولهفته عليها تحرك ليبتعد عنها وهو يتحدث لا أكلت أكيد مش هفضل كل ده في إنتظارك
رفعت وجهها عندما سمعت صوته وهو يسألها عن أي طعم تلك البيتزا تحدثة بحماس وهي تفتحها
بص كل جزء بطعم مختلف ده جبن وده لحوم
لم يستطع الانصياع لطلب عقله بتركها حزينه تناول قطعه من الجبن ومد يده لها بحنان تناولتها بفرحه كبيره نسيت حزنها وجرحها منه في لحظه حاول كسر حاجز الصمت بينهم عندما قام بسؤالها
إتبسطي النهارده
جدا كان يوم جميل وجبت حاجات كتير .
كويس أيه هي الحاجات دي
وقفت بحماس ثواني ...
نزلت بعد فتره وهي ترتدي بنطلون أسود وفوقه
بلوفر أخضر و بوت أبيض وكروس أبيض وترفع شعرها ماعدا بعض الخصلات مما أضفي عليها شكل رائع جذاب ..
نظر لها بعدم رضي رغم جماله عليها لكنه تمني أن تغير لبسها وفجاه بسؤاله هو أنتي لبسك كله كده مافيش جيب أو دريس
لا أنا طول عمري بلبس كده هو مش عاجبك
لا جميل عليكي بس كنت شايف إنك كبرتي كفايه عشان تحافظي علي نفسك أكتر من كده .
يعني أيه مش فاهمه كلامك هو أنا كده مش محافظه علي نفسي أنا مافيش حد يقدر يعدي حدوده معايا .
فهمتي غلط أنا قصدي إن كفايه لحد كده اللبس ده وشعرك اللي فرحانه بيه أن الأوان تداريه للي يستحقه
تنهدت بحرقه وتمني وهي تردد لما يبقي ييجي اللي يستحقه وقتها أعمل كل اللي يريحه .
نظر لها پألم لقد تمني أن يكون هذا الشخص ولكن من تنظر لشخص عاجز مثله لن يفيدها بشيء تغير موده وشعر پغضب من الحياه كلها لما هو فيه ..
تقدمت منه وهي تخرج بلوفر رجالي وكوفيه و
زجاجه برفان .
أنا جبت لك دول عشان نخرج بكره بيهم
تناولهم منها وهو يحركهم بين يده بتحقير أنتي فاكره إن ممكن ألبس الحاجات دي عارفه مرتبك ده كله ما يجيش ثمن الشوز بتاعي
نظرة له پصدمه فقد كسر قلبها بكلامه قبل أن يكسر فرحتها لما يفعل بها ذالك ..
فركت يدها وهي تتحدث بإختناق عارفه و أسفه
لو كانت هديتي تقليل من شأنك ..
إنحنت تلملم باقي أشيائها وصعدت بحزن وهي تتمني المۏت من إحساس الإهانه وكسر الخاطر .
رجع غرفته وهو يلعن شيطانه الذي سمح له أن ېجرحها وكسر فرحتها التي كانت واضحه وضوح الشمس أمام عينه كيف فعل بها ذلك لما يحاسبها
علي شيء ليس لها به ذنب كيف طاوعه قلبه
هل يحاسبها علي عجزه أم علي عدم حبها له لقد جن .
دخل من باب الفيلا شعر بالاشمئزاز عندما
