رواية الخطيئة بقلم ولاء حامد

لو خدموا عندي شويه 
مديحه پصدمه يخدموا لا طبعا هما بيجوا يساعدوا مش بيخدموا ودا بيكون يوم في الأسبوع كلنا بنتجمع فيه وبنتشارك محدش بيخدم حد فيه 
ندا يعني ايه يا ماما بقيتي في صفهم ضدي
مديحه بتعقل يا قلب ماما انا عايزاكي تكوني ست بيت شاطره زي اخواتك واحسن كمان علشان كده لازم تتحملي مسؤليه بيتك
ندا بزهق وضيق يا ماما كنت عايزه اروح اظبط نفسي اعمل بادكير ومانكير وأصبغ شعري واروح اسبا علشان لما عمر ييجي يلاقيني عروسه
مديحه ممكن تعملي اللي وراكي وكل داه مش هياخد منك يوم مشوار الكوافير مش محتاج اسبوع يا ندا 
ندا خلاص يا ماما انا هاتصرف مع السلامه 
وقفلت في وش أمها السكه
مديحه پصدمه شردت في تربيتها لبنتها وياترى مين صح ومين غلط 
عند ندا فضلت تغل وتحقد على خلود وصفا ولنفسها قالت لا انا مش هاشمتهم فيا طيب اعمل ايه حتى ماما شكلها بدأت تاخد صفهم اوووف طيب اجيب منين واحده تنضف الشقه ووائل واخد كل اللي معايا اول بأول ولو طلبت من عمر هايقولي انا لسه باعتلك دماغي هاتنفجر اعمل ايه وفي لحظه شيطان دخلت الشات تاني وبقى منفذ ليها لكل غلط وحرام ضاعت وسطه في لذه ومال حرام
وقعدت وقت طويل على الشات تتكلم وتدخل في علاقات محرمه وفعلا اخر اليوم كانت جمعت مبلغ كويس من علاقات مڼحله على النت وذنوب يهتز لها عرش الرحمن 
تاني يوم اتصلت بمغسله جم اخدوا السجاد كله وبلغوا انه هياخد 3 أيام 
وبعتت جابت رقم ست من اللي بيساعدوا في التنظيف واتفقت معاها تجيلها كمان 4 أيام 
وخلال الأيام دي ندا مرتجعتش عن طريق الغلط والحرام والضلال بل زادت كل يوم تدخل الشات وتكلم رجاله مقابل فلوس لعلاقات محرمه وفعلا كانت كل يوم بتحصل على مبلغ كويس بس نسيت انه مال حرام 
ولسه العلاقه بينها وبين وائل مستمره
ندا وهي في أحضان وائل بقولك ايه مش هاقدر اجي تاني
وائل باستغراب ليه يا مزه قلبي استكفيتي مني
ندا تؤ بس جوزي جاي كمان 3 أيام وهايقعد شهر ولما يسافر نتقابل
وائل بخبث امممم طيب مش هاشوفك خالص خالص
ندا تؤ هانتكلم فون او نت
وائل اشطا عليكي ايوه كده مقدرش اعيش من غيرك يا كرباج قلبي 
ندا بجد بتحبني يا وائل 
وائل بمكر طبعا يابنتي انتي مش عارفه قيمه نفسك ولا امكانياتك 
ندا مبحسش الحب داه منك بحس ان اللي بينا السرير وبس
وائل لا كده ازعل اه والله يابت داه بيسموه الحب حتى السرير بيقولو عليه رمز الحب وإثبات الحب 
ندا سمعت الكلام اللي ارضى غرورها حتى لو كان في الحړام ونسيت ان جوزها عمره ما بخل عليها بمشاعره ودايما كان بيغرقها في بحر الكلام الحلو والمشاعر الصادقه والحب الحلال
مرت الأيام على نفس الوتيره 
وفعلا خلال الأيام اللي فاتت كانت بتروح كل يوم لوائل شقته علشان تعوضه عن الايام اللي هاتغيب فيها عنه وقبل ما جوزها يوصل بيوم راحت بيوتي سنتر كبير وعملت نيو لوك جديد تماما وانهارده اليوم المنتظر عوده عمر من السفر لارض الوطن
وصل عمر وهو كله لهفه شوق لأهله ومراته الجميله الفاتنه الحسناء
وصل وكان في استقباله أهله
ندا قاعده ببرود بس متضايقه من كم الناس اللي موجودين عندها في البيت واخيرا بعد مده مشي الجميع 
عمر بحب وحشتيني 
ندا وانتا كمان
عمر بحب طيب إيه
ندا ببرود ايه
عمر ايه دي عليا واخدها ودخلوا اوضتهم 
