رواية الخطيئة بقلم ولاء حامد
او عملتي ليكي عندي حق البر وصلة الرحم عن اذنكم وسابتهم ومشيت
صفا بدموع انا ماشيه يا بابا معلش الأولاد مع حماتي وزمانهم جننوها يلا معا السلامه
محسن بشخطه استني مش هاتتحركي من هنا الا لما أفهم في ايه واختك مالها وايه اللي في وشها
صفا بصت لأمها بحزن وخذلان معرفش
مديحه خلاص بقى يا محسن في ايه قالولك مفيش حاجه ايه بتدور على المشاكل وخلاص
صفا قولت لحضرتك مفيش
محسن مفيش طيب انا رايح لخلود واسألها قدام جوزها
صفا بدموع اوعي تعمل كده هاتكسرها وهي مكسوره لوحدها
محسن پخوف طيب قوليلي الله يرضى عليكي
مديحه بزعيق ما خلاص بقى قالولك مفيش ثم انتا ايه اللي جابك من الجامع بدري
صفا عارفه طبع أبوها وانه هايصر ومش هايسكت وفعلا ممكن ينفذ اللي في دماغه
صفا حكت لابوها كل حاجه
مديحه بدفاع عن ندا كدابه ندا مقالتش كده بطلي افترا وتبليه على اختك بقى
محسن بزعيق وبص لمديحه يعني ضړبتي بنتك علشان مش عايزه تروح تخدم بنتك
مديحه بزعيق وايه يعني مهما أخواتها اومال الأخوات فايدتهم ايه لو موقفوش جار بعض
محسن وهو الكلام داه لصفا وخلود بس مبينطبقش على ندا
محسن طيب اخوتها قالولها الحل السجاد يروح مغسله وتجيب واحده تنضف البيت بالفلوس
مديحه وفيها ايه لو راحوا هايتشلوا ولا هاينقصوا ايد ولا رجل ما كل واحده فيهم صحتها تهد جبل
صفا بدموع واڼهيار انا ماشيه مع السلامه وسابتهم وجريت
محسن ابن بنتك عيان ومتكسر والتانيه عايشه في بيت عيله انتي عايزه ايه بتعملي كده ليه
محسن بزعيق ماتروحي انتي واقفي مع بنتك
مديحه انا وانا فيا صحه منين لشقه ندا دي كلها دي عايزه جيش
محسن بعصبيه وأخواتها اللي فيهم صحه اللي عندهم بيوت وعيال يخدمو ننوسه عين أمها وقرب لمديحه بشړ وبصوت اشبه بالفحيح اقسم بالله لولا مخافه رب العالمين لكنت كسرت ايدك اللي اترفعت على بنتك ظلم وطلقتك ورميتك لأهلك بس انا متقي الله فيكي لآخر لحظه
محسن عملتي ايه عملتي كتير يا ام العيال فرقتي بين أولادك في المعامله ظلمتي وجيتي بالقوي على البنات علشان الصغيره ايه المميز فيها يخليكي تحبيها بهوس وكل طلباتها أوامر ايه اللي يخليكي تكسري بناتك وعايزاهم يروحو يشتغلوا ويخدموها في بيتها ايه اللي فيها مش فيهم يخلي قلبك بالجحود داه مع صفا وخلود وكل الحب والحنان مع ندا
مديحه .......
