رواية بطل قلبي بقلم تالين
وبعدين مش انا الي استاهل الشكر فيه ناس تانيه
هناء ضحكت بكسوف قصدك احمد
مريم بصراحه وهو بيكي عنك اتمنيت اني اقابلك ومترددتش لما طلبت منه دا ع فكره احمد دا زي اخويا وهو اول واحد وقف جنبي بعد منتصر وكمان كان سبب اني انا ومنتصر نكون سوا
هناء اانا بس يعني
مريم اه طالما بسبستي يبقي السناره غمزت ميغركيش اني كفيفه لا دا انا عندي حاسه سابعه وبشم ريحه الحب عن بعد
مريم علي انا ماشي نمشيها اعجاب يلا قومي نحضر لهم غدا احسن احمد لو جاع احتمال ياكل منتصر انا مش مستغنيه عن جوزي
هناء هههه يلا
ف اخر اليوم ف عربيه احمد هناء وهي وشها ف الأرض شكرا ع اليوم دا
احمد انا الي بشكرك ع المكرونه بالبشاميل الي اكلتها فظيعه انتي بتعمليها ازاي
احمد وهناخد ايه من الجد يعني بس ع العموم انا الي متشكر انك قبلتي العزومه
هناء متتصورش انا حبيت مريم قد ايه واتعلمت منها كتير
احمد يا مرارك يا احمد هو انا موديكي لمريم عشان تحبيها هي مش انا
هناء بتقول حاجه
احمد لا لا قصدي يا بختها
احمد هو انتي عليكي عفريت اسمه شكرا ايه هو كل شويه شكرا شكرا ايه
هناء ههه ومالك مدايق خلاص خلاص يلا سلام ومشيت
احمد خلاص ويلا سلام ايه هو دا البنت دي هتجنني تعالي هنا وطلع وراها
احمد مسك ايديها ووقفها هناء انا مش عارف الي هقوله دا مناسب ولا لا بس انا حاولت كتير بس مش قادر
هناء جريت من قدامه وأحمد ضحك وملس على شعره شكلك هتجننيني معاك بس وماله انا وراكي
ف البيت هناء دخلت وهي مبسوطه وفرحانه حاسه انها واحدة جديده حابه الحياه
هناء بتنده ع مامتها يا ماما يا احلي ماما
مامتها ايه ياهناء شكلك يومك كان حلو
هناء الله يا ماما دا كان روعه وحضنت امها وقالتلها انا بحبك قوي يا ماما ربنا يخليكي ليا
هناء احمد وانتي كلمتي احمد انتي وجبتي رقمه منين
مامتها احمد بيحبك يا هناء من اسبوع جي وقالي
فلاش باك
الباب بيخبط ومامت هناء بتلقي احمد ع الباب
اهلا يا حضرت الظابط اتفضل
احمد شكرا لحضرتك
احمد خير ان شاء الله انا كنت حابب اطمن ع هناء
مامت هناء الحمد لله قدر ولطف بس المشكله أنها مش زي الاول تصدق انها انهارده لو أن عندها امتحان مكنتش خرجت دي بطلت تروح الجامعه بصراحه انا خاېفه عليها اوي
احمد انا كنت عاوزه اقولك على حاجه بس ياريت تكون بينا الاول واعرف رايك فيها
مامت هناءخير يابني اومرني انا عمري ما هنسي واقفتك جنبا وانك رجعتلي هناء بسلامه
احمد الامر لله وقبل ميكون دا واجبي دا كان بدافع اني يعني ...بصي بصراحه بقي انا بحب هناء وعاوز اجوزها وعشمان انك مترفضيش
مامت هناء..دا يوم المني اني اشوف هناء عروسه واكيد مش هلقي ليها احسن منك بس انا خاېفه لترفض خصوصا بعد الي حصل انا مبقتش عارفه هي بتفكر ازاي
احمد انا اهم حاجه انك تكوني موافقه وانا وعد مني احافظ عليها واحميها وان شاء الله ترجع احسن من الاول وانا اعرف واحده لو هناء اتكلمت معاها أن شاء الله هتتحسن خصوصا أنها عارفه هناء كويس
مامت هناءمين دي يبني تعرفها
احمد دي تبقي مريم هي زي الدكتوره النفسيه بتشتغل مدربه تنمية بشړية وانا حكتلها عن هناء كتير وهي اكدتلي انها هتكون احسن بس هي عاوزة تشوفها
مامت هناء ومالو يابني بس يمكن هناء ترفض
احمد سيبها عليا انا دي
باااااااك
هناء يعني كدا ماشي بتخبي عني
مامتها احمد هو الي قالنا انا وسمر وع فكره هو كان بيكلمني وانتي هناك عند مريم وقالي قد ايه انتي مبسوطه وفرحانه صدقيني يا بنتي انا مش عاوزة حاجه غير أني اشوفك سعيده
هناء انتظمت في الدراسة وكانت كل مده تقضي يوم عند مريم يحكوا سوا ويهزروا واصبحوا اصدقاء واتعلمت منها حاجات كتير واصبحت اقوي واحسن من الأول بس كانت مشغولة ع احمد لأن من اخر مره قالها انوا بيحبها وهي مشفتهوش من ساعتها وهناء قلقانه عليه وخاېفه وساعات كانت بتظن انوا كان بيلعب بيها وانوا نسيها
وفي يوم الباب خبط وهناء راحت تفتح
الورد دا لحضرتك
هناء ورد مين الي باعته
مش عارف بس هو اداني الكارت دا
هناء اخدت الورد وبقيت تشمه وهي بتقرا الكارت حبيبت قلبي وفؤادي اعلم انكي تظنين أني قد نسيت عهدي ولكن ها أنا ذا ف انتظار ابتسامتك وأتمنى أن تكوني لي عاشقك المتيم بكي للابد احمد
هناء كانت بتقرا الكارت وهي مبسوطه وفرحانه حاسه انها واحدة جديده حابه الحياه عاوزه تكمل وتعيش في سعادة راحت عشان تنام بس فجاه