وبعد مده عمر اتنهد بتعب 
ندا مالك 
عمر بضيق مفيش هاقوم اخد شاور
وسابها وقام
عمر تحت الدش لنفسه فيه حاجه غلط داه مش اسلوب ست بقالها سنه جوزها مقربش منها 
قلبه لالا يا عمر دي حبيبتك وكمان متربيه ومن بيت محترم ويعرف ربنا بلاش الشك يدخل بينكم
عقله طيب فهمني ازاي بتتعامل بالخبرة دي كلها في أول الجواز مكانتش كده وانا مقعدتش معاها كتير علشان تكون بالأسلوب داه
قلبه يمكن علشان وحشتها عبرت عن حبها بالطريقه دي
عقله هاصدق كلامك طيب ازاي واحده جوزها مقربش منها الا شهر وتكون بالشكل داه
قلبه قصدك إيه اوعي الشك يا عمر 
عقله مش شك بس بردوا لازم تفهم 
عمر حط ايده على ودانه وقعد على الأرض وهو مش عارف إيه الصح وإيه الغلط وغمض عنيه بتعب
وبعد مده عمر خلص ولبس بورنس الحمام وطلع بص على ندا لقاها نايمه وفي سابع نومه سابها نايمه وغير هدومه وطلع البلكونه وبص للسما يارب دلني على الصح نور بصري وبصيرتي يارب وفجاءه دخل اتوضى وفرش سجاده الصلاه ووقف بين يدي الله يتضرع إلى الله وبعد ما سلم من الصلاه مسك المصحف وقعد على الكنبه في الصاله وبدأ يقرأ القرآن بصوت عذب وجميل إلى أن أخذه سلطان النوم وهو بين يديه المصحف
بعد وقت طويل صحيت ندا من النوم بصت جمبها لقيت مكان جوزها فاضي مهتمتش وقامت دخلت خدت شاور ولبست قميص شقه شيك ومغري وسرحت شعرها وعملت مكياج بسيط وطلعت لقيت عمر نايم على الكنبه في الصاله سابته نايم مكانه ودخلت المطبخ وبدأت تجهز أكل بسيط وبعد وقت قليل خلصت ورصت الأكل على السفره وراحت لعمر تصحيه 
ندا بنعومه واڠراء عموري اصحي بقى 
عمر بهمهمه بسيطه اممم سيبني انام يا بلال عندي شغل بكره 
ندا بضحكه رقيعه وكملت بصوت اكثر اڠراء بالذمة داه صوت راجل 
عمر ببوادر صحيان وهو مش قادر يفتح عنيه ندا 
ندا امم ندا اللي سيبتها ونمت في الصاله
عمر معلش كنت نسيت اصلي العشاء قومت اتوضيت وصليت ودخل عليا القيام صليته وقرأت شويه في المصحف ونمت 
ندا اوكي سماح المره دي يلا قوم علشان ناكل لقمه مع بعض إمبارح معرفناش ناكل لوحدنا العائله كلها كانت هنا اهلي وأهلك وقاموا بالواجب 
عمر بهزه راس ماشي هاقوم اغسل وشي واصلي الصبح واجي نفطر
ندا طيب افطر الأول وبعدين ابقى صلي
عمر بحسم الصلاه الأول وبعدين الأكل لو عمري خلص هايبقى معلق في رقبتي فرض ربنا
ندا اوكي اوكي براحتك
عمر وهو بيقفل المصحف ويبوسه وحطه على الحامل مكانه انتي صليتي
ندا بكذب ايوه اول ما قومت خدت شاور واتوضيت وصليت
عمر بإطمئنان تمام يعني صليتي وعايزاني مصليش 
ندا مش قصدي انا كنت بس عايزاك تاكل لاني حسيتك مكلتش كويس إمبارح 
عمر اللمة الحلوه بتشبع
ندا بلا مبالاه طيب يلا علشان نفطر لاني هاموت من الجوع 
عمر دخل اوضته غسل وشه واتوضى وطلع يشوف سجاده صلاه ملقيش في الاوضه استغرب ازاي ندا صلت ومفيش سجاده صلاه هنا أو مفروشه بص حواليه ملقاش حتى إسدال متعلق فتح دولابها لقي كل الاسدالات متعلقه
عمر بشرود معقول يا ندا بتكذبي في فرض ربنا يعني قصرتي في حق ربنا اتمنى تكوني صادقه لان اللي ېكذب في حق ربنا ېكذب في حق العباد 
عمر لنفسه أعوذ بالله من الشيطان الرجيم يارب الهمني الصواب في أمري 
وطلع الصاله وفرش سجاده الصلاه وادي فرض ربنا وبعد الصلاه