مديحه بشرود خطفت قلبي حبيتها من اول ما عيني وعيت عليها كأني اول مره اخلف جمالها كان مش عادي مس قلبي صفا وخلود مخطفوش قلبي كده يمكن علشان جميله اوي كانت دايما محط أنظار الكل كانت جميله اوي بقت قريبه اوي لقلبي مكنتش بحب اشوف دموعها علشان عنيها الجميله متدبلش مكنتش بحب اخليها تعمل شغل البيت علشان ايديها تفضل ناعمه بخاف عليها حتى من الهوا عايزاها دايما سعيده عايزها دايما بتضحك ومبسوطه شقاوتها بتفرحني انا مبكرهش صفا وخلود بس ندا ليها مكانه تانية في قلبي واخده كل قلبي ومتربعه فيه علشان كده مبحبش حد ييجي عليها
محسن بتعب وزعل مينفعش عيالك كلهم غلاوه واحده مينفعش احب داه واكره داه كلهم نفس الحب اه ندا ليها استثناء عندك بس في الصح الأم دورها تقوم لازم تقوميها للصح لو لقيتيها بتميل للغلط تكوني حاسمه لتوجيهها للصح لازم تصلحي أخطاء الماضي علشان ترتاح في حياتها مع جوزها وحياتها متتخربش قبل ما تبدأ والا انتي هاتكوني السبب في خړاب بيتها ودمار حياتها للأسف انتي عامله زي الدبه اللي من كتر حبها في صاحبها قټلته
مديحه بۏجع طيب اعمل ايه شور علية عارفه اني غلطت لو على صفا وخلود انا هاتصل أراضيهم وأطيب خاطرهم بس اعمل ايه مع ندا مادام انتا شايفني غلطانه علشان تعيش مرتاحه انا مش هاعيشلها العمر كله نفسي اطمن انها هاتعيش مرتاحه وسرها هادي زي أخواتها
محسن بتفكير هاقولك بس تنفذي مش مجرد كلام يدخل من ودن ويطلع من التانيه
مديحه بهزه رأس خفيفه من عنيا قول وانا سامعه
محسن بتروي اول حاجه قوليلها ظروف أخواتها وأنهم مينفعش يروحوا يساعدوها تاني حاجه خليها تقسم شغل البيت على طول الإسبوع يعني يوم تغسل السجاد
ويوم تلمع الخشب ويوم تمسح الشقه ويوم تفرش الشقه وكده خليكي دعم ليها في التقويم للصح يا مديحه احنا كبرنا مفيش اب او أم بيكرهوا عيالهم عاجبك منظر لبس بنتك انا وانتي وجوزها هانتحاسب عليها عندك استعداد تشيلي ذنبها وتشيليني معاكي عندك استعداد تقولي لربنا موضه
مديحه برفض لا يا حاج والله ما قصدي انا كان قصدي تعيش يومين زي اللي في سنها
محسن في الصح مش الغلط في اللي يرضي ربنا مش اللي يغضبه المۏت مبيعرفش سن صدقيني يا مديحه قلبي خاېف من ندا حاسس ان اخرتها هتبقى وحشه وبدعي ربنا يسترها معاها ومعانا
مديحه بتوجس انتا عارف حاجه يا محسن ومخبي عليا
محسن بنفي لا يا مديحه بس قلبي مش مطمن ربنا يسترها قومي بنتك للصح يا مديحه علميها تكون مسئوله علميها تتحمل المسؤليه وتشيل حمل بيتها وجوزها بكره تخلف هاتعمل إيه
مديحه ولأول مره تحس بصحيان الضمير من الغفوه الي كانت فيها مع بنتها
تاني يوم ندا اتصلت بأمها
ندا صباح الخير يا ماما
مديحه صباح الخير يا ندوش عامله ايه يا قلبي
ندا بخبث مش كويسه الشقه متبهدله على الآخر عملتي ايه مع الهوانم هاييجوا
مديحه لا يا حبيبتي خلود ابنها وقع وأيده ورجله متجبسين وواخد غرز في دماغه وصفا حماتها عيانه وهي متجوزه في بيت عيله مش هاتقدر تجيلك
ندا بزعيق يعني ايه يا ماما محدش هاييجي يساعدني ولا هما بيقولو حجج فارغه علشان محدش منهم يساعدني منا عارفاهم طول عمرهم سماويين
مديحه بحزم ندا اظن انتي كبرتي بما فيه الكفايه انك تتحملي بيتك وتشيلي المسؤليه جوزك كل شهر بيبعتلك شيئ وشويات هاتي واحده تنضفلك بالفلوس ولو مش عايزه قسمي شغل البيت على أيام انهارده اغسلي السجاد وبكره اغسلي فرش الشقه وبعد بكره لمعي الخشب وبعده أمسحي الشقه وقبل ما جوزك ييجي بيوم افرشيها مش صعبه هي
ندا خلاص ابعتيلي حد من حريم اخواتي
مديحه بصبر انتي وهما مفيش وفاق بينكم ولا هما هايرضوا ولا اخواتك كمان
ندا بعصبيه يعني ايه مهما بييجوا عندك يخدموا فيها ايه
